Genesis 45:11 - সান্তালী বাইবেল

¹¹ Am ar gharońjrenkoakʼ jemon jãhãn haron alo hoyokʼ onate iń do nonḍege amakʼ jom ńũ reakʼ iń bebostaea, ente akal do ńithõ mõṛẽ bochor hạbicʼ calakʼa.’

Genesis 45:11 Iomraidhean Croise

Genesis 45:12

“Ar ińakʼ mocatege jotowakʼiń menetʼkan ona do mẽtʼtegepe ńeleda, ar ińren boeha Benjạmin hõe ńeleda.

Genesis 47:12

Joseph do acʼren apat, boehako ar onkoakʼ gharońjrenko jomakʼ jogao akoe ehopʼena. Uni do onkoren hopon ar hoponerakoakʼ hisạb lekateye emakokan tahẽkana.

Genesis 47:6

Ar goṭa Misor disạmge am samaṅre menakʼa. Onate disạm reakʼ joto khon bhage utạrakʼ jaegare am baba ar boehatam girobasokʼ lạgitʼ jaega emakom. Onko do Gosenreko girobasokʼma. Ar onko modre lek lekan hoṛko ńamlen khan onko cetanre ińren mĩhũ-merom reakʼ bhar hõń emakoa.”

Genesis 50:21

Onate ape do alope botorokʼa. Iń do ape ar aperen hopon ar hoponerako lạgitʼ jomakʼ iń jogaoapea.” Noako as reakʼ kathate uni do jiwi raṛecʼe ematʼkoa.

Ester 10:3

Ahasberos raj tayom do Mordekaige dosaricʼe tahẽkana. Uniren sanam jạt-boehako do uniko manotkedea arko bạsutae kan tahẽkana, ente uni do acʼren hoṛko lạgitʼ bhạlạiyakʼgeye kạmiyetʼ tahẽkana ar sanam Jihudiko rukhiyạko reakʼgeye kurumuṭuyetʼ tahẽkana.

1Timothi 5:4

Menkhan jãhãe rạnḍi maejiuren gidrạ se goṛom gidrạko tahen khan onko gidrạko se goṛom gidrạkoge pạhilte jemon apan apin gharońjre Isor bhoktiko udugma. Nonkate onko do eṅgat-apat se baba haṛamkoakʼ dulạṛ reakʼ rinko hala ruạṛ daṛeakʼa, ar noate Isor doe kusikʼa.