Genesis 47:4 - সান্তালী বাইবেল

⁴ Onko do arhõko menkeda, “Ale do noa disạmre thoṛa din lạgitʼ tahenle hecʼakana. Kanan disạmre ńitokʼ do ạḍi akal calakʼkana ar onḍe aleren bhiḍi-meromko ạtińko lạgitʼ jãhãn ghãsko hõ bạnukʼa. Onate dayakate amren golamko do Gosenre tahen lạgitʼ hukum emalem.”

Genesis 47:4 Iomraidhean Croise

Genesis 12:10

Kanan disạmre mitʼṭecʼ akal hoyena. Ona do maraṅ akalge tahẽkante, ar Abram do thoṛa din lạgitʼ Misor disạmte senkateye girobasena.

Genesis 15:13

Unre Probhu Isor do uniye metadea, “Noa katha do khạṭigem baḍaea, am bõsren hoṛko do nonkan mitʼṭecʼ disạmreko girobasokʼa one okaṭakʼ do apeakʼ baṅkan. Onḍe onko do eṭakʼkoren guti hoekate ponsae bochor hạbicʼko santao ocokʼa.

Genesis 43:1

Kanan disạm reakʼ akal do arhõ ḍher idiyena.

Genesis 45:10

Ar hecʼkate am do Gosen ṭoṭhare girobasokʼme. Onate am do, amren hoponko, amren goṛom gidrạko, amren ḍaṅgra ar bhiḍi palko, ar jãhãnakʼge menakʼtam ona sanamakʼko soṅgekate iń ṭhen tahẽhataṛokʼpe.

Genesis 46:34

Unre unipe metaea, ‘amren golamko ar onkoren hapṛamko do huḍiń khon ńit hạbicʼ mĩhũ-meromkogele gupi ạguyetʼkoa.’ Onate ape do Gosenre girobasokʼ lạgitʼ hukumpe ńama. Ente Misriko ṭhen bhiḍi-merom gukʼpi do hirkhạwakʼ kạmikana”

Genesis 47:5

Pharao do Josephe metadea, “Am baba ar amren boeha do am ṭhengeko hecʼakana.

Sereńko 105:23

Ona tayom Israel do Misorteye calaoena; ar Ham bõsrenkoakʼ disạmre Jakob do thoṛa dine tahẽyena.

Jesaea 52:4

Sedaere ińren hoṛ do Misorte girobasokʼ lạgitʼko senlena; ar Ạsurrenko do ạuṛiyakʼte onko cetanre julumko calaoleda.

Aposkạmi 7:11

“Inạ tayom goṭa Misor ar Kanan disạmre akal hoyena. Onate ạḍi haron kosṭo hecʼ paṛaoena ar aboren hapṛamko do jomakʼ bako ńamleda.

Aposkạmi 7:6

Isor do uniye metadea, ‘am bõsren hoṛko do upriạko hoyokʼa. Hoṛko do golamko khaṭaokoa ar ponsae bochor hạbicʼko santao ocokʼa.’

Dosar Biboron 26:5

Ar ona tayom do Probhu Isor samaṅrepe mena, ‘Aleren hapṛam do Aramren mitʼṭen uḍạcal hoṛe tahẽkana. Uni do eken thoṛa hoṛante Misor disomteye senlena ar onḍeye tahẽkanre uni hotete mitʼṭen maraṅ ar daṛean jạtrenkoakʼ janam hoylena ar onkoakʼ lekha do ḍherge tahẽkana.