Genesis 48:17 - সান্তালী বাইবেল

^17-18 Apattetʼ do acʼakʼ jojom ti Ephrayemakʼ bohokʼreye dohoketʼte Joseph do bae kusilena. Uni do Ephrayemakʼ bohokʼ khon ocokʼkate Manaseakʼ bohokʼre dohoy lạgitʼ apatakʼ ti sapʼkateye menkeda, “E baba, nonka do baṅ. Nui do ińren maraṅicʼ koṛa kanae. Amakʼ jojom ti nui cetanre dohoyme.”

Genesis 48:17 Iomraidhean Croise

Genesis 28:8

Nonkate Esaue bujhạukeda, acʼ baba Isahak do Kananren maejiuko cetanre bae kusiya.

Genesis 38:10

Menkhan uniyakʼ noa kạmi iạte Probhu Isor do bae kusilena. Onate uni hõ jiwetʼ do bae tahẽ ocowadea.

Genesis 48:14

Menkhan Israel do tiye tiyạrketʼte jojom tite Josephren huḍińicʼ hopon Ephrayeme capokedea; ar Manase do Josephren maraṅicʼ hoponkanre hõ uni do leṅga titeye capokedea.

1 Rapajko 16:25

Omri do Probhu Isorakʼ mẽtʼre oka bạṛicʼakʼ kan onageye kạmikan tahẽkana ar uni lahate okoe rajko tahẽkan onko sanamko khon hõ uni do ḍhere kạiyetʼ tahẽkana.

1 Bõsbudạ 21:7

Niạ hukum do Isorakʼ mẽtʼre hõ bạṛicʼakʼge tahẽkana; onate uni do Israel jạtrenkoe sạjạiketʼkoa.

Kạhtukko 24:18

Arem onkale khan enḍekhan Probhu Isor do ona ńelteye edrekʼa, ar bạiri cetan khon uniyakʼ raṅgaoe ocogtaea.

Numeri 11:1

Israelko talare oka duk ar kosṭo hoyokʼkan tahẽkan onate onko do Probhu Isor samaṅreko karacʼ kurujokʼkan tahẽkana. Ona ańjomte Probhu Isor doe edreyena. Uniyakʼ seṅgel do onko talare jolokʼ ehopʼena ar ḍeraren thoṛa hoṛ doko lo gocʼena.

Numeri 22:34

Unre Biliam do Probhu Isorren goḍete metadea, “Iń doń kại akada. Bạń bujhạu daṛeada, am dom tạkicʼ daram edeńkana mente. Ińre kusi bạnum khan enḍekhan iń doń ruạṛ calakʼa.”

Romiko lạgitʼ Pạul Apostolakʼ ciṭhi 9:11

Uni herel hoṛ doe tahẽkana aboren hapṛam Isạhakge. Unkin gidrạ ạurikin janamokʼrege ar boge bạṛicʼ ạurikin kạmirege Isor do Rebekae metade tahẽkana, “Maraṅicʼ do huḍińicʼren gutiye hoyokʼa.” Noate Isor doe udukʼletʼ tahẽkana, acʼakʼ monejoṅakʼ purạu lạgitʼgeye bachao joṅa; ar jãhãn kạmi iạte do bae onkaea bickom acʼakʼ kusilekage hoṛkoe hohowakoa.

Josuạ 17:1

Manase do Josephren maraṅicʼ hopone tahẽkante gulibãṭ hotete uniren gusṭiko hõ mitʼṭecʼ jaegako emocolena. Manaseren maraṅicʼ hoponakʼ ńutum do tahẽkana Makir. Makir do Gileadren apate tahẽkana. Makir do mitʼṭen maraṅ birbanṭa hoṛe tahẽkante Gilead ar Bason reakʼ ạidạri do laharegeye ńamakatʼ tahẽkana.

1 Samuel 16:7

Menkhan Probhu Isor do Sạmuele metadea, “Uniyakʼ rup se tinạkʼe usula ona do alom ńela, ente uni doń nihạ̃t akadea. Manwa okaṭakʼe ńel onate do jãhãnakʼ do baṅ cekakʼa, ente manwa do bahre rupko ńela menkhan Probhu Isor do ontorgeye ńeleda.”