Genesis 9:7 - সান্তালী বাইবেল

⁷ Ape do apeakʼ saṅgekʼ reakʼ daṛete ḍherokʼpe. Ar dhạrti reakʼ beṛhaete pasnaokʼpe ar saṅgekʼpe.”

Genesis 9:7 Iomraidhean Croise

Genesis 1:28

Isor do unkin bhoratʼkinteye metatʼkinạ, “Saṅgekʼ reakʼ daṛete perejokʼpe, ar apnarakʼ lekha ḍhertape ar dhạrti perejpe ar dhạrti do apeakʼ ḍanṭaore dohoype. Ona chaḍa ape do jalapuriren hakoko, coṭren cẽṛẽko ar otren sanam lekan jiwiyanko cetanre mạlik lekate ektiạripe calaoa.”

Genesis 35:11

Isor do arhõe metadea, “Iń do phạdkoren Isor kạnạń. Am do ạḍi utạr hoponkoren apatem hoyokʼa arpe saṅgekʼa. Iń do am khonge mitʼṭecʼ jạtrenkoń rakapʼkoa, ar mitʼṭecʼ ḍher bõsrenko benao rakabokʼa. Ar amakʼ bõsre aema rapajko janamokʼa.

Genesis 8:17

Ar ona sãote janwarko cẽṛẽko ar leńokʼ ṭunḍạṅko, metakʼme tinạkʼ jiwiyanko menakʼko onko sanamko hõm oḍok ạgukoa. Ińakʼ khojogokʼakʼ do dhạrtire onkoren bõsko bạḍokʼma arko saṅge idikʼte lekhareko ḍherokʼma.”

Genesis 9:1

Isor do Noha ar uniren hoponkoe bhoratʼkoteye menkeda, “Ape do saṅgekʼ reakʼ daṛete ḍher idikʼpe ar dhạrti perejpe.

Genesis 9:19

Noharen noko pea hoponren bõskoge goṭa dhạrtiko perecʼkeda.

Genesis 9:8

Tayomte Isor do Noha ar uniren hoponkoe metatʼkoa, “Ape ar aperen bõsko lạgitʼ ar okoe janwarko ape sãoteko tahẽkan, metakʼme, tinạkʼ cẽṛẽko ar janwarko ape sãote jahaj khonko oḍok hecʼakan, metakʼme dhạrtiren sanam jiwiyanko lạgitʼ iń do ńitokʼ mitʼṭecʼ bondobos iń dohoyeda.

Jirimiạ 29:6

Baplakʼpe ar gidrạko janamkope; aperen hoponko bạhuakope ar hoponerako baplakakope jemon onkoren hõ gidrạko hoyokʼtako. Ape do onḍe saṅgekʼpe, ar alope komaokʼa.