Genesis 48:14 - সান্তালী বাইবেল

¹⁴ Menkhan Israel do tiye tiyạrketʼte jojom tite Josephren huḍińicʼ hopon Ephrayeme capokedea; ar Manase do Josephren maraṅicʼ hoponkanre hõ uni do leṅga titeye capokedea.

Genesis 48:14 Iomraidhean Croise

Genesis 41:51

Joseph do maraṅicʼ hoponakʼ ńutum Manaseye dohoketʼtaea (metakʼme “Hiṛińkakʼ”). Uniye menkeda, “Isor do ińakʼ sanam duk ar iń babawakʼ oṛakʼ reakʼ katha ińakʼ mon khone ocokʼakada.”

Genesis 41:52

Ona tayom dosaricʼ hoponakʼ ńutum do Ephrayeme dohokeda (metakʼme “Joanakʼ ”) Uniye menkeda, “Oka disạmre iń do dukiń ńamketʼ ona disạmrege Isor doe jo baha ocoakadińạ.”

Genesis 46:20

Josephren hopon Manase ar Ephrayim do Misor disạmrekin janamlena. Nukinre eṅgat do On nagraharen naeke Poṭipheraren hoponera Asnate tahẽkana.

Genesis 48:13

Ona tayom Joseph do acʼren banar hopon arhõ Israel ṭhene ạguketʼkinạ. Ephrayem do jojomtite sapʼkate Israelakʼ leṅgati secʼ ar Manase do leṅgatite sapʼkate uniyakʼ jojom ti secʼe dohokedea.

Genesis 48:17

Apattetʼ do acʼakʼ jojom ti Ephrayemakʼ bohokʼreye dohoketʼte Joseph do bae kusilena. Uni do Ephrayemakʼ bohokʼ khon ocokʼkate Manaseakʼ bohokʼre dohoy lạgitʼ apatakʼ ti sapʼkateye menkeda, “E baba, nonka do baṅ. Nui do ińren maraṅicʼ koṛa kanae. Amakʼ jojom ti nui cetanre dohoyme.”

Sereńko 110:1

Probhu Isor do ińren Probhui metadea, “Tin hạbicʼ amren bạiriko amakʼ jaṅga latarre bạń dohoko, unhạbicʼ am do ińakʼ jojomsa aṛere duṛupʼme.”

Sereńko 118:16

Probhu Isorakʼ daṛeanakʼ ti do jitạue dan akawạdińạ; Probhu Isorakʼ daṛeanakʼ ti do bhageakʼe kạmiakada.

Exodus 15:6

“E Probhu Isor, ektiạrite perecʼ amakʼ ona jojom ti do, hẽ ona jojom ti do bạirikoe chaka chunketʼkoa.

Numeri 2:18

“Pạchim secʼre do Ephrayem dol reakʼ nisạnren hoṛko ḍerakʼa. Ephrayem gusṭiren mukhiyạ doe hoyokʼkana Ahimudren hopon Elisama ar uniren hoṛkoakʼ lekha do pongel hajar mõṛẽsae.

Numeri 8:10

Probhu Isor samaṅre Liwikom ạgukoa ar Israel hoponko do onko cetanre akoakʼ tiko capoea.

Numeri 8:18

Pạhilreko janam akan onko sanam Israel hoponko bodolte ńitokʼ iń do Liwikoń ataṅ akatʼkoa.

Mathae 16:18

Ińiń metam kana, am dom Patras kana, ar noa dhiri cetanrege ińakʼ manḍereń benao rakaba. Norok reakʼ oka daṛege onare bae jitạu daṛeakʼa.

Mathae 19:13

Unre kạṭicʼ gidrạ Jisu ṭhenko ạguketʼkoa jemon uni do onkoe capoko are koeako. Menkhan celako do onkoko dhomkaoketʼkoa.

Mathae 19:15

Ado kạṭicʼ gidrạko bohokʼre capokateye bhoratʼkoa, ar onḍe khone calaoena.

Mathae 6:5

“Apepe koejoṅre phạsiạra hoṛko leka do alope onkaea, ente onko do hoṛko ṭhen ńel ocokʼ lạgitʼ sunạgog ar dobạṭiạkore teṅgokate koejoṅko kusiyakʼ kana. Sạrigeń metapekana, onko do akoakʼ kuṛạiko ńam horayeda.

Luk 13:13

Ar noa katha menkateye capokedea ar inạtege uni doe sojheyente Isor gunmanao joharaye ehopʼena.

Luk 4:40

Ado bere hạsurokʼkan tahẽkanre aema lekan rugiko Jisu ṭhenko ạguketʼkoa. Onko do ạḍi lekan rogteko jạbun akan tahẽkana. Ar Jisu do onko sanamko capokateye bogeketʼkoa.

Aposkạmi 13:3

Unre onko do upạskateko koejoṅkeda arko capoketʼkinte unkinko bidạkatʼkinạ.

Aposkạmi 6:6

Onko do apostol ṭhenko idiketʼkoa. Ar apostolko do onko lạgitʼko koekeda ar kạmire bahalko lạgitʼ capokateko bhoratʼkoa.

Dosar Biboron 34:9

Nunren hopon Josua cetanre Mose do tiye capoade tahẽkante uni do ạkilte ar Jiuteye perecʼena. Onate Israelko do uniyakʼ katha leka calakʼko ehopʼena ar Probhu Isor Mose hotete okae hukumletʼ ona dokʼhoko ehopʼena.

1Timothi 4:14

Manḍerren murubbiko capokateko koeyatʼme tahẽkanre nạbi lekate katha roroṛ hotete okaṭakʼ danko ematʼme tahẽkan, ona daya dan do alom ḍhilạua.

1Timothi 5:22

Usạrate okoe cetanre hõ ti capokate jãhãn hudạre alom bahalea, ar eṭakʼkoakʼ kạire hõ alom bhạgiạrikʼa, ar napaete tahenme.