Genesis 7:1 - সান্তালী বাইবেল

¹ Noa tayom Probhu Isor do Noha arhõe metadea, “Am ar am gharońjrenko ape do jahajte bolokʼpe. Ente ińiń ńeleda, hoṛko modre eken amgem dhoromgea.

Genesis 7:1 Iomraidhean Croise

Genesis 6:18

“Menkhan iń do am lạgitʼ mitʼṭecʼ bondobosiń dohoya. Am do jahajtem bolokʼa ar am sãote amren hoponko ar amren bạhu ar kiminmetako hõko tahena.

Genesis 6:9

Nohawakʼ jion reakʼ katha. Noha do mitʼṭen dhorom hoṛe tahẽkana. Ar acʼ okteren hoṛko modre uni eskarge dhorom hoṛ doe tahẽkana. Uni do Isor sãote jaoge helmel tahẽkantaea.

Genesis 7:13

Oka hilokʼ dadakʼe ehopʼketʼ enhilokʼ Noha do, acʼren bạhu, acʼren hopon Shem, Ham ar Japhet ar onkoren bạhuko salakʼ jahajteye boloyena.

Genesis 7:7

Ḍubạ dakʼ khon rukhiyạkʼ lạgitʼ Noha do, acʼren bạhu, ar uniren hoponko ar onkoren bạhuko tulucʼ ona jahajteye boloyena.

2 Samuel 22:24

Uni samaṅre iń do bin dusạngeń tahẽkana, ar kại khon hõ pharakreń tahẽlena.

Kạhtukko 10:9

Okoe dhoromteye calakʼkan uni do khạtirjomae dãṛãnkana, menkhan okoe peṛta horteye calakʼ uni doe sapʼ ocokʼa.

Kạhtukko 14:26

Dhorom hoṛ do keṭecʼ bhorsa menakʼtaea ar uniren gidrạko lạgitʼ do aotan gaṛ menakʼa.

Kạhtukko 18:10

Probhu Isor do kajak aotan gaṛ kanae; dhoromko onḍeko ńir sen khan rukhiyạko ńama.

Jeheskel 14:14

ar onko pene hoṛ, metakʼme Noha, Daniel ar Jobge, ona talareko tahen, enḍekhan, onko hõ akoakʼ dhorom iạte eken akoakʼ jiwigeko rukhiyạ daṛeketakoa. Iń Probhu Isorge noa katha doń meneda.

Sephaniạ 2:3

E disạmren sanam mạ̃hir hoṛko, ape okoe do Probhu Isorakʼ hukum lekape kạmikan, ape do uniyakʼ sanaleka dhoromte ar mạ̃hirte calakʼpe; enḍekhan Probhu Isorakʼ edre reakʼ dinre ape do hoedaṛeakʼa asraype ńama.

Luk 1:6

Isor samaṅre unkin bana hoṛge dhorom kin tahẽkana. Ar Probhu Isorakʼ sanam hukum ar niạmko ṭhik lekakin manaoetʼ tahẽkana.

Luk 17:26

“Noha oktere cetʼleka hoylen onkage Manwa Hopone hijukʼre hõ hoyokʼa.

Aposkạmi 2:39

Ape lạgitʼ, aperen gidrạ lạgitʼ ar okoe do sạṅgińre menakʼko, metakʼme aboren Probhu Isor do okoeko acʼren hoṛ hoyokʼ lạgitʼe hohowako, onko sanamko lạgitʼ noa gokʼakʼ do emakana.”

Ibriko 11:7

Okaṭakʼ do unrehõ baṅ ńelokʼkan tahẽkan, ona reaṅ Isor do Nohae sontorledea. Noha do Isor bhokti hoṛe tahẽkante Isorakʼ kathare biswạskate mitʼṭecʼ jahaje benaoleda, jemon acʼakʼ gharońjrenko rukhiyạko ńam. Noha do acʼakʼ biswạs hotetege dhạrtirenko dusi menteye sạbudletʼkoa ar Isor ṭhen dhorom mente ataṅokʼ reakʼ ạidạriye ńamleda, one oka do eken biswạs hotetege ńamokʼkan.

1 Patras 3:20

Sedaere Noha do jahaje benaokan tahẽkanre Isor do sombhurikate tinreye ńel hohorkan tahẽkana unre okoeko bebataoletʼ onko jiuko do onkoren kangeako. Ar ona jahajreko decʼen eken thoṛa hoṛge, metakʼme eken irạl hoṛge ona dakʼ khon rukhiyạko ńamleda.