Genesis 48:7 - সান্তালী বাইবেল

⁷ Padam-Aram khon oḍokkate Kanan disạm reakʼ Ephrat khon thoṛa sạṅgiń tahenrege Rahel doe gocʼena, onate iń do ạḍi dukiń ńamkeda. Ephrat reakʼ horre, metakʼme Bethlehem calakʼ horre uniń topakadea.”

Genesis 48:7 Iomraidhean Croise

Genesis 25:20

Isahak do pongel bochor umer tahẽkanre Rebekae baplaledea. Rebeka do Padan-Aram disạmren Aramiạ Bethuelren hoponera ar Aramiạ Labanren miserate tahẽkana.

Genesis 33:18

Padam-Aram khon oḍok hecʼ tayom Jakob do napaetege Kanan disạm reakʼ Sikem nagrahateye seṭerena. Uni do nagraha sorre tạmbui ṭaṅgaokeda ar tayomte ona jumi do Sikemren apat Hamorren hoponko ṭhen khon mitʼsae rupạ sikạteye kirińkeda.

Genesis 35:20

Jakob do uniyakʼ topa cetanre cinhạ khunṭi leka mitʼṭecʼ dhiriye condokeda. Ona do teheń hõ Rahelakʼ topa reakʼ cinhạ lekage menakʼa.

Genesis 35:9

Jakob do Padam-Aram khone hecʼen khan Isor do arhõ uni ṭhene ńel ocoyena ar bhoradeteye metadea, “Amakʼ ńutum do Jakob tahẽkana, menkhan Jakob mente do arbam hoho ocokʼa; amakʼ ńutum do hoyokʼa Israel.” Ar noa menkate uniyakʼ ńutum do Israele dohoketʼtaea.

Genesis 48:6

Menkhan nukin tayom amren okoeko hoponko hoyokʼ onko do amren mentegeko lekhakʼa. Sompotti ạidạri jokhecʼ Manase se Ephrayem ńutumte onko doko ạidạrijoṅa.

Mikạ 5:2

Probhu Isore meneda, “Menkhan, E Bethlehem reakʼ Ephrata, am do Jihudạren hajarko modre huḍiń utạricʼ kanre hõm, enhõ am khon ińren nonkan mitʼ hoṛe oḍok hijukʼa okoe do Israelkoren cakʼaloicʼe hoyokʼ, uniyakʼ etohopʼ do ạd khon hecʼạguakana. Sedae jug khonakʼge.”

Mathae 2:18

“Ramare ãṭ aṛaṅte rakʼjoṅ ar hae hae ańjomokʼkana; Rahel do acʼren gidrạko lạgitʼe rakʼeda, ar cetʼte hõ jiwi do baṅ raṛejokʼ kantaea, ente onko do ar bạnukʼkotaea.”

Rut reakʼ kạhini 1:2

Uni hoṛakʼ ńutum do Elimek tahẽkana. Ar uniren bạhuakʼ ńutum do Naomi ar banar hoponkinakʼ ńutum do Mahlon ar Kilion. Onko do Jihudạ disạm reakʼ Bethlehemren Ephati hoṛko tahẽkana. Ar onko do Moab disạmte senkate onḍegeko tahẽyena.

1 Samuel 1:1

Ephrayim buru ṭoṭha reakʼ Ramathayim Sophim nagrahare Elkana ńutuman mitʼ hoṛ do Ephrayim gusṭiren hoṛko sãoteye girobasokʼ kan tahẽkana. Uniren apatakʼ ńutum do Jeroham tahẽkana. Jeroham do Elihuren hopone tahẽkana, Elihu do Tohuren hopon ar Tohu do Suphren hopone tahẽkana.

1 Samuel 10:2

Am do iń ṭhen khon senkate teheń Benjạmin ṭoṭha reakʼ simạna Selsah ńutuman jaegare Rahelakʼ topa ṭhen bar hoṛem ńamkinạ. Unkin dokin lạiyama, ‘okoe gadha eṅgako sendram oḍok akan onko doko ńamakana. Menkhan ńitokʼ amren baba do gadha eṅgako reakʼ cintạ badkate am lạgitʼ cintạreye paṛao akana. Uniye meneda, acʼren hopon lạgitʼ ńitokʼ do cetʼe cekaea?’

1 Samuel 16:4

Sạmuel do Probhu Isorakʼ katha lekageye kạmikeda. Ar tinre Bethlehemteye seṭerena unre atoren murubbiko do botorte thar tharaokʼ tulucʼ uni sãote ńapamokʼko oḍok hecʼena. Onko doko kulikedea, “Am do cetʼ suluk montegem hecʼakana?”

1 Samuel 17:12

Dạudren apattetʼ Jisại do Jihudạ ṭoṭha reakʼ Ephrath, metakʼme Bethlehem atoreye girobasokʼkan tahẽkana. Uniren do irạl goṭen koṛako tahẽkantaea. Ar Sạul rajokʼ oktere uni doe haṛam akan tahẽkana.