Genesis 50:9 - সান্তালী বাইবেল

⁹ Ạḍi utạr rãt gạḍiko ar aswarikoante onko do mitʼṭecʼ maraṅ phạdge Joseph sãoteko calaoena.

Genesis 50:9 Iomraidhean Croise

Genesis 41:43

Noa tayom Joseph do acʼakʼ rajosṭi reakʼ dosarakʼ rãt gạḍireye duṛupʼkedea. Ar gạḍi calakʼ oktere Joseph laha lahateko roṛ sodorkeda, “Ikhṛumokʼpe, ikhṛumokʼpe.” Ar nonkate Pharao do goṭa Misor disạm reakʼ bhar Joseph cetanreye dohokeda.

Genesis 46:29

Joseph do acʼren apat Israel tulucʼ ńapamokʼ lạgitʼ acʼakʼ rãt gạḍiye sapṛaoketʼte Gosenteye calaoena. Ar apattetʼ sãote ńapam torage uni do hoṭokʼre hạṛupʼkedete ạḍi ghạṛicʼe rakʼkeda.

Genesis 50:10

Onko do jordan gaḍa aṛe reakʼ Atadkoakʼ khạrại hạbicʼko senena ar Joseph do apattetʼ lạgitʼ eae din hạbicʼe homor halaṅkeda. Ar uni sãote hoṛko hõko homor halaṅkeda.

Genesis 50:8

Ona chaḍa Josephren ar acʼ babawakʼ gharońjren ar uniren boehako hõ uni sãoteko calaoena. Gosenre onko do eken akoren hopon ar hoponerako ar mĩhũ-meromko ar bhiḍikoko bạgi oṭowatʼkoa.

2 Rapajko 18:24

Ar ona hõ bam daṛeakʼ khan ińren kisạ̃ṛren huḍiń utạricʼ do cekatem tạkicʼ daramea, am do Misor reakʼ rãt gạḍi ar aswariko cetanrem bhorsakʼ kana?

Exodus 14:17

Menkhan iń do misrikoakʼ mon nonkań keṭecʼ ocoytakoa, onko do Israelkoko khudạu idikoa ar jalapuriteko bolokʼa. Onate Pharao ar uniren sanam palṭonko, rãt gạḍiko ar aswariko do ińakʼ ṭhonok sodorokʼ reakʼko hoyokʼa.

Exodus 14:28

Jalapuri reakʼ dakʼ do mitʼ ruạṛente rãt gạḍiko ar aswarikoakʼ, metakʼme Israelko tayomteko ńir hijukʼkan Pharaoren goṭa palṭon phạdkoe unum cabaketʼkoa. Onko do ar okoehõ jiwetʼ bako tahẽlena.

Exodus 14:7

Uni do turui sae rãt gạḍikoe bachaoana, ar ona chaḍa misrikoakʼ eṭakʼ rãt gạḍiko hõe soṅge torakeda. Ar mimitʼ goṭecʼ rãt gạḍire mimitʼ goṭen senapotikoe dohoketʼkoa.

Soros sereń 1:9

E ińren dulạṛiạtiń Pharaoakʼ rãt gạḍiren ghuṛi tulucʼ iń do amiń juriyetʼmea.

Aposkạmi 8:2

Ar adom Isor bhokti hoṛ do Stephanko topakedea ar uni lạgitʼ ạḍiko rakʼ homorkeda.