Genesis 7:21 - সান্তালী বাইবেল

²¹ Ona iạte otren sanam jiwiyanko, cẽṛẽko, ạsul ar bir janwarko, kạṭicʼ ar lạṭu jiwiyanko ar sanam manwako unum gocʼena.

Genesis 7:21 Iomraidhean Croise

Genesis 1:25

Isor do dhạrtiren sanam lekan bir janwarko, ạsul janwarko ar sanam lekan leńokʼ ṭunḍạṅkan jiwiyankoe benaoketʼkoa. Noko sanamkoge apan ạpin jạtrenko lekate saṅgekʼ reakʼ daṛeye ematʼkoa. Isore ńelkeda ona do ạḍi mońjge hoyakana.

Genesis 6:13

Noa ńelte Isor do Nohae metadea, “Manwa jạtrenko doń maraokoa. Ente dhạrti do onkoakʼ santao ar behokte perecʼ akana. Iń do manwa sãote dhạrti reakʼ jotowakʼiń marao giḍikakʼa.

Genesis 6:17

Iń do dhạrtire mitʼṭecʼ ḍubạ dakʼ iń ạguya jemon serma latarre tinạkʼ do sahẽtʼetʼkan jiwiyanko menakʼko onko joto doń ḍahao maraokoa. Onate dhạrtiren sanam manwako doko marao utạrokʼa.

Genesis 7:4

Iń do eae din khange dhạrtire dakʼ iń ạguya. Onate pongel siń ar pongel ńindại daga. Ar otre okoeko jiwiyankoń sirjạu akatʼko onko joto do dhạrti khoniń marao giḍikakoa.”

Jobakʼ 34:15

enḍekhan sanam jiwiyanko do mitʼ domteko maraokokʼa, onko do arhõ dhuṛiteko ruạṛ calaokokʼa.

Jesaea 24:19

Dhạrti do kaṭra kuṭrạ cabakʼa, dhạrti do oṛejokʼa ar dhạrti do botorge dal dalaokʼa.

Jesaea 24:6

Ona iạte mitʼṭecʼ sarap do dhạrtiye utʼ cabaea; ar uniren hoṛko do dusikoko hoyokʼa. Ona iạte dhạrtire okoeko girobasokʼ kan onko doko atar giḍi ocokʼa ar thoṛa hoṛge jiwetʼko tahena.

Hosea 4:3

Ona iạte disạm doe homor halaṅeda ar okoe uni talareko tahen kan onko doko marao utạrokʼ kana ar janwarko, cẽṛẽko ar hako hõko gocʼ cabakʼ kana.

Joel 2:3

Onko laha lahate do seṅgele jojomkana ar onko tayomte do seṅgel lepʼe roṅgokana. Onko samaṅre disạm do Eden bagwan leka, ar onko tayomre do ujạṛakʼ hahaṅkar; ona khon rukhiyạ do cetʼge bae ńameda.

Sephaniạ 1:3

Manwa ar janwar, coṭren cẽṛẽ ar jalapuriren hakoko hõń caba utạrkoa. Iń do bedhoromkoń sumạrkoa. Ar dhạrti khon manwa doń marao utạrkoa.

Mathae 24:39

Ar ḍubạ dakʼ hecʼkate sanamko ạuriye ạtu idiko hạbicʼ onko do cetʼge bako bujhạu daṛeada. Manwa Hoponakʼ hijukʼ hõ ṭhik onkage hoyokʼa.

Luk 17:27

Ente Noha do jahajre ạuriye bolokʼ hạbicʼ ar ḍubạ dakʼ hecʼkate sanamko ạuriye maraoko hạbicʼ hoṛko doko jom ńũiyetʼ tahẽkana, bạhu joṅkan tahẽkanako arko jãwãeyokʼkan tahẽkana.

Romiko lạgitʼ Pạul Apostolakʼ ciṭhi 8:20

Ente sirjon do ạuṛiyakʼ ṭhene tabe ocoyena. Acʼakʼ kusite do baṅ hoyakana, Isorge uni doe tabe ocoakadea. Menkhan ona são sãote noa as hõe emakana,

Romiko lạgitʼ Pạul Apostolakʼ ciṭhi 8:22

Baḍaegea bon, goṭa sirjonge bedonte ńit hạbicʼ mitʼteko kũhrạuetʼ kana.

2 Patras 2:5

Uni do mare dhạrtirenko hõ bae aṛakʼletʼkoa, bickom Isor bin bhokti hoṛkore ḍubạ dakʼe ạguleda; menkhan Noha ar eṭakʼ eae hoṛ doe bańcaoletʼkoa. Ar nui Nohage Isor bhokti reaṅe porcarleda.