Genesis 9:5 - সান্তালী বাইবেল

⁵ Ar jãhãege apeko khũnpe enḍekhan iń do khạṭige apeakʼ mãyãm reakʼ iń hala ruạṛakoa, ona do janwarge cetʼ ar manwakoge cetʼ. Manwa jiwi okoeye hatao uniyakʼ hõ hataokʼtaea.

Genesis 9:5 Iomraidhean Croise

Genesis 42:22

Ruben do onkoe metatʼkoa, “Iń doń metatʼpe tahẽkangea, ‘uni cetanre behokakʼ alope kạmiya.’ Menkhan unre bape ańjomletʼtińạ. Ńitokʼ do uniyakʼ mãyãm reakʼ hakʼla hạli reakʼ okte hoyakana.”

2 Samuel 4:11

Enḍekhan mitʼṭen bindusạn hoṛ okoe do uniyakʼ oṛakʼre bolokate aṭetʼreye khũn akade, uni bạṛicʼ hoṛ cetʼ artetʼge bạń sạjạiyea. Ona iạte iń do apeakʼ ti khon uniyakʼ mãyãm reakʼ iń hala hạliya ar dhạrti khon apeń meṭao cabapea.”

1 Rapajko 2:6

Am do ạkil salakʼ kạmime, ar haṛam umerre uni do sulukte patal purite alom sen ocoaea.

2 Rapajko 11:1

Jihudạren raj Ahasiạren eṅgattetʼ tinreye ńelkeda, acʼren hopon doe gocʼ ocoyena unre uni do Jihudạ rajren sanam hoponkoe gocʼketʼkoa.

2 Bõsbudạ 24:22

Sakariạren apattetʼ Jehoyada do Joas ṭhen oka pạtiạrtetʼe udukʼletʼ Joas do ona bae disạletʼte uniren hopone gocʼ ocokedea. Sakariạ do gujukʼ jokhecʼe menleda, “E Probhu niạ baṛe hala ruạṛme.”

2 Bõsbudạ 33:24

Amonren kạmiyạko do uni upạrteko soṛojontroketʼte raj oṛakʼrege uniko khũnkedea.

2 Bõsbudạ 33:25

Menkhan Amon raj upạrteko soṛojontroletʼ disạmren hoṛko do onko jotoko gocʼketʼkoa ar uniren hopon Josiạ do uniyakʼ jaegareko rajkedea.

Sereńko 9:12

ente mãyãm reakʼ okoeye hala hạliy uni do gocʼ ocoakan hoṛko hõ bae hiṛiń akatʼkoa, ar dukokʼ kankoakʼ rakʼ joṅ hõ bae ḍhilạutakoa.

Exodus 20:13

“Alom khũna.

Exodus 21:12

“Jãhãege mitʼṭen hoṛe dale ar ona iạte uni hoṛe gocʼlen khan tobe uni dadalicʼ hoṛ hõ khạṭigeye gocʼ ocokʼa.

Levitikus 19:16

Okoe hoṛakʼ hõ alom nindạua. Ar am aḍepaseren hoṛakʼ jiwi upạrte hõ alom teṅgona. Iń kangeạń aperen Probhu Isor do.

Levitikus 24:17

“Ar jãhãege jãhãeye khũne enḍekhan uni hõ goje hoyokʼa.

Levitikus 24:21

Janware gocʼle khan uni do khuti purun emokʼ hoyokʼtaea, menkhan manwae gocʼle khan uni hõe gocʼ ocokʼa.

Numeri 35:16

“Jãhãe hoṛ mẽṛhẽtʼ reakʼ jãhãnakʼ jiniste jãhãeye mage ar onate uniye gujukʼ tobe uni doe khũniạhi kana. Ar uni khũniạhi hoṛ do goje hoyokʼa.

Numeri 35:17

Okaṭakʼte manwae gujukʼ nonkan jãhãn dhiri jãhãeakʼ tire tahen ar onate jãhãeye tińe ar onate uniye gujukʼ enḍekhan teteńicʼ hoṛ doe khũniạhi kana. Ar uni khũniạhi hoṛ do goje hoyokʼa.

Numeri 35:18

Manwae gujukʼ nonkan jãhãn kaṭ reakʼ jinis jãhãeakʼ tire tahen ar jãhãe dale ar onate uniye gujukʼ enḍekhan uni dadalicʼ hoṛ doe khũniạhi kana. Ar uni khũniạhi hoṛ do goje hoyokʼa.

Mathae 23:35

Onate Habel reakʼ mãyãm khon Borkhiạren hopon Sakariạ reakʼ mãyãm hạbicʼ one sonot jaega ar pinḍ talarepe khũnlede, uni Sakariạ khũn hạbicʼ dhạrtiren tinạkʼ bin dusạnkoko khũn ocoakan onko sanamkoakʼ mãyãm reakʼ dạyikpe hoyokʼa.

Aposkạmi 17:26

Uni do mitʼṭen manwa khon sanam jạtren hoṛkoe sirjạu akatʼkoa jemon goṭa dhạrtireko girobasokʼ. Onko do tinre okakoreko girobasokʼa ona hõ acʼakʼ sana lekae goṭa dohoakada.

Dosar Biboron 19:11

“Menkhan jãhãe hoṛ edre iạte jãhãe goje lạgitʼ tãṛãkʼ akane tahen ar uniye gojete ona Asrayokʼ nagrahateye ńir bańcaokʼ,

Dosar Biboron 19:12

enḍekhan acʼakʼ nagraharen mukhiyạko do hoṛ kolkate ona nagrahateko sapʼ ạguyea ar mãyãm halayicʼakʼ tireko jimạyea jemon uniye goje.

Bikʼcạrko 9:56

Abimelek do eaegel boehakoe gocʼletʼkote apattetʼ cetanre okae behokletʼ onkage Isor do uniyakʼ paona sạjạiye emkatʼtaea.