Genesis 8:1 - সান্তালী বাইবেল

¹ Jahajre Noha ar uni sãote tinạkʼ ạsul ar bir janwarko tahẽkan Isor do onkoakʼ katha bae hiṛińleda. Uni do dhạrti cetanre hoeye ạgukeda, ar onate dakʼ do ańjedokʼ ehopʼen.

Genesis 8:1 Iomraidhean Croise

Genesis 19:29

Nonkate Lot okareye tahẽkan Isor do ona bilạn ṭạnḍi reakʼ nagrahae maraoetʼ tahẽkanre Abrahamakʼ katha disạkate Lot do onḍenakʼ muhin khone ocokʼ ạgukedea.

Genesis 30:22

Inạ tayom Isor do Rahel secʼe beṅgetʼkeda. Uni do Rahelakʼ koejoṅe ańjomkeda ar bhạrti hoṛmo reakʼ daṛeye emadea.

Nehemiạ 13:14

E ińren Isor, niạko kạmi lạgitʼ disạyińme baṛe. Ińren Isorakʼ oṛakʼ ar onaren sapʼdapʼ kạmi lạgitʼ pạtiạr salakʼ okań ceka akatʼ ona do alom muchạu giḍikakʼa.

Nehemiạ 13:22

Ona tayom iń do liwikoń hukumatʼkoa onko do apnartetʼko sapha maṛaṅokʼte jirạukʼ mãhã sonot dohoy lạgitʼ senkate jemon phaṭok duạrko horhoe. E ińren Isor, noa iạte hõ disạ dohoyińme ar amakʼ asambheṛ dulạṛte dayawạńme.

Nehemiạ 13:29

E ińren Isor, nokoakʼ katha disạ dohoyme, ente noko do naeke hudạko bhõnḍ akada ar naeke ar liwikoakʼ kạmi reakʼ bondobosko rạputʼ akada.

Nehemiạ 13:31

Ona chaḍa okte nạpitre kaṭko ar pạhilte rakabokʼ phosol ạgui reakʼ hõń bebostawatʼkoa. E ińren Isor, iń bhạlạyiń lạgitʼ disạyińme baṛe.

Jobakʼ 12:15

Uni do dakʼe akoṭ ocole khan akal hoyokʼa; ar onae jhicʼle khan disạm do ḍahao maraokʼa.

Jobakʼ 14:13

“Ohae, Sheolre baṛem oko danaṅ liń khan, amakʼ edre ạuri cabakʼ hạbicʼem doholiń khan, ar ona tayom mitʼṭecʼ oktem niṭạńte ińem disạ ocoyiń!

Sereńko 105:42

Acʼren golam Abraham ṭhen oka sonot gokʼakʼe doholetʼ onae disạkeda.

Sereńko 106:4

E Probhu Isor, amren hoṛko secʼ dayam udugre iń do alom hiṛińińạ; ar onkom bańcaoko oktere iń secʼ hõ ti tiyạr do alom hiṛińa.

Sereńko 115:12

Probhu Isor do aboakʼ kathae disạ akada, onate uni doe bhor abona; hẽ, uni do Israel bõsrenkoe bhorakoa, uni do Aron bõsrenkoe bhorakoa,

Sereńko 132:1

E Probhu Isor, am do Dạudakʼ sanam kosṭo reakʼ katha disạime.

Sereńko 136:23

Uni do aboakʼ bạpuṛicʼ dosaye disạketʼtabona; ente uniyakʼ dulạṛ do jaejuggetaea.

Sereńko 137:7

E Probhu Isor, Jerusalem ḍahao maraokʼ dinre Edomrenko cetʼko cekaleda ona baṛe disạime; onkoko menleda, “Lạnduṛpe, ona reakʼ rehetʼ hạbicʼ lạnduṛpe.”

Sereńko 29:10

Probhu Isor do maraṅ ḍubạ dakʼre raj akane tahẽkana; uni do jaejugren raj kanae, uni do siṅghạsonre menaea.

Sereńko 36:6

Amakʼ dhorom do Isorakʼ buruko lekana; amakʼ dhorom bicạr do athantar doreão leka. E Probhu Isor, manwa ar janwar jotoge jiwetʼ baṛe dohokom.

Exodus 14:21

Tayomte Mose do jalapuri cetanre acʼakʼ tiye tiyạrketʼtaea; ar Probhu Isor do goṭa ńindạ mitʼṭecʼ purub reakʼ maraṅ hoeye ạguketʼte dakʼ doe bar hạṭiń ocokeda. Uni do dakʼe bar hạṭińketʼ khan jalapuri talate mitʼṭecʼ kuṭhạ̃ṛ hore tearkeda.

Exodus 15:10

Menkhan am dom oṅketʼte hoeyem ạgukeda, ar jalapuri hõ onkoe loṭomketʼkoa. Onko do khạndri dakʼre sisạ lekako tạpukʼena.

Exodus 2:24

Isor do onkoakʼ rakʼe ańjomketʼtakote Abraham, Isahak ar Jakob lạgitʼ okaṭakʼ bondobose doholetʼ ona kathae disạkeda.

Kạhtukko 25:23

Utạr secʼ reakʼ hoe cetʼleka dakʼe ạguiyetʼ, onkage cuglikan alaṅ do kurkunḍucʼ mẽtʼãhãe ńelocoya.

Jesaea 44:27

Athantar dakʼ doń metakʼa, ‘rohoṛokʼme; iń do amakʼ gaḍakoń ańjetʼ ocoya.’

Jirimiạ 50:38

Akalte uniyakʼ sanam dakʼko ańjedokʼa, ente ona do boṅgakoakʼ disạm kana, ar onko boṅgako do onḍenko hoṛko koṅka ocokoa.

Amos 8:7

Probhu Isor, okoe doe Jakobren ṭhonokanicʼ kan, uni do kiriạkateye meneda, “Onko okako kạmi akatʼ ona do tishõ bạń hiṛińokʼa.

Jona 4:11

Menkhan Niniwire mitʼ lakh bargel hajar khon hõ bạ̃ṛti gidrạ menakʼkoa onko do bako baḍaea okaṭakʼ do jojomti ar okaṭakʼ do leṅga ti kana mente; ona chaḍa ḍher ḍaṅgra ar bhiḍiko hõ menakʼkoa. Enḍekhan iń do cetʼ iń cekaea? Iń do cetʼ ona maraṅ nagraha lạgitʼ bạń mãyãkʼa?”

Nạhum 1:4

Uni do jalapuriye dhomkaoetʼte onae ańjetʼ ocoyeda; ar gaḍako doe rohoṛ ocoyeda. Bason ar Karmel do gosokʼkana ar Lebanon reakʼ bahako do tolmojokʼkana.

Habakkuk 3:2

E Probhu Isor, iń do amakʼ kạmi reakʼ katha ańjomteń botorena. E Probhu Isor, ale okterege onako do arhõ onkaeme; aleakʼ okterege am do onako udukʼaleme. Edrekʼ jokhecʼ mãyãkʼ reakʼ katha do alom hiṛińa.

Sakariạ 10:11

Iń do kosṭo reakʼ doreão talateń calakʼa ar doreão reakʼ ḍheokoń domona ar onate nil gaḍa reakʼ khạndri jaegako do rohoṛokʼa. Ạsur reakʼ bạḍại do rạputʼ ocokʼa ar Misor reakʼ ḍanṭao hõ sạṅgińokʼa.

Numeri 10:9

Apnarakʼ disạmre tahen jokhecʼ aperen bạiriko sãotepe lạṛhạire banar pepṛẽtʼ mitʼ dhaotepe oroṅa. Unre aperen Probhu Isor do ape lạgitʼe dạndikʼte bạirikoakʼ ti khone rukhiyạpea.

Numeri 22:32

Probhu Isorren goḍet do uniye kulikedea, “Amren gadha eṅga do pe dhao cedakʼem dalkedea? Am do iń samaṅrege iń upạrtem calakʼkante am tạkicʼ darame lạgitʼ iń hecʼakana.

Johan sodor 16:19

Ar ona maraṅ nagraha do pe hạṭińte hạṭińena ar jạt jạtrenkoakʼ nagrahako do lạnduṛena. Tayomte ona maraṅ nagraha Babel reakʼ katha Isor do disạ hecʼadea, uni do acʼakʼ edre reakʼ botoranakʼ bubulakʼte perecʼ bạṭi reakʼ ńũi lạgitʼ Babele emadea.

Johan sodor 18:5

Uniyakʼ kại do serma hạbicʼ usul akana ar uniyakʼ bạṛicʼ kạmiko reakʼ katha do Isore disạ akatʼtaea.

1 Samuel 1:19

Dosar hilokʼ setakʼ onko do beretʼkate mundilre senkate Probhu Isorko sewawadea. Ar ona tayom do akoakʼ oṛakʼ Ramoteko ruạṛ calaoena. Tayomte Elkana do acʼren bạhu Hanna ṭhene boloyena ar Probhu Isor hõ Hannae luturadea.