Genesis 46:5 - সান্তালী বাইবেল

⁵ Inạ tayom Joseph do Ber-seba bạgikateye mohnḍayena. Ar onko idiko lạgitʼ Pharao okako gạḍiye kolletʼ tahẽkan Israelren hoponko do onatege akoren apat ar bạhuko ar gidrạkoko idiketʼkoa.

Genesis 46:5 Iomraidhean Croise

Genesis 21:14

Unre Abraham do ạḍi setakʼre beretʼkate thoṛa jomakʼ ar dakʼte perecʼ mitʼṭecʼ kum Hagare emadete tarenrey ladeadea. Ar ona tayom gidrạ hõ tireye caladete uniye bidạkadea. Hagar do onḍe khon oḍokʼkate Ber-Seba reakʼ hahaṅkarre ạcur baṛaye ehopʼena.

Genesis 45:19

Noa chaḍa am cetanre ińakʼ noa hukum tahẽyena, amren boehakom metakoa onko do akoren bạhuko ar kạṭicʼ gidrạko lạgitʼ Misor disạm khon gạḍiko idiyma, ar akoren apatko ạguyema.

Genesis 45:21

Israelren hoponko do onkageko kạmikeda. Pharaoakʼ hukum leka Joseph do onko lạgitʼ gạḍi ar horte lạgitʼ jomakʼe kolatʼkoa.

Genesis 45:27

Menkhan Joseph okakoe metatʼko tahẽkan ona ańjomkate ar uni idiye lạgitʼ Joseph okaṭakʼ gạḍiye kolakatʼ ona ńelte onkoren apat Jakobakʼ bhabna do cabayentaea.

Exodus 10:24

Unre Pharao do Mose hoho ạgu ocokedeteye metadea, “Do calakʼpe, ar Probhu Isor sewawaepe. Aperen hopon ar hoponerako hõ ape sãoteko sen daṛeakʼa, menkhan aperen ḍaṅgra-bhiḍi palko do nonḍeko tahenma.”

Exodus 10:26

Aleren ḍaṅgra-bhiḍiko hõ ale sãotegele iditorakoa. Onkoakʼ mitʼṭecʼ khurạ hõ nonḍe do bale giḍi oṭokakʼa. Aleren Probhu Isor sewawae lạgitʼ noko mod khon adomko do jạṛuṛalea. Ar onḍe ạurile senokʼ hạbicʼ bale bujhạu daṛeakʼ kana Probhu Isor sewawae lạgitʼ okoeko janwar lagao aleya.”

Aposkạmi 7:15

Ado Jakob hõ Misorteye calaoena, ar onḍe do uni ar aboren hapṛamko hõko gocʼena.

1 Samuel 12:8

“Jakob do Misor disạmteye senena, ar aperen hapṛamko tinre Probhu Isor ṭhenko rakʼkeda unre Probhu do Mose ar Arone kolketʼkinạ. Unkin do Misor disạm khon aperen hapṛamkokiń oḍok ạguketʼkoa ar niạ disạmrege girobasokʼ lạgitʼkin bondobosatʼkoa.