Genesis 49:4 - সান্তালী বাইবেল

⁴ Menkhan am do dakʼ lekam ikocʼ sokojokʼa, onate amakʼ cetan hudạ do ar baṅ tahentama. Ente ińren bạhu ṭhen bolokate amren apatakʼ aṭetʼem besonot akada.

Genesis 49:4 Iomraidhean Croise

Genesis 35:22

Israel do tinre ona ṭoṭhareye girobasokʼkan tahẽkana unre Ruben do acʼ apatren bạhu Bilha sãoteye laṭghaṭkeda. Ar ona do Israel hõe ańjomkeda. Jakobren do gelbar goṭen hoponko tahẽkantaea.

Genesis 46:8

Israelko, metakʼme Jakob ar acʼ bõsren hoṛko okoe do Misorteko senlen onkoakʼ tạlika do nonka leka. Jakobren maraṅicʼ hopon do Ruben.

1 Bõsbudạ 5:1

Israelren maraṅicʼ hopon Ruben do acʼ apatakʼ aṭetʼe bhõnḍletʼte maraṅicʼ hopon reakʼ ạidạriye atʼletʼ tahẽkana. Ona ạidạri do Israelren eṭakʼ hopon Josephren hoponko emocolena. Onate bõsbudạre uniyakʼ ṭhạ̃i do maraṅicʼ hopon lekate baṅ ol akana.

1 Korinthiko 5:1

Ańjomokʼ kana, ape talare loṭghuṭi hoyokʼ kana, ar ona loṭghuṭi do nunạkʼ hirkhạwakʼge je, boṅgan hoṛ jạtrenko talare hõ onkanakʼ do bạnukʼanaṅ. Ente mitʼṭen hoṛ do acʼren kạki eṅgattetʼ acʼren bạhu menteye dohoakadea.

Dosar Biboron 27:20

‘Sarapangeae uni hoṛ do, okoe do acʼren kạki eṅgat tulucʼe laṭghaṭetʼkan, ente uni do acʼren apattetʼe bemanot edekana.’ Unre sanam hoṛko mena, ‘Amen.’

Dosar Biboron 33:6

Ruben reaṅ Mose doe menkeda, “Ruben do jiwetʼ baṛeye tahenma, uniyakʼ gujukʼ do sạṅgińkakʼme; uniren hoṛkoakʼ lekha alo baṛe komaokʼma.”

Dosar Biboron 5:21

‘Jãhãe hoṛren bạhu alom lalocaea. Ar eṭakʼ hoṛakʼ oṛakʼ duạr, jaega-jumi, guti-kạ̃ṛmĩ, daṅgratae se gadhatae se am aḍepaseren hoṛakʼ jãhãnakʼge alom lalocakʼa.’

2 Patras 2:14

Onkoakʼ mẽtʼ do loṭghuṭite perecʼgea ar tisge kạkại do bako bạgiya. Onko do dhoromre nijor monanko lalocko udukʼakote bhul horteko idikoa. Onkoakʼ ontor do eken lalocgeye cetʼakada. Onkore sarap menakʼa. Onko do sojhe hor bạgikate bhul hor secʼko ghańjeṛ akana.

2 Patras 3:16

Uniyakʼ joto ciṭhirege noako reaṅ inạ mitʼ kathageye oletʼkana. Onako modre adomakʼko babotre menakʼakʼ as bujhạu do muskilgea. Onate baṅ cetʼakatʼ ar baṅ kajak hoṛko do eṭakʼ eṭakʼ sostorko leka noako reakʼ mane hõko pẽṛtayetʼte nijạte nosṭokʼko ạgujoṅ kana.