Genesis 7:11 - সান্তালী বাইবেল

¹¹ Nohawakʼ umer tinre turuisae bochor tahẽkana, ar ona bochor reakʼ dosar cando reakʼ gel eaeakʼ dinre ot latar reakʼ dakʼ do oḍokokʼ ehopʼena ar serma hõ paṛakʼena.

Genesis 7:11 Iomraidhean Croise

Genesis 1:7

Nonkate Isor do dakʼ talare mitʼṭecʼ phaelao jaegae sirjạukeda ar cetan ar latar reakʼ dakʼe begarkeda. Onate cetan ar latar reakʼ dakʼ do begarena.

Genesis 6:17

Iń do dhạrtire mitʼṭecʼ ḍubạ dakʼ iń ạguya jemon serma latarre tinạkʼ do sahẽtʼetʼkan jiwiyanko menakʼko onko joto doń ḍahao maraokoa. Onate dhạrtiren sanam manwako doko marao utạrokʼa.

Genesis 7:6

Dhạrtire ḍubạ dakʼ ehobokʼ jokhecʼ Nohawakʼ umer do turuisae bochor tahẽkana.

Genesis 8:14

Ado dosar cando reakʼ bargel eaeyakʼ dinre ot do rohoṛ utạrena.

Genesis 8:2

Unre ot latar khon dakʼ oḍokokʼ ar serma reakʼ paṛakʼ hõ bondena ar dakʼ ńurokʼ hõ thirena.

2 Rapajko 7:19

Uni guti do Isorren hoṛe metade tahẽkana, “Ńelme, Probhu Isor do serma reakʼ duạre jhicʼlere hõ noa do baṅ hoedaṛeakʼa?” Isorren hoṛe roṛ ruạṛleda, “Am do amakʼ mẽtʼtegem ńela, menkhan ona reakʼ do cetʼge bam jom ńama.”

2 Rapajko 7:2

Raj do okoe gutiye goṛowade tahẽkan uni guti do Isorren hoṛe metadea, “Ńelme, Probhu Isor do serma reakʼ duạrkoe jhicʼlere hõ onka do ohoge hoylena?” Elisaeye roṛ ruạṛkeda, “Amakʼ mẽtʼtege noa dom ńela, menkhan am do ona reakʼ cetʼge bam jom ńama.”

Jobakʼ 12:15

Uni do dakʼe akoṭ ocole khan akal hoyokʼa; ar onae jhicʼle khan disạm do ḍahao maraokʼa.

Jobakʼ 28:4

Manwa ṭhạ̃i khon sạṅgińre okare manwa bako calakʼkan onḍe onko do khạnko layeda, ar ona khạnrege onko doko jhilạkʼkana.

Jobakʼ 38:16

“Jalapuri reakʼ jharnako ṭhen cetʼem bolo akana, se doreão reakʼ tulirem dãṛã akada?

Jobakʼ 38:37

Budte okoe rimil doe lekha daṛeakʼa? Ar serma reakʼ kanḍa do okoeye dũṛũcʼ daṛekea,

Sereńko 33:7

Uni do jalapuri reakʼ dakʼkoe jarwa ocoyetʼa, ar judạ judạ murạikore onako dakʼe dohoyeda.

Sereńko 74:15

Am do jharna ar huḍiń gaḍako reakʼ horem jhicʼ akada; ar jug khon ạtukʼkan gaḍako do amgem ańjetʼ ocoakada.

Kạhtukko 3:20

Uni do ạkilte ot latar khon dakʼe oḍok ocoyeda, ar serma khon ṭhopʼ ṭhopʼ sisir dakʼe ńur ocoyeda.

Jesaea 24:18

Okoe hoṛ botoranakʼ saḍe ańjomkateye ńirjoṅ uni do ghaḍlakʼreye khańjokʼa, ar okoe ghaḍlakʼ khone rakabokʼ uni do pạsireye sapʼ ocokʼa. Serma reakʼ khiṛkiko jhijokʼa ar dhạrti reakʼ rehetʼ do dal dalaokʼa.

Jesaea 24:19

Dhạrti do kaṭra kuṭrạ cabakʼa, dhạrti do oṛejokʼa ar dhạrti do botorge dal dalaokʼa.

Jirimiạ 5:22

Iń do cetʼ bape botorạń kana? Iń samaṅre cetʼ bape thar tharaokʼ kana? Ińge jaejug reakʼ mitʼṭecʼ bondobos lekate gitilte doreão reakʼ simạnań ṭhik dohoakada, jemon jalapuri do ona bae parom daṛeakʼ. Ona reakʼ ḍheoko hecʼlenre hõ ona do bae leṭecʼ daṛeakʼa; ar ona do hud hudạukʼre hõ bae parom daṛeakʼa.

Jirimiạ 51:16

Uniyakʼ hukumte serma reakʼ dakʼ do chilkibilkikʼ kana; uni do dhạrti reakʼ ses simạna khon rimile rakapʼ ạguyetʼkana. Uni do dakʼ lạgitʼe bijli ocoyeda ar acʼakʼ murại khon hoeye oḍok ạguiyeda.

Jeheskel 26:19

“E Tur, iń Probhu Isorge tinre ujạṛakʼ nagraha lekań hoyocomea one okare celege bako girobasokʼ kan, ar doreão reakʼ dakʼ tinre am cetanreń ạguiya ar ona do ame dapal esetʼmea,

Malaki 3:10

Apeakʼ jotowakʼ reakʼ gelakʼ hĩs do ińakʼ murạite ạguiype jemon ińakʼ oṛakʼ do jomakʼte perecʼ tahen. Noa babotre biḍạu aṭkarińpe, ente iń phạdkoren Probhu Isorge serma reakʼ joto duạrkoń jhija ar jạruṛape khon hõ bạ̃ṛti bhor iń dul apea.

Mathae 24:38

Ente ḍubạ laha dinkore Noha do jahajre ạuriye bolokʼ hạbicʼ hoṛko doko jom ńũiyetʼ tahẽkana, arko bạhu joṅkan tahẽkana ar jãwãe hõko jãwãeyokʼ kan tahẽkana.

1 Thessalonikikko 5:3

Ar tinre hoṛko mena, “Suluk hoyakana, botor reakʼ do cetʼge bạnukʼa,” Unre bhạrti hoṛmo akan maejiuko acka bedon rakapʼako leka onko hoṛ doko ḍahao maraokʼa. Ar oka lekate hõ bako rukhiyạ daṛeakʼa.

2 Patras 3:6

Un reakʼ ona dhạrti do ḍubạ dakʼte ḍahao maraolena.