Isor do unkin bhoratʼkinteye metatʼkinạ, “Saṅgekʼ reakʼ daṛete perejokʼpe, ar apnarakʼ lekha ḍhertape ar dhạrti perejpe ar dhạrti do apeakʼ ḍanṭaore dohoype. Ona chaḍa ape do jalapuriren hakoko, coṭren cẽṛẽko ar otren sanam lekan jiwiyanko cetanre mạlik lekate ektiạripe calaoa.”
Ar Probhu Isor do hasa khon otren okoe jiwiyanko ar coṭren cẽṛẽkoe benaoletʼko onko sanamko uni manwa ṭhene ạguketʼkoa. Probhu do ńeńele khojkeda, onko do cetʼ menteye hohoakoa mente. Ar uni okoeṭakʼ oka lekae ńutumkede onkage onko jiwiyankoakʼ ńutum do hoyena.