Genesis 47:1 - সান্তালী বাইবেল

¹ Joseph do Pharao ṭhen senkateye menkeda, “Ińren baba ar boehako do akoren meromko, bhiḍiko, ḍaṅgrako ar akoakʼ jotowakʼ soṅgekate Kanan disạm bạgikate nonḍeko hecʼakana. Onko do ńitokʼ Gosenreko seṭerakana.”

Genesis 47:1 Iomraidhean Croise

Genesis 45:10

Ar hecʼkate am do Gosen ṭoṭhare girobasokʼme. Onate am do, amren hoponko, amren goṛom gidrạko, amren ḍaṅgra ar bhiḍi palko, ar jãhãnakʼge menakʼtam ona sanamakʼko soṅgekate iń ṭhen tahẽhataṛokʼpe.

Genesis 45:16

Josephren boehakoakʼ hijukʼ reakʼ khobor Pharaoakʼ oṛakʼte seṭeren khan Pharao ar uniren kạmiyạko do ạḍiko kusiyena.

Genesis 46:28

Jakob do Joseph ṭhen Jihudạgeye kol lahakedea jemon Joseph do Jihudạge Gosen calakʼ reakʼ hore udukʼae. Ar mucạtʼre onko do jotoge onḍeko seṭerena.

Genesis 46:31

Noa tayom Joseph ar acʼren boehako ar acʼ apat gharońjren eṭakʼkoe metatʼkoa, “Iń do Pharao ṭhen senkateń mena, ‘ińren boehako ar iń babawakʼ bõsrenko do Kanan disạm khon iń ṭhenko hecʼakana.

Genesis 46:34

Unre unipe metaea, ‘amren golamko ar onkoren hapṛamko do huḍiń khon ńit hạbicʼ mĩhũ-meromkogele gupi ạguyetʼkoa.’ Onate ape do Gosenre girobasokʼ lạgitʼ hukumpe ńama. Ente Misriko ṭhen bhiḍi-merom gukʼpi do hirkhạwakʼ kạmikana”

Exodus 8:22

Menkhan enhilokʼ do Gosen disạmiń begara, ente onḍe do ińren hoṛko girobasokʼ kana. Onḍe do jãhãn kãṛa loṭocʼge bako tahena. Ar onatepe baḍae daṛeakʼa, iń Probhu Isorge noa disạmre minạńa.

Exodus 9:26

Menkhan Israelko okareko tahẽkan ona Gosenre do arel baṅ ńurlena.

Ibriko 2:11

Ente sonot ocoyicʼ hõ ar sonot ocokʼko hõ mitʼṭecʼ khon kangeako. Onate Jisu do onko hoṛko boeha mente hohowako do bae lajaokʼ kana.