Genesis 47:11 - সান্তালী বাইবেল

¹¹ Joseph do acʼren apattetʼ ar boehako tahen lạgitʼe bebostakeda. Ar Pharaoakʼ hukum leka Misor disạm reakʼ joto khon bhageakʼ jaega uni do sompotti lekae danatʼkoa. Ona jaega reakʼ ńutum do Ramses tahẽkana.

Genesis 47:11 Iomraidhean Croise

Genesis 46:34

Unre unipe metaea, ‘amren golamko ar onkoren hapṛamko do huḍiń khon ńit hạbicʼ mĩhũ-meromkogele gupi ạguyetʼkoa.’ Onate ape do Gosenre girobasokʼ lạgitʼ hukumpe ńama. Ente Misriko ṭhen bhiḍi-merom gukʼpi do hirkhạwakʼ kạmikana”

Genesis 47:27

Ar Israelko do Misor reakʼ Gosenre girobasokʼko ehopʼena. Onḍe onko do jaega-jumiko benaoana. Onkoren do ạḍi utạr hopon ar hoponerako hoyena ar lekhareko ḍher idiyena.

Genesis 47:6

Ar goṭa Misor disạmge am samaṅre menakʼa. Onate disạm reakʼ joto khon bhage utạrakʼ jaegare am baba ar boehatam girobasokʼ lạgitʼ jaega emakom. Onko do Gosenreko girobasokʼma. Ar onko modre lek lekan hoṛko ńamlen khan onko cetanre ińren mĩhũ-merom reakʼ bhar hõń emakoa.”

Exodus 1:11

Onate Misorrenko do gokʼ bhạriạ hotete santaoko lạgitʼ onko cetanre sordarko bahalketʼkoa. Ar Pharaoakʼ phosol jarwae lạgitʼ Israelko hotete Pitạm ar Ramesh noa barea murại nagrahako benaokeda.

Exodus 12:37

Ona tayom Israelko do Rameses khon Sukot secʼko mohnḍayena. Jotote turui lakh herel hoṛko taṛam idikeda. Onko sãote maejiuko ar gidrạko hõko tahẽkana.

Jesaea 22:24

Uniyakʼ bõsrenkoakʼ sanam bojha do uniyakʼ tarenre ladekʼa. Joto lekan kạṭicʼ lạtu bhajanko cetʼleka uniyakʼ bharreko akakakʼ onkage uniren gidrạko ar bõsko hõ uniyakʼ tarenreko akakokʼa.

Numeri 33:3

Bańcaokʼ porob reakʼ dosar hilokʼ bochor reakʼ pạhil cando reakʼ gelmõṛẽ tạrikre Israelko do Ramases khonko mohnḍalena. Onko do sanam Misrikoakʼ mẽtʼãhã samaṅ khonko oḍok hecʼlena.

Johan 10:10

Kombṛo do eken kombṛo, khũn ar nonosṭo lạgitʼe hijukʼa. Iń doń hecʼakana jemon jionko ńam, ar ona jion jemon sareṛokʼtako.

Johan 10:28

Iń do jaejug jioniń emakokana. Onko do tishõ ohoko nosṭolena ar okoe hõ iń khon ohoko recʼidi daṛelekoa.

Johan 14:2

Ińren Babawakʼ oṛakʼre ạḍi utạr tahen jaega menakʼa. Ona baṅ tahẽlen khaniń lạikepea, ape lạgitʼ jaega teariń calakʼ kana.

Johan 14:23

Jisu do uniye roṛ ruạṛadea, “Jãhãege ińe dulạṛiń uni do ińakʼ kathae dohoya. Ińren Baba do uniye dulạṛea ar uni ṭhen liń hijukʼte uni soṅgeteliń tahena.

Johan 17:2

Am do sanam manwako cetanre ektiạriyem emakawadea, jemon okoekom emakawade onko sanamko jaejug jione emako.

Johan 17:24

“E Baba, menjoṅ kạnạń am okoekom emakawạdiń, ińakʼ ṭhonok ńel ocoko lạgitʼ onko do jemon iń okareń tahen onḍeko tahẽ daṛeakʼ. Ona ṭhonok do amgem emakawạdińa, ente dhạrti ạuri sirjạu khonge am dom dulạṛedeń kana.