Genesis 6:17 - সান্তালী বাইবেল

¹⁷ Iń do dhạrtire mitʼṭecʼ ḍubạ dakʼ iń ạguya jemon serma latarre tinạkʼ do sahẽtʼetʼkan jiwiyanko menakʼko onko joto doń ḍahao maraokoa. Onate dhạrtiren sanam manwako doko marao utạrokʼa.

Genesis 6:17 Iomraidhean Croise

Genesis 2:7

Unre Probhu Isor do hasaren mitʼṭen herel manwae benaokedea ar mũreye oṅadete jiwiye aderadea. Onate manwa do jiwiyanicʼe hoyena.

Genesis 6:13

Noa ńelte Isor do Nohae metadea, “Manwa jạtrenko doń maraokoa. Ente dhạrti do onkoakʼ santao ar behokte perecʼ akana. Iń do manwa sãote dhạrti reakʼ jotowakʼiń marao giḍikakʼa.

Genesis 6:16

Jahaj reakʼ chat khon latar mitʼ moka beṛhaete mitʼṭecʼ phaka jaegam dohokakʼa ar jahaj reakʼ duạr do mitʼ secʼrem dohoya.

Genesis 7:15

Sahẽtʼetʼkan jiwetʼ sanam jiwiyankoge joṛ joṛ Nohawakʼ jahajteko rakapʼena.

Genesis 7:17

Ar dakʼ do pon gel siń hạbicʼ dhạrtire ḍher idikʼtege tahẽyena. Dakʼ ḍher idiyen khan jahaj do ot khon cetante cape rakabokʼ ehopʼena.

Genesis 7:4

Iń do eae din khange dhạrtire dakʼ iń ạguya. Onate pongel siń ar pongel ńindại daga. Ar otre okoeko jiwiyankoń sirjạu akatʼko onko joto do dhạrti khoniń marao giḍikakoa.”

Jobakʼ 22:16

Onko do okte ạuriregeko idi ocoakana; onkoakʼ rehetʼ do gaḍa dakʼ leka ạtu calakʼkana.

Sereńko 107:34

Ar phosol hoyokʼkan jumi do buluṅ ṭạnḍigeye hoyocoyeda. Okoe onḍeko girobasokʼ kan onkoakʼ bedhorom iạtege uni do noakoe hoyocoyeda.

Sereńko 29:10

Probhu Isor do maraṅ ḍubạ dakʼre raj akane tahẽkana; uni do jaejugren raj kanae, uni do siṅghạsonre menaea.

Exodus 14:17

Menkhan iń do misrikoakʼ mon nonkań keṭecʼ ocoytakoa, onko do Israelkoko khudạu idikoa ar jalapuriteko bolokʼa. Onate Pharao ar uniren sanam palṭonko, rãt gạḍiko ar aswariko do ińakʼ ṭhonok sodorokʼ reakʼko hoyokʼa.

Jesaea 51:12

Probhu Isore meneda, “Iń kangeạń apeakʼ jiwi rakʼṛecʼicʼ do. Manwa do cedakʼpe botorako kana? Onko doko gujukʼgea. Manwa hopon do ghãs baragge thoṛa okteko tahena.

Jesaea 54:9

“Iń ṭhen noa do Noha okte reakʼ dinko leka kana. Ar cetʼ lekań kiriạlen, Noha okte reakʼ ḍubạ dakʼ leka dhạrtire ar tishõ bạń dula, onkage noa hõń kiriạkʼ kana, am cetanre ar do bạń raṅgaokʼa, ar tishõ bạń egermea.

Jeheskel 34:11

“ ‘Iń Probhu Isorgeń menetʼkana, iń apnartetʼge ińren bheḍakoakʼ khoj tolasiń hataoa ar onkoń ńel jutkoa.

Jeheskel 34:20

“ ‘Ńelpe, iń Probhu Isorge lodgopʼ ar roga bhiḍiko talareń bicạra.

Jeheskel 5:8

Ona iạte ińge am upạrte, ar boṅgan hoṛ jạtrenkoakʼ mẽtʼ samaṅreń sạjạimea.

Hosea 5:14

Ephrayim ṭhen ar Jihudạ ṭhen do dhạcri kul lekageń hoyokʼa. Unkin doń or cirạkinạ ar kaṭra kuṭrạkateń bạgi oṭoạkinạ. Iń do unkiniń idikinạ ar unkin bańcaokin lạgitʼ do celege bako tahena.

Levitikus 26:28

enḍekhan raṅgaote ape upạrteń colona ar apeakʼ kại reakʼ eae doboṛiń sạjạipea.

Amos 9:6

Uni do sermare acʼakʼ usul oṛakʼe benao akada ar dhạrti cetanre chamḍa leka sermae aṭetʼ akada; uni do jalapuri reakʼ dakʼe hoho ạguiyetʼa ar otreye dul bubhạu ocoyeda. Ar okoe noakoe kạmikan uniyakʼ ńutum do Probhu Isorge.

Mathae 24:39

Ar ḍubạ dakʼ hecʼkate sanamko ạuriye ạtu idiko hạbicʼ onko do cetʼge bako bujhạu daṛeada. Manwa Hoponakʼ hijukʼ hõ ṭhik onkage hoyokʼa.

Luk 17:27

Ente Noha do jahajre ạuriye bolokʼ hạbicʼ ar ḍubạ dakʼ hecʼkate sanamko ạuriye maraoko hạbicʼ hoṛko doko jom ńũiyetʼ tahẽkana, bạhu joṅkan tahẽkanako arko jãwãeyokʼkan tahẽkana.

Romiko lạgitʼ Pạul Apostolakʼ ciṭhi 5:21

Ona daya do noa iạtege ḍherena jemon gujukʼ talate cetʼleka kại do raje calaoetʼ tahẽkan, onkage manwa hõ dhorom menteye aṅgocokʼte ńitokʼ uniyakʼ daya do rajokʼa: ar ona reakʼ jo do hoyokʼ kana aboren Probhu Jisu Mạsi hotete jaejug jion hameṭjoṅ.

Romiko lạgitʼ Pạul Apostolakʼ ciṭhi 6:23

Kại reakʼ kuṛại do moron kana, menkhan Isorakʼ daya dan do aboren Probhu Mạsi hotete jaejug jionge.

Dosar Biboron 32:39

Ńitokʼ hudisokʼpe ar ńelpe ińkangeạń uni do; iń chaḍa ar cele Isorge bạnukʼkoa. Ińge gogocʼicʼ ar ińge jiwetʼicʼ, ińge ghạghạlicʼ, ińge bokʼgeyicʼ; ińakʼ ti khone bańcao daṛeakʼ nonkan celege bạnukʼkoa.

Ibriko 11:7

Okaṭakʼ do unrehõ baṅ ńelokʼkan tahẽkan, ona reaṅ Isor do Nohae sontorledea. Noha do Isor bhokti hoṛe tahẽkante Isorakʼ kathare biswạskate mitʼṭecʼ jahaje benaoleda, jemon acʼakʼ gharońjrenko rukhiyạko ńam. Noha do acʼakʼ biswạs hotetege dhạrtirenko dusi menteye sạbudletʼkoa ar Isor ṭhen dhorom mente ataṅokʼ reakʼ ạidạriye ńamleda, one oka do eken biswạs hotetege ńamokʼkan.

1 Patras 3:20

Sedaere Noha do jahaje benaokan tahẽkanre Isor do sombhurikate tinreye ńel hohorkan tahẽkana unre okoeko bebataoletʼ onko jiuko do onkoren kangeako. Ar ona jahajreko decʼen eken thoṛa hoṛge, metakʼme eken irạl hoṛge ona dakʼ khon rukhiyạko ńamleda.

2 Patras 2:5

Uni do mare dhạrtirenko hõ bae aṛakʼletʼkoa, bickom Isor bin bhokti hoṛkore ḍubạ dakʼe ạguleda; menkhan Noha ar eṭakʼ eae hoṛ doe bańcaoletʼkoa. Ar nui Nohage Isor bhokti reaṅe porcarleda.