Genesis 47:9 - সান্তালী বাইবেল

⁹ Jakobe menkeda, “Noa dhạrtire thoṛa dinren hoṛ lekate ińakʼ umer do mitʼ sae pegel bochor paromena. Menkhan onako din reakʼ lekha do ḍher din baṅkana, ona do duktege parom akana. Tobe thoṛa dinren hoṛ lekate ińren hapṛamko tinạkʼ dinko khemao akatʼ unạkʼ din iń do bạń khemao akada.”

Genesis 47:9 Iomraidhean Croise

Genesis 11:11

Arpaksadakʼ janam tayom Shem do mõṛẽsae bochor jiwetʼe tahẽkana. Ar onako dinre uniren do aema hopon ar hoponerako hoylentaea.

Genesis 35:28

Isạhak do Mitʼsae irạlgel bochor jiwetʼe tahẽkana.

Genesis 47:28

Jakob do Misor disạmre arhõ gel eae bochor jiwetʼe tahẽyena. Onate uni do mitʼ sae pon gel eae bochor jiwetʼe tahẽkana.

Genesis 47:8

Pharao do Jakobe kulikedea, “Amakʼ umer do tinạkʼ hoyena?”

Genesis 5:27

Mathusala do jotote aresae turuigel are bochor jiwetʼe tahẽkana ar ona tayom doe gocʼena.

Genesis 50:26

Ar Joseph do mitʼsae gel bochor umer tahẽkanreye gocʼena. Ar uniyakʼ mạ̃ṛĩre jokʼgao mosolako ojokʼakʼte mitʼṭecʼ baksare dohokate Misorreko baekadea.

1 Bõsbudạ 29:15

Ale do amakʼ mẽtʼre aleren sanam hapṛamko leka bidisiạ hoṛ kanale. Dhạrtire aleakʼ dinko do umul leka, aleakʼ do jãhãn asge bạnukʼtalea.

Jobakʼ 14:1

Maejiuakʼ kukhireye janam akan manwa do thoṛa din lạgitʼ kanae, uni do jalateye perecʼgea.

Sereńko 119:19

Iń do dhạrtire girobas akan mitʼṭen porjạt hoṛ kạnạń; amakʼ hukum do iń khon alom danaṅ dohokakʼa.

Sereńko 119:54

Iń do tinạkʼ din noa dhạrtiren hoṛiń hoyakan unạkʼ din amakʼ ạnkoge ińakʼ sereń do hoyokʼa.

Sereńko 39:12

E Probhu Isor, ińakʼ koejoṅ ańjomtińme; ar goṛowạń lạgitʼ ińakʼ rakʼ joṅ ańjomtińme; ińakʼ mẽtʼ dakʼ ńelte am do alom thir hapekokʼa; ente ińren sanam hapṛamko cetʼlekako tahẽkan onkage ińhõ dhạrtire upriạ hoṛko leka minạńa.

Sereńko 39:13

Iń khon eṭakʼ secʼ beṅgedme, jemon ạuriń calakʼre, ar ạuriń uṭhạukʼre, arhõń kharsala daṛeakʼ.

Sereńko 39:5

Am do ińakʼ dinko bar muṭ ganem doho akatʼtińạ. Amakʼ mẽtʼre ińakʼ jion do cetʼhõ baṅkana. Sạrige michạgeako mitʼke mitʼ manwa do jãhãtinạkʼgeye teṅgo uricʼ akanre hõ. (Sela)

Exodus 6:4

Iń do onko lạgitʼ ińakʼ bondobosiń doholeda. Ona bondobosreń menleda, onko do bidisiạ lekate okareko tahẽkan ona disạmgeń emakoa.

Exodus 7:7

Pharao sãote katha roṛ jokhecʼ Moseyakʼ umer do irạlgel ar Aronakʼ umer do irạlgel pe bochor tahẽkana.

2 Korinthiko 5:6

Onate aboakʼ dil do tishõ baṅ ṭonṭakʼkan tabona, arbon bujhạu daṛeakʼ kana, niạ hoṛmo kumbạ oṛakʼre tinạkʼ din bon tahen unạkʼ din Probhu Isor khon sạṅgińre bon tahenkana.

Dosar Biboron 34:7

Gujukʼ jokhecʼ Moseyakʼ umer do mitʼsae bargel bochor tahẽkana. Ar unhõ uni do ńeńel reakʼ daṛe se hoṛmo reakʼ daṛe hõ baṅ komaolentaea.

Ibriko 13:14

ente nonḍe do jaejug hạbicʼ jãhãn nagraha bạnukʼ tabona; menkhan okaṭakʼ nagraha daraekan ona lạgitʼ bon koyokʼ horakada.

Jakob 4:14

Menkhan gapa cetʼ hoyokʼa ona do bape baḍaea. Apeakʼ jionge baṅ cetʼ kan? Kuṛhạkan cope, one oka do thoṛa ghạṛicʼ ńelokʼkan ar ona tayom do chanokʼkan.

Josuạ 24:29

Niạko ghoṭna tayom Probhu Isorren golam Nunren hopon Josuạ do mitʼsae gel bochor umerreye gocʼena.

1 Patras 2:11

E gateko, noa dhạrtire ape do upriạko kanape ar eṭakʼ disạmre thoṛa dinpe tahẽnkante iń do asokaeteń nehõrape kana, jel reakʼ sana khon sahaṛ akae tahenpe,