Genesis 8:20 - সান্তালী বাইবেল

²⁰ Ona tayom Noha do Probhu Isor ńutumte mitʼṭecʼ pinḍe benaokeda ar mimitʼ jạtren sapha janwarko ar cẽṛẽko khon hataokate pinḍ cetanreye dãṛẽketʼkoa.

Genesis 8:20 Iomraidhean Croise

Genesis 13:18

Unre Abram do acʼakʼ tạmbukoe uṭhạukeda ar Hebron ṭoṭha reakʼ Mamre ńutuman mitʼṭen hoṛakʼ sonot dareko ṭhene ḍerayena. Ar onḍehõ uni do Probhu Isor lạgitʼ pinḍe benaokeda.

Genesis 22:2

Isore menkeda, “Amren gidrạ, amren uni sadher hopon, okoe do ạḍim dulạṛede uni ar am do Moriạ ṭoṭhate calakʼ ben. Ar onḍe okaṭakʼ buru reakʼ kathań lạiyam onḍe mitʼṭecʼ jeredokʼ samaṅokʼakʼ lekate uni samaṅem.”

Genesis 22:9

Ar oka jaega reakʼ katha Isor do Abrahame metade tahẽkan onḍekin seṭerena. Onḍe seṭerkate unkin do mitʼṭecʼ pinḍkin benaokeda ar onare sahankin ladekeda. Ar Abraham do Isahakakʼ ti-jaṅgae tolketʼtaete ona pinḍ reakʼ sahan cetanreye dohokedea.

Genesis 26:25

Unre Isahak do onḍe mitʼṭecʼ pinḍe benaokeda ar Probhu Isore sewawadea. Onḍege uni doe ḍerayena ar acʼren gutiko mitʼṭecʼ kuńko lakeda.

Genesis 33:20

Ar onḍe do mitʼṭecʼ pinḍe benaokeda ar ona reakʼ ńutum do El-Elohe Israele dohokeda (metakʼme “Isor doe Israelkoren Isor kana”).

Genesis 35:1

Niạ tayom Isor do Jakobe metadea, “Am do ńitokʼ Bethelre senkate tahenme. Ar amren boeha Esau ṭhen khonem ńir pharakokʼ jokhecʼ okoe do am ṭhene ńel ocolen uni Isor lạgitʼ onḍe mitʼṭecʼ pinḍ benaome.”

Genesis 35:7

Onḍe uni do mitʼṭecʼ pinḍe benaokeda. Ar ona jaega reakʼ ńutum do El-Bethele dohokeda (metakʼme “Bethelren Isor”), ente boeha ṭhen khone dạṛletʼ jokhecʼ Isor do onḍege uni ṭhene sodorlena.

Genesis 4:4

Ar Habel hõ acʼren bhiḍi palko khon pạhil janam akan bheḍako ạgukate onkoakʼ itil reakʼ hĩskoe samaṅkeda. Probhu Isor do Habelakʼ samaṅokʼakʼe ataṅkeda,

Genesis 7:2

Am do sapha jiwiyan mimitʼ jạtrenko khon eae joṛkate eṅga ar ạnḍiạ, ar be sapha jiwiyanko khon do mitʼ joṛakate eṅga ar ạnḍiạm hataokoa.

Genesis 7:3

Coṭre uḍạukʼ sapha cẽṛẽko khon hõ eae joṛkate eṅga ar ạnḍiạm hataokoa. Dhạrtire onkoren bõsko jiwetʼ dohoko lạgitʼge am do onam onkaea.

Genesis 8:19

Onko sãote joto janwar ar cẽṛẽko ar lacʼte taṛam jiwiyanko, metakʼme ot cetanre ạcur baṛae sanam jiwiyanko akoakʼ jạtko lekako oḍok hecʼena.

Jobakʼ 1:5

Onkoakʼ bhoj reakʼ dinko sạtlen khan Job do onko hoho ạgukateye sonotetʼko tahẽkana. Uni do setakʼre onko lạgitʼ mimitʼ goṭenkate jeredokʼ samaṅokʼakʼ porobe hoeocoyetʼ tahẽkana. Uni doe hudisetʼ tahẽkana, “Ińren hopon ar hoponerako do pasecʼko kại akada ar mone monete Isorko henosta akadea.” Job do nonka jaogeye kạmikan tahẽkana.

Exodus 10:25

Moseye roṛ ruạṛkeda, “Aleren Probhu Isor ńutumte jeredokʼ ar eṭakʼakʼ samaṅokʼakʼ janwar do amge jogao aleme.

Exodus 29:18

Inạ tayom do pinḍ cetanrem atar giḍikaea. Noa do Probhu Isor ńutumte mitʼṭecʼ jeredokʼ samaṅokʼakʼge, metakʼme Probhu Isor ńutumte seṅgelre mitʼṭecʼ samaṅokʼakʼge, one ona reakʼ jut so do uniye kusiyakʼ kan.

Exodus 29:25

Ona tayom onkoakʼ ti khon hatao ruạṛkate pinḍ cetanre jeredokʼ samaṅokʼakʼ sãotem atar giḍikakʼa. Noa do Probhu Isor ńutumte seṅgelre mitʼṭecʼ samaṅokʼakʼge one ona reakʼ jut so do uniye kusiyakʼ kan.

Numeri 7:21

jeredokʼ samaṅokʼ lạgitʼ mitʼṭen ḍaṅgra, mitʼṭen bheḍa, mitʼṭen mitʼ bochor umerren bheḍa hopon;

Romiko lạgitʼ Pạul Apostolakʼ ciṭhi 12:1

Enḍekhan E boehako, Isorakʼ noako daya iạtege iń do asokaeteń nehõrape kana, apeakʼ hoṛmo do jiwetʼ, sonot ar Isore kusiyakʼ dãṛẽ menkate uni ṭhen samaṅtape. Ar onage apeakʼ lek reakʼ sewa do hoyokʼa.

Ibriko 13:10

Aboakʼ do mitʼṭecʼ pinḍ menakʼa ar okoe Israelkoakʼ ona sewa tạmbureko kạmikan, onko do aboakʼ pinḍ cetanre samaṅ akatʼ jãhãnakʼge jojom reakʼ ạidạri bạnukʼtakoa.

1 Patras 2:5

ar uni ṭhenpe hecʼakante jiwetʼ dhiri leka ape hotete Isorakʼ tahen oṛakʼ do benaokʼ kana. Onate naeke lekate Isor lạgitʼpe begar ocoakana, jemon nonkan sanam jiuanakʼ dãṛẽpe samaṅ one okaṭakʼ do Jisu Mạsi hotete Isorre kusiyakʼ leka hoyokʼ.

1 Patras 2:9

Menkhan ape do “Bachao akan bõsko kanpe; ape hotete naekekoakʼ rajosṭi do benao akana; ape do Isorakʼ monsubạ lạgitʼ begar dohoakan jạtrenko kanape ar uniren hoṛpe hoyakana,” Ńut khon acʼakʼ hahaṛa marsalte okoeye hoho ạguketʼpe unige sarhao sereńaepe.