Genesis 45:1 - সান্তালী বাইবেল

¹ Unre Joseph do acʼren kạmiyạko samaṅre ar bae sambṛao daṛeada. Uni do ãṭ aṛaṅteye menkeda, “Iń samaṅ khon sanamko ocogokʼpe.” Onate boehako ṭhen tinre acʼakʼ oprome emkeda unre onḍe do ar celege bako tahẽkana.

Genesis 45:1 Iomraidhean Croise

Genesis 42:24

Unre Joseph do onko ṭhen khon oḍok senkateye rakʼkeda, ar ona tayom do ruạṛ hecʼkate onko sãote arhõ galmaraoe ehopʼena. Ar Simeone bachaokedete onko samaṅrege tole reakʼe hukumkeda.

Genesis 44:34

Nui koṛa begorte iń do cekate iń baba ṭheniń ruạṛ calakʼa? Ariń onkae khan uniyakʼ duk do ińakʼ mẽtʼte ńeńel hoyokʼtińạ.”

2 Samuel 1:20

Gatre niạ khobor do alope lạiya, ar Askelon reakʼ hor horte hõ alope lại sodora; arpe onkae khan Philisṭikoren hoponera doko rạskạ joṅa, onko bin khatna hoṛkoren hoponera doko hulạs joṅa.

2 Samuel 13:9

Ar ona tayom do tawate ona piṭhạko idikate uni samaṅreye dohokeda, menkhan Amnon do ona jojom bae rebenlena. Amnon do sanam hoṛ oṛakʼ khon oḍokokʼe metatʼkoa, onate onko jotoge oṛakʼ khonko oḍokena.

Jesaea 42:14

“Iń Probhu Isor do ḍher din khoniń hape akana; iń doń thirakan ariń rokao akana. Menkhan ńitokʼ do gidrại janam edekan maejiu lekań kikiạukʼkana, ahkaokʼ kạnạń ar phõ phõń sãhetʼeda.

Jirimiạ 20:9

Ińiń menkhan, “Uniyakʼ katha do bạń lạiya se uniyakʼ ńutumte ar cetʼge bạń roṛa,” enḍekhan uniyakʼ katha do ińakʼ ontorre lokʼkan bursi seṅgel leka jaṅ bhitri hạbicʼ bond akange tahẽnkana. Iń do bhitrire doho dohoteń laṅga cabakʼkana; sạrige ona do ar bạń doho daṛeakʼkana.

Sakariạ 12:10

“Iń do Dạudakʼ bõs ar Jerusalemren hoṛko cetanre ińren Jiu iń dulea; uni doe dayakʼa ar koejoṅ reakʼ mone emokʼa. Onate onko do iń secʼ, metakʼme okoe do uniko sobokʼ tapʼlede uni secʼ beṅgetʼ akaeko tahena. Ar sadher hopon ńutumte homor halaṅ leka onko do uni lạgitʼko homor halaṅa ar pạhilicʼ hopon lạgitʼ cetʼ lekako homor halaṅ onkageko jare jarekʼa.

Mathae 18:15

“Amren boeha am upạrteye kại lekhan uni ṭhen senokʼme ar aben eskar tahenrege uniyakʼ dosko lại bujhạuaeme. Ar amakʼ kathae ańjom khan enḍekhan amren boeham dom ńam ruạṛkedea.

Aposkạmi 10:41

Menkhan sanamko do bako ńelledea, eken okoe gohako Isor do lahareye bachao dohoakatʼko tahẽkan onkogeko ńelledea, metakʼme gocʼko khon jiwetʼ beretʼ tayom ale do uni sãotele jom-ńũleda ar alege unile ńelledea.

Aposkạmi 7:13

Ar dosar dhaore Joseph do boehakoe baḍae ocoketʼkoa acʼ doe okoe kana mente. Unre Pharao do Josephakʼ gharońj reaṅe baḍaekeda.

1 Korinthiko 13:5

dulạṛ do bae phulạukʼa, dulạṛ do bae becola, dulạṛ do bae hạr dogokʼa; dulạṛ do bae kaḍraokʼa; dulạṛ do bae adopa; dulạṛ do bạṛicʼ bae hisạba;