Genesis 43:5 - সান্তালী বাইবেল

⁵ Ar uni bam sen ocoae khan alehõ bale calakʼa. Ente uni hoṛ doe metatʼle tahẽkana, ‘aperen boeha ape sãote bape ạgu lekhan apehõ iń samaṅre alope hijukʼa.’ ”

Genesis 43:5 Iomraidhean Croise

Genesis 42:15

Ape do noategepe biḍạu ocokʼa- aperen huḍiń utạricʼ boeha tin hạbicʼ nonḍe bae hijukʼ unhạbicʼ ape do nonḍe khon chaḍao bape ńama. In do pharao ńutumteń kiriạkʼkana.

Genesis 42:20

Ar apeakʼ katha sạrikana mente ona sạbud lạgitʼ aperen boeha iń ṭhen ạguyepe. Enḍekhan ape do gujukʼ khon rukhiyạpe ńama.” Ar onate onko doko rạjiyena.

Genesis 42:38

Menkhan Jakobe menkeda, “Baṅ, ińren nui hopon do ape sãote bae calakʼa. Uniren boehae gocʼ ocoakana, ar nui do ńitokʼ eskarge menaea. Apeakʼ calakʼ horre nuiyakʼ jãhãn muhin hoylen khan enḍekhan noa haṛam umerre ạḍi duk ńamkate patal puritepe ãṛgo calakʼ hoyokʼtińạ.”

Genesis 43:3

Unre Jihudạ do uniye metadea, “Menkhan uni hoṛ do kajakteye menakatʼlea, ‘aperen boeha ape sãote bape ạgule khan iń samaṅre alope hijukʼa.’

Genesis 43:4

Aleren boeha ale sãotem sen ocoae khan enḍekhan ale do arhõ senkate anajle kiriń ạguiya.

Genesis 43:6

Unre Israele menkeda, “Iń sãote nonka bạṛicʼ do cedakʼpe beoharkeda? Aperen armitʼṭen boeha menae ona do cedakʼpe lạikeda?”

Genesis 44:23

Menkhan am do amren golamkom metatʼle tahẽkana, ‘huḍiń utạricʼ boeha soṅgete bape ạgu darale khan iń samaṅre ar alope hijukʼa.’

Genesis 44:25

“Tayomte aleren babae menkeda, ‘ruạṛ senkate abo lạgitʼ arhõ thoṛa anaj kiriń ạguiype.’

Genesis 44:26

Unrele menkeda, ‘aleren huḍińicʼ boeha ale sãotem sen ocoae khan ale dole senokʼa. Ar baṅkhan do bale calao daṛeakʼa. Aleren huḍińicʼ boeha ale sãote bae tahen enḍekhan ale do uni hoṛ samaṅre bale teṅgo daṛeakʼa.’

Exodus 20:12

“Amren gogo ar baba ganaokinme. Enḍekhan Probhu Isore emam disạmre ḍher din jiwetʼem tahena.