Genesis 43:9 - সান্তালী বাইবেল

⁹ Ińge uni lạgitʼ jạmin iń teṅgoyena. Uni lạgitʼ ińge dạyiń tahena. Am ṭhen baṅ ruạṛ ạgu daṛeae khan jaejug hạbicʼ am ṭhen dusi akaniń tahenma.

Genesis 43:9 Iomraidhean Croise

Genesis 31:39

Se, bir janwar hoteteko gocʼ ocoakan bhiḍi-merom hõ aben ṭhen do bạliń ạguletʼkoa. Menkhan ona reakʼ loksan do ạliń geliń ladeana. Abenren bhiḍi se merome kombṛolenre sińkan ar ńindạ kan aben do ạliń ṭhen khon khuti purun ben hatao akada.

Genesis 42:37

Unre Ruben do acʼ apate metadea, “Benjạmin am ṭhen bạń ạgu ruạṛ daṛeae khan ińren banar hopon gocʼkinme. Am do Benjạmin ińakʼ tire jimạyem, iń do arhõ am ṭheniń ạgu ruạṛkaea.”

Genesis 43:10

Ale nunạkʼ bale bilomle khan khạṭige nunạkʼ dinte babar dhao senkatele ruạṛ hecʼ daṛekokʼa.”

Genesis 9:5

Ar jãhãege apeko khũnpe enḍekhan iń do khạṭige apeakʼ mãyãm reakʼ iń hala ruạṛakoa, ona do janwarge cetʼ ar manwakoge cetʼ. Manwa jiwi okoeye hatao uniyakʼ hõ hataokʼtaea.

2 Samuel 14:9

Unre Tekoaren maejiu do raje metadea, “E ińren mạlik maharaj, dostetʼ do iń ar ińakʼ gharońj cetanrege paṛaokʼma. Raj ar uniyakʼ siṅghạson do miridosge tahenma.”

1 Rapajko 1:21

Ar baṅkhan ińren mạlik maharaj do tinre acʼren hapṛamko ṭhene senokʼa unre iń ar ińren hopon Solomon do dusi hoṛ menteko hudislińạ.”

Jobakʼ 17:3

“E Isor, okaṭakʼ jạminem khojkan ona do amge teṅgonme; iń ńutumte do okoeye jạminkokʼa?

Sereńko 119:122

Am do amren golamakʼ bhạlại reakʼ bhar hataome; ar bạḍạiko ṭhen do alom santao ocoyińạ.

Jeheskel 3:18

Iń do tinre mitʼṭecʼ dusṭạmi hoṛiń metaea, ‘khạṭige am dom gujukʼa,’ unre am do uni bam sontore, se uniyakʼ jiwi bańcaotae lạgitʼ bạṛicʼ hor khon ruạṛ hijukʼ lạgitʼ jãhãnakʼ bam metae, enḍekhan uniyakʼ gujukʼ lạgitʼ do amgeń dạyimea.

Jeheskel 3:20

“Arhõ, jãhãe dhorom hoṛ jodi acʼakʼ hor khon ruạṛkate bạṛicʼakʼe kạmi ar uni samaṅre mitʼṭecʼ muhin iń dohoy, enḍekhan uni doe gujukʼa. Ar uni bam sontorlede iạte uni do acʼakʼ kại iạteye gujukʼa. Ar okako dhorom reakʼ uniye kạmi akatʼ ona do ar baṅ disạkʼtaea; ar uniyakʼ gujukʼ lạgitʼ am do bạń dạyimea.

Jeheskel 33:6

Menkhan, uni pahradar do tarwaṛe hijukʼkan ńelkaterehõ hoṛko sontorko lạgitʼ sakwa bae oroṅ, ar tarwaṛe hecʼkate jãhãe mitʼ hoṛe capoṭe, enḍekhan acʼakʼ ghạṭ iạte uni doe capoṭ ocokʼa, menkhan uni pahradarakʼ ti khon uniyakʼ mãyãm reakʼ iń hala hạliya.

Jeheskel 33:8

Iń do tinre jãhãe bedhorom hoṛiń metae, ‘Eya bedhoromicʼ, am do khạṭigem gujukʼa,’ ar am do bạṛicʼ hor khon ạcur ruạṛokʼ lạgitʼ uni bam sontore, enḍekhan uni bedhorom hoṛ do acʼakʼ ghạṭ iạteye gujukʼa menkhan uniyakʼ gujukʼ lạgitʼ do amgeń dạyimea.

Luk 11:50

Ar nonkate, dhạrti sirjạu reakʼ ehopʼ khon tinạkʼgan nạbikoko gocʼ ocoakan, onkoakʼ mãyãm reakʼ dạyi do niạ piṛhiren hoṛko cetanrege paṛaokʼa.

Ibriko 7:22

Noa khon bon bujhạu daṛeakʼ kana je, Jisu do arhõ maraṅ mitʼṭecʼ bondobosren jạmine hoyakana.