Genesis 44:13 - সান্তালী বাইবেল

¹³ Noa ńelte onko do akoakʼ kicricʼko oṛecʼketʼtakoa. Ar ona tayom do akoren gadhakore bostako ladeketʼte arhõ nagrahateko ruạṛ calaoena.

Genesis 44:13 Iomraidhean Croise

Genesis 44:4

Ar nagraha khonko oḍok calakʼ oktere Joseph do acʼ oṛakʼren ńel todaroticʼe metadea, “Usạrate onko hoṛ tayomte calakʼme. Arem tiyokʼleko khanem metakoa, ‘Upkạr bodolte cedakʼpe bạṛicʼ oṭokada?

2 Samuel 1:11

Niạ katha ańjomkate Dạud ar uni sãoten hoṛko do akoakʼ kicricʼko oṛecʼketʼtakoa.

2 Samuel 1:2

Ar tesar hilokʼ Sạulren lạṛhại phạdkoakʼ ḍera khon mitʼṭen hoṛ do Dạud ṭhene hecʼena. Uniyakʼ kicricʼ do oṛecʼ oṛecʼ ar bohokʼre do dhuṛi tahẽkantaea. Uni do Dạud ṭhen hecʼkate otre ombakʼkateye ḍobokʼadea.

2 Samuel 13:19

Unre Tamar do bohokʼre torocʼe ojokʼana ar oneye horokʼ akatʼ kicricʼe oṛecʼketʼtaea. Ar ona tayom do bohokʼ capokate ãṭ aṛaṅte rakʼ rakʼteye calaoena.

2 Rapajko 11:14

Uni doe ńelkeda raj do tham khunṭi aṛereye teṅgo akana. Ar Subedarko ar sakwa okʼroṅko do raj beṛhaeteko teṅgo akana ar disạmren sanam hoṛ doko rạskạkʼ kana ar sakwako oroṅeda. Niạ ńelte Athaliạ do acʼakʼ kicricʼe oṛecʼketʼte ãṭ aṛaṅteye menkeda, “Hul! Hul!”

Numeri 14:6

Ar okoeko hoṛ do disạm cikʼyạ lạgitʼko senlen onko modren Nun hopon Josuạ ar Jephun hopon Kaleb do ạkinakʼ kicricʼkin oṛecʼkeda ar Israelren goṭa dolren hoṛkin metatʼkoa, “Okaṭakʼ disạm cikʼyạ lạgitʼle senlen ona do ạḍi napae disạm kana.