Genesis 46:2 - সান্তালী বাইবেল

² Isor do ńindạ jokhecʼ Israel tulucʼ kukmũ talate kathae roṛkeda. Uni doe hohokeda, “E Jakob, E Jakob.” Jakobe roṛ ruạṛkeda, “Minạńgea.”

Genesis 46:2 Iomraidhean Croise

Genesis 15:1

“Ona tayom Probhu Isor do Abram dorsonteye metadea, “Abram, alom botorokʼa. Ḍhal leka iń do amiń rukhiyạmea, ar amakʼ kuṛại do maraṅ hoyokʼa.”

Genesis 15:13

Unre Probhu Isor do uniye metadea, “Noa katha do khạṭigem baḍaea, am bõsren hoṛko do nonkan mitʼṭecʼ disạmreko girobasokʼa one okaṭakʼ do apeakʼ baṅkan. Onḍe onko do eṭakʼkoren guti hoekate ponsae bochor hạbicʼko santao ocokʼa.

Genesis 20:3

Menkhan ńindạ jokhecʼ Isor do Abimelek kukmuteye metadea, “Okoe maejiuem ạgu akade, uniren do jãwãe menaetaea. Unim ạgu akadete am do gujukʼ secʼem mohnḍa akana.”

Genesis 22:1

Noako ghoṭna tayom Isor do Abraham biḍạureye paṛao ocokedea. Isor do uniye hohowadea, “E Abraham.” Abrahame roṛ ruạṛkeda, “Minạńgea.”

Genesis 22:11

Unre Probhu Isorren goḍet do serma khon uniye hohoadea, “E Abraham, E Abraham!” Abrahame roṛ ruạṛkeda, “Nõkʼõe minạńgea.”

Genesis 31:11

Kukmũ talarege Isorren goḍet do ińe hohowạdińạ, ‘E Jakob.’ Unre ińiń menkeda, ‘Hẽ minạńgea.’

2 Bõsbudạ 26:5

Sakariạwakʼ oktere uni do Isorakʼ sana lekageye calakʼkan tahẽkana. Sakariạ do Isor botorae reakʼ sopolhae emaekan tahẽkana. Tinạkʼ din Probhu Isorakʼ sana lekae calaoen unạkʼ din Isor hõ uniye jo baha ocoyede tahẽkana.

Jobakʼ 4:13

Manwa do ńindạ tinre galasaṅe jạpida unre kukmũteń akbakaokʼ kana;

Daniel 2:19

Ado ńindạ jokhecʼ Daniel ṭhen ona baṅ baḍaeakʼ do dorson hotete sodorena. Unre Daniel do sermaren Isore gun manao joharadea.

Sakariạ 1:8

Ńindạ jokhecʼ iń Sakariạ do mitʼṭecʼ dorson iń ńelkeda. Iń doń ńelkeda, manwa leka ńelokʼte mitʼṭen serma goḍet do arakʼ sadomreye decʼakana. Ar sadom do mitʼṭecʼ copotʼ jaegare mehendi dareko talareye teṅgo akana. Ar uni hoṛ tayomre do arakʼ, sãoṛa ar ponḍ roṅan sadomko tahẽkana.

Numeri 24:4

Okoe hoṛ Isorakʼ kathae ańjometʼkan ar sanam daṛeanicʼ reakʼ dorsone ńeletʼkan, ar okoe do otreye ombakʼ hape akan ar okoe do mẽtʼ jhicʼ akantae,

Aposkạmi 10:13

Inạ tayom okoe coṅ roroṛkane ańjomkedea, “E Patras, ma beredokʼme, ar gocʼkate jomkom.”

Aposkạmi 10:3

Mitʼ din pe baja okte uni do mitʼṭecʼ dorsone ńelkeda. Uni do pusṭạuteye ńelkeda Isorren mitʼṭen goḍet do hecʼkateye metaekana, “E Kornelius.”

Aposkạmi 16:9

Ar Pạul do ńindạ mitʼṭecʼ dorsone ńelkeda, Makedoniạ disạmren mitʼṭen hoṛ do teṅgokate nehõr salakʼe meneda, “Makedoniạte parom hijukʼte dela goṛowaleme.”

Aposkạmi 9:10

Damesek nagrahare Ananiạs ńutuman mitʼṭen celae tahẽkana. Probhu Isor do dorsonte uniye metadea, “Ananiạs.” Adoe menkeda, “Hẽ, Probhu Isor, nõkʼõe minạńgea.”

Aposkạmi 9:4

Uni do otreye bhindạṛena ar mitʼṭecʼ aṛaṅ metaekane ańjomkeda, “E Sạul, E Sạul cedakʼem khedeńkana?”

Bikʼcạrko 7:2

Probhu Isor do Gideone metadea, “Midiạnrenko onkoakʼ tireń soprotko lạgitʼ do amren hoṛkoakʼ lekha ḍhergetakoa. Ariń onka lekhan Israelko do apnarko sarhaokʼa arko men boteja, akoakʼ daṛetegeko bańcao akana.

Bikʼcạrko 7:9

Enhilokʼ ạyupʼ jokhecʼ Probhu Isor do Gideone metadea, “Beretʼme, ar pheḍ senkate onkoakʼ ḍera cetanre jhãp emme. Iń do amakʼ tireń jimạ akatʼkoa.

1 Samuel 3:10

Ona tayom Probhu Isor do hecʼkate onḍeye teṅgoyena ar eṭakʼ dhao lekageye hohokeda, “Samuel, E Samuel.” Unre Samuele menkeda, “Ma roṛme, amren guti doń ańjometʼgea.”

1 Samuel 3:4

Un jokhecʼ Probhu Isor do Samuele hohoadea. Ar Samuel doe roṛ ruạṛkeda, “Nõkʼõe minạńgea.”