Genesis 49:11 - সান্তালী বাইবেল

¹¹ Jihudạ do darkha nạ̃ṛĩre acʼren gadhae tolkaea, ar gadha hopon do soros utạrakʼ nạ̃ṛĩre. Uni do darkha rasate kicricʼkoe soboda, ar darkha joko reakʼ mãyãmte do oyonakʼkoge.

Genesis 49:11 Iomraidhean Croise

Genesis 49:12

Uniyakʼ mẽtʼkin do darkha rasa leka arakʼge hoyokʼa, ar ḍaṭa do toa khon hõ ponḍge hoyokʼtaea.

1 Rapajko 4:20

Jihudạ ar Israelkoakʼ lekha do jalapuri aṛe reakʼ gitil leka tahẽkana. Ar ạḍi sukre tahẽkate onko do dinko khemaoetʼ tahẽkana.

1 Rapajko 4:25

Solomonakʼ jionre Jihudạ ar Israel, metakʼme, Dan khon Berseba hạbicʼ sanamkoge apan ạpin darkha nạ̃ṛĩ ar loa dareko tahẽkana ar onko do khạtirjomako girobasokʼ kan tahẽkana.

2 Rapajko 18:32

Ona tayom hecʼkate apeakʼ nij disạm leka ar mitʼ disạmteń idipea. Ona disạm do hoyokʼkana anaj ar nãwã darkha rasa ạtukʼ disạm, piṭhạ ar darkha bagwan reakʼ disạm, jạitun ar dumur rasa reakʼ disạmtege. Ar ińakʼ katha lekape kạmi enḍekhan ape do bape gujukʼa bickom jiwetʼpe tahena. ‘Hiskiạ tinreye mena Probhu Isor do apeye rukhiyạpea, unre uniyakʼ katha do alope ańjomtaea, ente ona katha menkate uni doe ạnḍicʼetʼpea.

Joel 3:18

“Enhilokʼ maraṅ buruko khon nãwã darkha rasako ńamokʼa ar huḍiń buruko khon do toage. Jihudạ reakʼ sanam dakʼ ạtukʼ nalako khon do dakʼ ạtu oḍokokʼa. Probhu Isorakʼ oṛakʼ khon hõ mitʼṭecʼ jharna phuṭạukʼte Siṭim reakʼ buru nalare dakʼe emakʼa.

Amos 9:13

Probhu Isor do arhõe meneda, “Onako dinge darae kana tinre phosolko nunạkʼ ḍher hoyokʼa je, onako ạuri ir cabaerege arhõ cas lạgitʼ okte hijukʼa ar darkha jo hõ nunạkʼ jokʼa je, ona ạuriko len cabaerege arshõ rohoe okte hijukʼa. Maraṅ buruko khon nãwã darkha rasa ńamokʼa ar huḍiń buruko khon do ạtu ãṛgona.

Mikạ 4:4

Mimitʼko do apan ạpin darkha nạ̃ṛĩ ar loa dare latarreko duṛupʼa ar celege onko do bako botor ocokoa, ente phạdkoren Probhu Isorge ona katha doe meneda.

Dosar Biboron 32:14

Uni do palrenkoakʼ dahe ar bhiḍi meromko reakʼ toa, ar bhiḍi hoponkoakʼ jele jom ocokedea, Basan disạmren palren merom bodakoakʼ itil do guhum reakʼ mĩhĩ holoṅ tulucʼe jom ocokedea. E Israel, am do darkha reakʼ rasagem ńũ akada.

Dosar Biboron 8:7

Aperen Probhu Isor oka mońj disạmteye ạyur aderetʼpe onḍe do buru ar lodamkore bhumbukokʼ ḍạḍi ar dakʼ nalako menakʼa.

Dosar Biboron 8:8

Onḍe do guhumko, jaoko, darkha joko, loa dareko, ḍạlim dareko, jạitun dareko ar dumur rasako menakʼa.

Johan sodor 14:20

Ado nagraha bahrere darkha lelen kunḍre darkha jo len hoyen khan ona khon mãyãm oḍokena ar sadomkoakʼ jhin hạbicʼ rakapʼena. Onate pe sae mail hạbicʼ mãyãm do ạtu oḍokena.

Johan sodor 19:18

Jemon rapajko reakʼ, subedarkoakʼ, daṛean hoṛkoakʼ, sadomko ar sadomre decʼakan hoṛkoakʼ, sạdhinko ar golamko ar kạṭicʼ lạṭu sanam manwakoakʼ jelpe jom daṛeakʼ.”

Johan sodor 7:14

Adoń metadea, “Ńelme, ona do amgem baḍaea.” Uni doe metadińạ, “Ona maraṅ saset khon okoeko hecʼakan onko doko noko kangea. Onko do akoakʼ kicricʼko Bheḍa Hoponakʼ mãyãmte ạrupʼkateko ponḍ akatʼtakoa.

Johan sodor 7:7

Simeon bõsko khon gelbar hajar. Liwiren bõsko khon gelbar hajar. Isạkạrren bõsko khon gelbar hajar.