Genesis 46:4 - সান্তালী বাইবেল

⁴ Iń do am são sãote Misorteń calakʼa ar khạṭige arhõń ruạṛ ạgumea. Ar gujukʼre Joseph do acʼakʼ tite amakʼ mẽtʼkine hạrubtama.”

Genesis 46:4 Iomraidhean Croise

Genesis 28:15

Iń do am sãotege minạńa; ar jãhãtegem calakʼ iń do amiń rukhiyạmea. Noa disạmtege arhõń ruạṛ ạgumea. Ar okań galmarao akatʼme ona ạuriń purạu hạbicʼ iń do bạń bạgi giḍimea.”

Genesis 48:21

Ona tayom Israel do Josephe metadea, “Ńelme, ińakʼ gujukʼ okte do sorakana. Menkhan Isor do ape sãoreye tahena, ar aperen hapṛamkoakʼ disạmteye ruạṛ idipea.

Genesis 50:1

Unre Joseph do acʼ babawakʼ mẽtʼãhãre giḍiyente rarakʼe dhurạuena are cokʼadea.

Genesis 50:13

Onko do uniyakʼ mạ̃ṛĩ Kanan disạmteko idikeda ar Mamre ṭhenakʼ Makpela reakʼ dander ṭhen uniko topakadea. Topa ṭạnḍi benao iạte jumi sudhạ noa danderge Abraham do Hitti Ephron ṭhen khone kirińleda.

Genesis 50:5

ạpuń gujukʼ oktere noae kiriạ ocoakadińa, Kanan disạmre acʼe ṭhik dohoakatʼ jaegare jemoniń topakae. Onate nehõraepe ona kạmi lạgitʼ jemone sen ocoạń. Ar lạiyaepe onań sạt lekhange arhõń ruạṛ hijukʼa.”

Exodus 3:17

Ona iạteń meneda, Misor reakʼ santao khoniń oḍok idipea ar Kananrenko, Hittirenko, Amorirenko, Pherisirenko, Hiwirenko ar Jebusirenkoakʼ disạmteń idipea. Onḍe do toa, dumur rasa ar jãhãn cetʼ reakʼ reṅgecʼge bạnukʼa.’

Exodus 3:8

Misorrenkoakʼ ti khon onko rukhiyạko lạgitʼ iń doń pheḍ hecʼakana. Iń do ona disạm khoniń oḍok ạgukoa ar Kananrenko, Hittirenko, Amorirenko, Pherisirenko, Hiwirenko ar Jebusirenkoakʼ disạmteń idikoa. Ona disạm do maraṅgea ar mońjgea; onḍe do toa ar dumur rasa reakʼ jãhãn okulạnge bạnukʼa.