Genesis 43:8 - সান্তালী বাইবেল

⁸ Unre Jihudạ do acʼ babae metadea, “Uni do ale sãote sen ocoaeme baṛe. Ale do usạrate senkatele ruạṛ hijukʼa jemon am ar ale aleren gidrạko jiwetʼko tahen ar alo bon gujukʼ.

Genesis 43:8 Iomraidhean Croise

Genesis 42:2

Uni do arhõe metatʼkoa, “Ańjompe, ińiń ańjomakada Misor disạmre jomakʼ menakʼa. Onate ape do onḍe senokʼpe ar abo lạgitʼ jomakʼ kiriń ạguipe jemon jiwetʼbon tahen ar alobon gujukʼ.”

Genesis 42:38

Menkhan Jakobe menkeda, “Baṅ, ińren nui hopon do ape sãote bae calakʼa. Uniren boehae gocʼ ocoakana, ar nui do ńitokʼ eskarge menaea. Apeakʼ calakʼ horre nuiyakʼ jãhãn muhin hoylen khan enḍekhan noa haṛam umerre ạḍi duk ńamkate patal puritepe ãṛgo calakʼ hoyokʼtińạ.”

Genesis 44:20

Unre hujurle metade tahẽkana, ‘aleren baba doe jiwetʼgea ar haṛam umerre uniren do mitʼṭen hopon menaetaea. Uniren boeha doe gocʼena, ar mitʼ gogoren hopon lekate ńitokʼ do uni eskarge menaea. Onate uniren baba do ạḍiye dulạṛedea.’

Genesis 44:26

Unrele menkeda, ‘aleren huḍińicʼ boeha ale sãotem sen ocoae khan ale dole senokʼa. Ar baṅkhan do bale calao daṛeakʼa. Aleren huḍińicʼ boeha ale sãote bae tahen enḍekhan ale do uni hoṛ samaṅre bale teṅgo daṛeakʼa.’

Genesis 45:19

Noa chaḍa am cetanre ińakʼ noa hukum tahẽyena, amren boehakom metakoa onko do akoren bạhuko ar kạṭicʼ gidrạko lạgitʼ Misor disạm khon gạḍiko idiyma, ar akoren apatko ạguyema.

Genesis 50:21

Onate ape do alope botorokʼa. Iń do ape ar aperen hopon ar hoponerako lạgitʼ jomakʼ iń jogaoapea.” Noako as reakʼ kathate uni do jiwi raṛecʼe ematʼkoa.

Genesis 50:8

Ona chaḍa Josephren ar acʼ babawakʼ gharońjren ar uniren boehako hõ uni sãoteko calaoena. Gosenre onko do eken akoren hopon ar hoponerako ar mĩhũ-meromko ar bhiḍikoko bạgi oṭowatʼkoa.

2 Rapajko 7:13

Uniren mitʼṭen gutiye menkeda, “Nagrahare tinạkʼ sadom sarecʼ menakʼko onko modkhon mõṛẽ goṭen sadomante adomko doko oḍokokʼma. Nonḍenko sanam Israelko leka onko do khạṭigeko gujukʼa, onate cetʼ hoyakana ona baḍae lạgitʼ onko bon kolkoa.”

2 Rapajko 7:4

Ar bon men nagrahate do babo calakʼa onḍe do akal hoyokʼkana arbo gujukʼa. Ar nonḍe tahenrehõ bon gujukʼa. Ona khon bickom dela, abon do Aramrenkoakʼ ḍerate senkate onkoakʼ tire bon soprotokʼa. Onko jiwetʼko dohole bon khan ma bogege arko gocʼ bon khan mabon gujukʼge.”

Esra 8:21

Iń do Ahawa soḍokʼ ṭhen upạs dohoy lạgitʼ iń lại jạhirkeda jemon ale do aleren Isor samaṅre apnartetʼle nindhạn daṛeakʼ ar aleren gidrạko ar aleakʼ sanam sompottikoante nirạitele sen ruạṛ daṛeakʼ.

Sereńko 118:17

Iń do bạń gujukʼa, jiwetʼgeń tahena, ar Probhu Isor okae kạmi akatʼ onań lại jạhira.

Exodus 20:12

“Amren gogo ar baba ganaokinme. Enḍekhan Probhu Isore emam disạmre ḍher din jiwetʼem tahena.

Numeri 14:31

Aperen okoeko hopon ar hoponerako recʼ ocokʼ reakʼ kathape menletʼ onkoge iń do ona disạmteń idikoa. Onkoge onepe nindạu akatʼ disạmko ạidạri joṅa.

Dosar Biboron 33:6

Ruben reaṅ Mose doe menkeda, “Ruben do jiwetʼ baṛeye tahenma, uniyakʼ gujukʼ do sạṅgińkakʼme; uniren hoṛkoakʼ lekha alo baṛe komaokʼma.”