Genesis 45:3 - সান্তালী বাইবেল

³ Joseph do acʼren boehakoe metatʼkoa, “Iń doń Joseph kana! Iń baba do cetʼ ńitʼhõ jiwetʼ menaegea?” Noa katha ańjomkate boehataeko do botorte thar tharaokʼko ehopʼena; onko do cetʼge bako roṛ ruạṛadea.

Genesis 45:3 Iomraidhean Croise

Genesis 37:20

Dela, ńitokʼge bon gojea ar mitʼṭecʼ kuńre bon khadlekaea. Ar bon mena, uni do kaṭaha janwarko jomkedea, ar ona tayom do uniyakʼ kukmũ reakʼ bon ńela cetʼ hoyokʼa mente.”

Genesis 42:21

Ona tayom onko do ako akoreko mepenena, “Sạrige aboren uni boeha cetanre oka bon cekaletʼ onate abo dobon dusigea. Uni do abo ṭhene nehõrlena ar uniyakʼ mon reakʼ kosṭo ńeltehõ unre babo dayalena. Onatege noa kosṭo do abore hecʼpaṛao akana.”

Genesis 42:22

Ruben do onkoe metatʼkoa, “Iń doń metatʼpe tahẽkangea, ‘uni cetanre behokakʼ alope kạmiya.’ Menkhan unre bape ańjomletʼtińạ. Ńitokʼ do uniyakʼ mãyãm reakʼ hakʼla hạli reakʼ okte hoyakana.”

Genesis 43:27

Ar uni do boge judại kuliketʼkoa, “Aperen baba uni haṛam hoṛ do cetʼ bogege menaea? Uni do cetʼ ńitʼhõe jiwetʼgea?”

Jobakʼ 23:15

Onate uni samaṅre iń do ạḍiń botorokʼa; noakoń hudisle khange uni doń botoraea.

Jobakʼ 4:5

Menkhan ńitokʼ do am cetanre kosṭo hecʼakana, ar am dom keklesetʼ akana; duk do ame ghạl akatʼmea ar am dom as chuṭạu akana.

Sakariạ 12:10

“Iń do Dạudakʼ bõs ar Jerusalemren hoṛko cetanre ińren Jiu iń dulea; uni doe dayakʼa ar koejoṅ reakʼ mone emokʼa. Onate onko do iń secʼ, metakʼme okoe do uniko sobokʼ tapʼlede uni secʼ beṅgetʼ akaeko tahena. Ar sadher hopon ńutumte homor halaṅ leka onko do uni lạgitʼko homor halaṅa ar pạhilicʼ hopon lạgitʼ cetʼ lekako homor halaṅ onkageko jare jarekʼa.

Mark 6:50

ente uni ńelte jotoge botor caṛhaoatʼkoa. Unre Jisu do celako sãoteye roṛ gotʼkeda. Metatʼkoae, “Dil joṅpe, ińkangeạń, alope botorokʼa.”

Luk 5:8

Noa ńelte Simon Patras do Jisu samaṅre ombakʼenteye menkeda, “E Probhu, iń doń kại hoṛ kana; iń ṭhen khon calao joṅme baṛe.”

Aposkạmi 7:13

Ar dosar dhaore Joseph do boehakoe baḍae ocoketʼkoa acʼ doe okoe kana mente. Unre Pharao do Josephakʼ gharońj reaṅe baḍaekeda.

Aposkạmi 9:5

Sạul doe menkeda, “E Probhu Isor, am dom okoekana?”

Johan sodor 1:7

Ńelpe, uni do rimilteye hijukʼkana. Ar mitʼke mitʼ mẽtʼ do uniko ńelea; ar okoeko sobokʼ bhugạkʼlede onko hõ uniko ńelea ar dhạrtiren sanam jạtrenko do uni iạte koṛamko ceṭagokʼa. Ar onage hoyokʼ ma baṛe, Amen.