Genesis 46:3 - সান্তালী বাইবেল

³ Isore menkeda, “Iń Isor do, am babaren Isor kạnạń. Misor disạmte calakʼ do alom botorokʼa, ente iń do onḍe am khon mitʼṭecʼ maraṅ utạr jạtrenkoń sirjạukoa.

Genesis 46:3 Iomraidhean Croise

Genesis 12:2

Iń do am khon mitʼ maraṅ jạtiń benaokoa. Amiń bhorama ariń maraṅmea amakʼ ńutum do goṭa beṛhae pasnaokʼtama ar am hotete hoṛ do bhorko ńama.

Genesis 15:1

“Ona tayom Probhu Isor do Abram dorsonteye metadea, “Abram, alom botorokʼa. Ḍhal leka iń do amiń rukhiyạmea, ar amakʼ kuṛại do maraṅ hoyokʼa.”

Genesis 15:13

Unre Probhu Isor do uniye metadea, “Noa katha do khạṭigem baḍaea, am bõsren hoṛko do nonkan mitʼṭecʼ disạmreko girobasokʼa one okaṭakʼ do apeakʼ baṅkan. Onḍe onko do eṭakʼkoren guti hoekate ponsae bochor hạbicʼko santao ocokʼa.

Genesis 17:1

Abramakʼ umer do tinre are gel are bochor tahẽkana unre Probhu Isor do uni ṭhen ńel ocoyenteye menkeda, “Iń kangeạń sanam daṛean Isor. Am do iń sãote helmel dohoyme ar ińakʼ sana leka calakʼme.

Genesis 18:18

Abraham ar uni bõsren hoṛko khonge coṅ mitʼṭecʼ maraṅ daṛean jạtrenkoń sirjạuko ar onko iạtege coṅ dhạrtiren sanam jạtrenko ma bhorko ńam.

Genesis 22:17

khạṭigeń bhorama, ar sermaren ipilko ar jalapuri reakʼ gitil leka amakʼ bõsrenkoń saṅge ocokoa. Am bõsren hoṛ do akoren bạirikoakʼ nagrahako jitạu joṅa,

Genesis 35:11

Isor do arhõe metadea, “Iń do phạdkoren Isor kạnạń. Am do ạḍi utạr hoponkoren apatem hoyokʼa arpe saṅgekʼa. Iń do am khonge mitʼṭecʼ jạtrenkoń rakapʼkoa, ar mitʼṭecʼ ḍher bõsrenko benao rakabokʼa. Ar amakʼ bõsre aema rapajko janamokʼa.

Genesis 47:27

Ar Israelko do Misor reakʼ Gosenre girobasokʼko ehopʼena. Onḍe onko do jaega-jumiko benaoana. Onkoren do ạḍi utạr hopon ar hoponerako hoyena ar lekhareko ḍher idiyena.

Genesis 48:16

uni serma Goḍet, okoe do sanam muhin reakʼ ti khone rukhiyạ akadiń, unige nukin gidrại bhorakinma. Nukin hotetege iń ar ińren hapṛam Abraham ar Isahakakʼ ńutum do jiwetʼ tahenma. Ar aboakʼ disạmre nukin bõsren hoṛ do lekhare ḍherko hoyokʼma.”

Genesis 48:19

Menkhan apattetʼ doe menkeda, “Iń doń baḍaegea. Uni hõ maraṅe hoyokʼa ar uni bõsren hoṛ do mitʼ jạtrenko hoyokʼa. Menkhan huḍińicʼ boeha do uni khon hõ maraṅe hoyokʼa ar uni bõsren hoṛko khon ạḍi utạr jạtrenko hoyokʼa.”

Exodus 1:12

Menkhan Misorrenko do Israelko tinạkʼko santaoketʼko unạkʼge onko do lekhareko ḍher idiyena ar beṛhaeteko pasnao idiyena. Onate Misriko do Israelko iạte monre botor rakapʼatʼkoa.

Exodus 14:13

Mose do onkoe metatʼkoa, “Alope botorokʼa. Okare menakʼpe onḍege tahenpe ar Probhuakʼ bańcao reakʼ kạmi ńelpe. Uni do teheńge ape lạgitʼe onkaea. Okoe misrikope ńeletʼko onko do ar tisge bape ńelkoa.

Jesaea 41:10

Onate alom botorạńạ, ente iń do am sãotegeń tahẽnkana; ar alom andesalekʼa, ente iń doń amren Isor kana. Iń doń daṛe ocomea ar khạṭigeń goṛowama ar ińakʼ jit reakʼ jojom titeń sapʼ ṭarhaomea.

Jirimiạ 40:9

Saphanren goṛomtetʼ koṛa, metakʼme Ahikamren hopon Gedaliạ do onko ar onkoren hoṛko ṭhen kiriạkate noa kathae metatʼkoa, “Babelrenko gobolre tahen do alope botorokʼa; disạmre girobasokʼpe ar Babel raj gobolre hijukʼpe, onate ape do bhage hoyokʼtapea.

Aposkạmi 27:24

‘E Pạul, alom botorokʼa. Am do Kạisạr samaṅre teṅgokʼ hoyokʼtama. Ar noa jahajre tinạkʼ do am sãoteko calakʼkan onko sanamkoakʼ jiwi Isor do dayateye dan akawatʼmea.’

Aposkạmi 7:17

“Abraham ṭhen Isor okaṭakʼe gokʼletʼ tahẽkan ona purạukʼ reakʼ okte seṭeren khan Misorre aboren hoṛ doko saṅge idiyena.

Dosar Biboron 1:10

Aperen Probhu Isor do nunạkʼe saṅge ocoakatʼpea je, teheń ape do sermaren ipil lekape saṅge akana.

Dosar Biboron 10:22

Aperen okoeko hapṛam do Misorteko senlen onko do lekhare eken eae gel hoṛko tahẽkana ar ńitokʼ aperen Isor do sermaren ipilko lekae saṅge ocoakatʼpea.

Dosar Biboron 26:5

Ar ona tayom do Probhu Isor samaṅrepe mena, ‘Aleren hapṛam do Aramren mitʼṭen uḍạcal hoṛe tahẽkana. Uni do eken thoṛa hoṛante Misor disomteye senlena ar onḍeye tahẽkanre uni hotete mitʼṭen maraṅ ar daṛean jạtrenkoakʼ janam hoylena ar onkoakʼ lekha do ḍherge tahẽkana.