Genesis 49:15 - সান্তালী বাইবেল

¹⁵ Uni doe ńela jirạukʼ jaega do bhagegea ar disạm hõ jutgea, onate uni do bojha gog lạgitʼ taren hõe koceytaea ar golam leka khaṭaoakʼ hõe bataoa.

Genesis 49:15 Iomraidhean Croise

Genesis 49:14

“Isakar do mitʼṭen daṛean gadha kanae. Uniyakʼ giticʼ ṭhạ̃i do bhiḍi khạṛko talare hoyokʼtaea.

Genesis 49:16

“Dan do Israelren mitʼṭen gusṭi lekate acʼren hoṛkoe bicạrkoa.

2 Samuel 7:1

Ona tayom raj do raj oṛakʼre tahene ehopʼena ar Probhu Isor do uni beṛhaeten bạirikoakʼ ti khone rukhiyạkedea.

Sereńko 81:6

Probhu Isore menkeda, “Gokʼ bhạriạ khon uniyakʼ bojhań rawalketʼtaea; ar khạclạkʼ khon uniyakʼ ti do khalasentaea.

Kạhtukko 12:24

Khaṭaokʼkan hoṛ doko kisạ̃ṛokʼa, menkhan asketokʼ hoṛ do eṭakʼko tabereko tahena.

Jesaea 31:8

Probhu Isore meneda, “Manwa khonakʼ baṅkan nonkan mitʼṭecʼ tarwaṛe reakʼ hạnte Ạsurrenko doko gurokʼa; ar ona tarwaṛege onko doe ńẽtʼkoa. Uniren hoṛko do tarwaṛe samaṅ khonko ńir pharakokʼa ar onkoren juạnko do khaṭao lạgitʼko jormoṭkoa.

Jeheskel 29:18

“E manwa hopon, Babelren raj Nebukadnesar do Tur upạrte lạṛhại jokhecʼ acʼren lạṛhại phạdko nunạkʼe khaṭaoletʼkoa je, onko sanamkoakʼ bohokʼ do ceḍelentakoa ar taren reakʼ harta hõ poṭakʼ cabalentakoa. Enhõ Tur upạrte okaṭakʼe lạṛhạilen onate uni ar acʼren lạṛhại phạdkoakʼ do cetʼ labge baṅ hoylentakoa.

Mathae 23:4

Onko do hamal hamal bojha tolkate hoṛkoakʼ tarenreko ladea, menkhan ako do kạtupʼte hõ bako laṛao legaea.

Josuạ 14:15

Ananikiko modre Arbo ńutuman mitʼṭen ektiạran hoṛakʼ ńutum leka Hebron do lahate Kiriạt-Arbako metakʼkan tahẽkana. Inạ tayom disạmre lạṛhại do thir akan tahẽkana.

Bikʼcạrko 3:11

Kenas hopon Othniyelakʼ gujukʼ hạbicʼ disạmre pon gel bochor suluk tahẽkana.