Genesis 5:29 - সান্তালী বাইবেল

²⁹ Uni doe menkeda, “Aboakʼ khaṭaoakʼko modre, bạ̃ṛtikaete Probhu Isor do ote sarapatʼ tayom aboakʼ oka khaṭao hoyokʼkan onate nui gidrạge abo do jiwiye raṛejtabona.” Noa menkate uni do Noha ńutume dohoketʼtaea.

Genesis 5:29 Iomraidhean Croise

Genesis 5:28

Lamek do mitʼsae irạlgel bar bochor umer tahẽkanre uniren do mitʼṭen hopone hoyena.

Genesis 5:30

Nohawakʼ janam tayom Lamek do arhõ mõṛẽsae aregel mõṛẽ bochor jiwetʼe tahẽkana. Noako dinre uniren do arhõ hopon ar hoponerako hoylena.

Genesis 7:23

Isor do otren sanam jiwiyanko dhạrti khone ḍahao marao cabaketʼkoa. Onate manwako, janwarko, leńokʼ ṭunḍạṅko ar coṭren cẽṛẽko do dhạrti khonko marao cabayena. Eken Noha ar uni sãote tinạkʼ do jahajreko tahẽkan onkoge jiwetʼko tahẽyena.

Genesis 9:24

Ado nisạ chuṭạuentae khan Noha do acʼren huḍiń hoponakʼ kathae baḍaekeda.

Jesaea 54:9

“Iń ṭhen noa do Noha okte reakʼ dinko leka kana. Ar cetʼ lekań kiriạlen, Noha okte reakʼ ḍubạ dakʼ leka dhạrtire ar tishõ bạń dula, onkage noa hõń kiriạkʼ kana, am cetanre ar do bạń raṅgaokʼa, ar tishõ bạń egermea.

Jeheskel 14:14

ar onko pene hoṛ, metakʼme Noha, Daniel ar Jobge, ona talareko tahen, enḍekhan, onko hõ akoakʼ dhorom iạte eken akoakʼ jiwigeko rukhiyạ daṛeketakoa. Iń Probhu Isorge noa katha doń meneda.

Jeheskel 14:20

enḍekhan iń ńutumte kiriạkateń meneda, Noha, Daniel ar Jobge ona talareko tahẽlenre hõ onko do akoren hopon se hoponerako hõ ohoko rukhiyạ daṛelekoa. Onkoakʼ dhorom iạte onko do eken apnartetʼgeko rukhiyạ daṛekokʼa.

Mathae 24:37

“Noha oktere cetʼleka hoylen onkage Manwa Hopone hijukʼre hõ hoyokʼa.

Luk 3:36

Sạla do Kenanren hopon, Kenan do Arpaksadren hopon, Arpaksad do Semren hopon, Sem do Noharen hopon, Noha do Lamekren hopon;

Romiko lạgitʼ Pạul Apostolakʼ ciṭhi 8:20

Ente sirjon do ạuṛiyakʼ ṭhene tabe ocoyena. Acʼakʼ kusite do baṅ hoyakana, Isorge uni doe tabe ocoakadea. Menkhan ona são sãote noa as hõe emakana,

Ibriko 11:7

Okaṭakʼ do unrehõ baṅ ńelokʼkan tahẽkan, ona reaṅ Isor do Nohae sontorledea. Noha do Isor bhokti hoṛe tahẽkante Isorakʼ kathare biswạskate mitʼṭecʼ jahaje benaoleda, jemon acʼakʼ gharońjrenko rukhiyạko ńam. Noha do acʼakʼ biswạs hotetege dhạrtirenko dusi menteye sạbudletʼkoa ar Isor ṭhen dhorom mente ataṅokʼ reakʼ ạidạriye ńamleda, one oka do eken biswạs hotetege ńamokʼkan.

1 Patras 3:20

Sedaere Noha do jahaje benaokan tahẽkanre Isor do sombhurikate tinreye ńel hohorkan tahẽkana unre okoeko bebataoletʼ onko jiuko do onkoren kangeako. Ar ona jahajreko decʼen eken thoṛa hoṛge, metakʼme eken irạl hoṛge ona dakʼ khon rukhiyạko ńamleda.

2 Patras 2:5

Uni do mare dhạrtirenko hõ bae aṛakʼletʼkoa, bickom Isor bin bhokti hoṛkore ḍubạ dakʼe ạguleda; menkhan Noha ar eṭakʼ eae hoṛ doe bańcaoletʼkoa. Ar nui Nohage Isor bhokti reaṅe porcarleda.