Genesis 6:3 - সান্তালী বাইবেল

³ Noa ńelte Probhu Isor doe menkeda, “Ińren Jiu do jaejug hạbicʼ manwa bae cehaokoa, ente onko do gujukʼ taberen kanako. Iń do mitʼsae bargel bochor hạbicʼ somoe iń emakoa.”

Genesis 6:3 Iomraidhean Croise

Nehemiạ 9:30

Menkhan enhõ ḍher bochor hạbicʼ onkoakʼem sahaoleda. Amren nạbiko ar amren jiu hotete onkom sontorletʼkoa, menkhan onko do ona bako luturatʼ tahẽkana. Onate am do eṭakʼ eṭakʼ jạtrenkoakʼ tirem jimạletʼkoa.

Sereńko 78:39

Uni doe hudiskeda onko do eken manwa kanako, onko do oṭaṅokʼkan hoeleka ar bako ruạṛa.

Sereńko 90:10

Aleakʼ bahaokʼ din do eken eae gel bochor, ar ḍher khan do irạlgel bochor hõ hoyokʼa; aleakʼ bahaokʼ din jãhãtinạkʼ dinge hoyokʼ onare do eken duk ar kosṭoge menakʼa; bochor do parom calao godokʼkana ar ale hõle maraokʼkana.

Jesaea 5:4

Ińakʼ darkha bagwan lạgitʼ okań ceka akatʼ ona khon bạ̃ṛti do ar cetʼ cekae hoykokʼtińa? Tinre iń do bhage darkha lạgitʼ iń koyokʼ horkeda unre cedakʼ onare jojo darkha jo do joyena?

Jesaea 57:16

Iń do jaejug hạbicʼ manwa do bạń dusiyea se ińakʼ edre unre bạń dohoya. Ente iń khonge jiu do oḍokokʼ kana ar ińge jiu reakʼ sahẽtʼ doń benao akada.

Jesaea 63:10

Enhõ onko doko hulkeda ar uniren sonot Jiuko duk ocokedea. Ona iạte uni do onkoren bạiriye hoyena ar acʼtetʼge onko upạrte lạṛhạiye ehopʼena.

Jirimiạ 11:11

Onatege iń Probhu Isor doń meneda, onko cetanre nonkan muhiniń paṛao ocoya one ona khon do bako ńir bańcao daṛeakʼa. Onko do iń ṭhenko ragre hõ onkoakʼ katha do bạń ańjomtakoa.

Jirimiạ 11:7

Aperen hapṛamko tinre Misor disạm khoniń oḍok ạguletʼkoa unkhon teheń hạbicʼ ạḍi dhao sontorkateń metatʼko tahẽkana, ‘ape do ińakʼ aṛaṅ ańjomtińpe.’

Numeri 11:17

Iń do onḍeń pheḍ hijukʼa ar am tulucʼ iń galmaraoa. Am cetanre okoe Jiu menae uni do onko cetanre hoń emokʼa. Hoṛkoakʼ bojha gog lạgitʼ onkoge amren gokʼṛokoko hoyokʼa. Onate am eskar bojha gogokʼ do baṅ lagaoama.

Johan 3:6

Manwa khon janam akanicʼ do manwage ar Jiu khon janam akanicʼ do Jiuge.

Aposkạmi 7:51

E keṭecʼ hoṭokʼanko! Be-Jihudiko lekage apeakʼ lutur ar ontor do, ar apehõ ṭhik aperen hapṛamko leka kanape. Ape do jaoge sonot Jiupe tạkicʼ daramedekana.

1 Thessalonikikko 5:19

Sonot Jiu do alope ĩṛĩjea.