Genesis 45:6 - সান্তালী বাইবেল

⁶ Akal calakʼ kana bar bochor khon. Noa do arhõ mõṛẽ bochor hạbicʼ tahena. Unre phosol hõ baṅ erokʼa ar irhõ baṅ irokʼa.

Genesis 45:6 Iomraidhean Croise

Genesis 37:2

Noa do hoyokʼ kana Jakob gharońjrenko reakʼ kạhini. Joseph do acʼren boehako sãote bhiḍi ar meromkoe gupikan tahẽkana. Ar uniren boehako doko tahẽkana acʼren kạki eṅgat Bilhạ ar Silpạren hoponkoge. Uniyakʼ umer gel eae bochor tahẽkanre uni do acʼren noko boehakoakʼ bạṛicʼ colon reakʼ katha acʼ apate lạiyadea.

Genesis 41:35

Ar onako din lạgitʼ bạ̃ṛti phosolko jarwaete onko do tayom daram jom lạgitʼ Maharajakʼ tabere mimitʼ nagrahare onako doho jarwaete rukhiyại reakʼko bebostae.

Genesis 41:46

Joseph do tinre Misorren raj Pharaoakʼ kạmireye bahal ocoyena unre uniyakʼ umer do pegel bochor tahẽkana. Uni do Pharaoakʼ raj dorbar khon oḍokkate Misor disạm reakʼ sanam jaegae dãṛã ạcurkeda.

Genesis 41:53

Inạ tayom Misor disạm reakʼ ḍher phosol reakʼ ona eae bochor do cabayena.

Genesis 41:54

Ar ona tayom do akal reakʼ eae bochor ehopʼena. Ar Josephakʼ katha lekage jotowakʼ hoyena. Aḍe pase disạmko hõ noa akal khon rukhiyạ bae ńamleda, menkhan Misorre do okare hõ jomakʼ reakʼ okulạn baṅ tahẽkana.

Genesis 41:56

Noa akal do goṭa disạmrege pasnao idiyena. Ar tinre maraṅ akal hoyena unre Joseph do sanam murại oṛakʼkoe jhicʼkeda ar Misorrenko ṭhen jomakʼe ạkhrińkeda.

Genesis 47:18

Ona bochor paromen khan dosar bochor hoṛko do hecʼkate Josephko metadea, “E hujur ṭhen do cetʼge bale okoea, aleakʼ tahẽkantale joto ṭaka-poesa do caba utạrentalea, aleren mĩhũ-meromko hõ ar bạnukʼkotalea. Ńitokʼ do aleakʼ noa hoṛmo ar jaega jumi chaḍa hujur emae reakʼ do ar cetʼhõ bạnukʼtalea.

Genesis 47:23

Joseph do hoṛkoe metatʼkoa, “Ńelpe, Pharao secʼ khon iń do teheń apeakʼ ar apeakʼ jaega-jumiń kirińkeda. Ape do ńitokʼ itạ idiype, ar jumire erpe.

Exodus 34:21

“Ape do hapta reakʼ turui dinpe khaṭaokʼa menkhan eae mãhã hilokʼ do jirạukʼpe. Casokʼ jokhecʼ ar phosol samṭao oktere hõ onkaepe.

Jesaea 30:24

Aperen cacas ḍaṅgrako ar gadhako do buluṅ akawatʼ danako joma one oka do haṭakʼ supticʼteko tear akatʼ.

Dosar Biboron 21:4

Ar okare tishõ bako casakatʼ se itạ hõ bako erakatʼ ar onḍe mitʼṭecʼ ạtukʼ soḍokʼ menakʼ, nonkan mitʼṭecʼ sokṛa soḍokʼte uniko idiyea. Ar ona soḍokʼre uni phẽṭaṛakʼ hoṭokʼko rạpudtaea.

1 Samuel 8:12

Uni do acʼ lạgitʼ adom do hajarko cetanre, adomko do mõṛẽgelko cetanre senaputiye dohokoa. Ar eṭakʼko do acʼakʼ jumi cas ar phosol samṭao kạmire ar lạṛhại reakʼ khanḍa bhanḍa ar rãt gạḍiko reakʼ soroṅjamko benao lạgitʼe lagaokoa.