Genesis 49:9 - সান্তালী বাইবেল

⁹ E Jihudạ, am dom dhạcri kul hoponkana; sendra jel jom baṛakate ińren nui hopon doe rakapʼ hijukʼa; dhạcri kul ar kul eṅga lekae burum akana. Okoe hale uni doe buskukea?

Genesis 49:9 Iomraidhean Croise

1 Rapajko 10:20

Ona turui goṭecʼ dhap reakʼ banarsa aṛerege mimitʼ goṭecʼkate jotote gelbar goṭen dhạcri kulakʼ muṭhạn tahẽkana. Onkan siṅghạson do eṭakʼ eṭakʼ rajosṭikore ar tishõ baṅ benao akan tahẽkana.

2 Bõsbudạ 9:18

Ona siṅghạson reakʼ siṛhi do turui goṭecʼ dhapko tahẽkana ar ona sãote sona reakʼ jaṅga lebedokʼakʼ mitʼṭecʼ ganḍo hõe lagao ocoakatʼ tahẽkana. Duṛubokʼ jaega reakʼ banar tire do hatol tahẽkana ar hatol aṛere do dhạcri kule teṅgo akan reakʼ muṭhạn tahẽkana.

Jeheskel 19:5

“ ‘Uni kul doe ńelkeda acʼakʼ as do baṅ purạulena; ar okaṭakʼe khojkan tahẽkan ona hõ baṅ hoylentaea; unre uni do acʼren ar mitʼṭen hopon daṛeanicʼe hoyocokedea.

Hosea 5:14

Ephrayim ṭhen ar Jihudạ ṭhen do dhạcri kul lekageń hoyokʼa. Unkin doń or cirạkinạ ar kaṭra kuṭrạkateń bạgi oṭoạkinạ. Iń do unkiniń idikinạ ar unkin bańcaokin lạgitʼ do celege bako tahena.

Hosea 5:4

“Onkoakʼ kạmi do onkoren Isor secʼ bae ruạṛ ocoako kana. Onkore do laṭghaṭ reakʼ mon menakʼa. Probhu Isor do sạriyakʼte bako baḍae akadea.

Mikạ 5:8

Jạt jạtrenko talare Jakobren bańcao tahen hoṛ do bir janwarko talare dhạcri kul lekako hoyokʼa, bhiḍi pal talare dhạcri kul lekage; uni dhạcri kul do tinre bhiḍiko talareye bolokʼa unre onko doe sapʼkoa are or cirạkoa; ar celege onko do bako bańcao daṛeakoa.

Numeri 23:24

Noko hoṛko do kul eṅga lekako teṅgo rakapʼa, ar dhạcri kul lekage onko doko beretʼa. Sendra gocʼko reakʼ mãyãm ar jel ạuriko jom hạbicʼ onko do bako jirạukʼa.”

Numeri 24:9

Dhạcri kul ar kul eṅgal leka onko doko burumokʼa arko kunḍlạṅ hapekokʼa, unre onko beretʼko reakʼ do okoeye dilkea? Okoe apeko bhorape onkage onkore hõ bhor paṛaokʼma; ar okoe sarapko emape, onkage onko cetanre hõ sarap paṛaokʼma.”

1 Korinthiko 15:24

Ona tayom Mạsi do sanam raj calao ar sanam ektiạri ar daṛeye maraote Isor Babawakʼ tire rajosṭiye jimạkakʼa ar unrege mucạdokʼa.

Dosar Biboron 33:20

Gad reaṅ uni doe menkeda, “Bhạgangea uni do, okoe do Gad rajosṭi reakʼ simạnae baṛhaoetʼ. Uni do dhạcri kul lekae tahena ar bạirikoakʼ ti ar coṭ bohokʼ hạbicʼe cirạitakoa.

Johan sodor 5:5

Tayomte murubbiko modren mitʼ hoṛe metadińạ, “Alom raga. Jihudạ bõsren dhạcri kul, one okoe doe Dạud bõsren kan, uni doe jitạu akana. Unige ona eae goṭecʼ mohor chapko raṛakate puthiye oṭakʼ daṛeakʼa.”