Genesis 43:34 - সান্তালী বাইবেল

³⁴ Joseph do acʼakʼ ṭebil khon thoṛa jomakʼ boehako emako lạgitʼe kolkeda. Ar eṭakʼ boehako khon Benjạmin do mõṛẽ doboṛ bạ̃ṛtiye emocoyena. Nonkate onko do Joseph sãoteko jom ńũkeda. Arko jom-ńũketʼte uni tulucʼko rạskạyena.

Genesis 43:34 Iomraidhean Croise

Genesis 35:24

Ar Rahelakʼ kukhire do Joseph ar Benjạmin tạkinkin janamlena.

Genesis 45:22

Ar sanamkoge hoṛo hoṛo kicricʼe ematʼkoa, menkhan Benjạmin do mõrẽ goṭecʼ kicricʼ ar pesae rupại emadea.

2 Samuel 11:8

Ona tayom uni do Uriại metadea, “Amakʼ oṛakʼte senkate ti jaṅga ạbukokʼte jirạukʼme.” Uriạ do raj oṛakʼ khone oḍokena ar raj do uni lạgitʼ thoṛa sandese kolkeda.

Kạhtukko 31:6

Gujukʼ lạgidokʼko do bubulakʼ emakope. Ar darkha rasa do jiwire dukokʼkankoge;

Sosolhayic̕ 10:19

Bhoj daka do rạskạ ocome lạgitʼ; darkha rasa do jiwi hulạs ocoy lạgitʼ; ar ṭaka-poesa do sanamakʼe jogaoa.

Sosolhayic̕ 9:7

Onate am do senkate rạskạte jomme ar sukte darkha rasa ńũ joṅme, ente Isor do amakʼ niạko kạmi reakʼ laha khongeye kusi ạgu akawada.

Soros sereń 5:1

E dulạṛiạ, E bạhutiń, iń do ińakʼ bagwanreń bolo akana; ińakʼ gondhoros iń sitʼetʼkana ińakʼ mahkaokʼ salakʼ. Iń do chatań jometʼtińạ ińakʼ dumur rasa tulucʼ, ar ińakʼ darkha rasań ńũiyetʼtińạ toa tulucʼ. Jompe, E gateko ar ńũ joṅpe, dulạṛte ńũ bikʼpe E dulạṛiạko. Dulạṛiạwakʼ katha: (Kuṛi)

Habakkuk 1:6

Iń do Babelrenkoń sapṛaoetʼkoa; onko do kurmutạha jạtren kanako, onko do eṭakʼkoakʼ disạm hatjoṅ lạgitʼ dhạrti reakʼ sanam ṭhạ̃iteko calakʼkana.

Mathae 11:19

Ar Manwa Hopon do hecʼkateye jom-ńũiyetʼte hoṛkoko meneda, ‘hạni ńelepe, mitʼṭen lebṛa ar darkha rasa hoṅgoricʼ, mạsul uṭhạuko ar bạṛicʼ hoṛkoren gate.’ Menkhan ạkil je khạṭige ona reakʼ porman do acʼakʼ kạmikorege menakʼa.”

Johan 2:10

“Sanam hoṛge pạhilre do bhage darkha rasako calao maṛaṅa. Ar ona tayomko ńũ bhagaolen khan lahatenakʼ khon thoṛa kom bhageakʼko emakoa. Menkhan am do ńit hạbicʼ bhageakʼ darkha rasagem dohoakada.

1 Samuel 1:5

Menkhan Hanna do bar hạṭińe emaekan tahẽkana, ente uni do bạ̃ṛtiye dulạṛede tahẽkana. Menkhan Probhu Isor do Hannaye bạńhi ocoakade tahẽkana.