Genesis 43:18 - সান্তালী বাইবেল

¹⁸ Ado Josephakʼ oṛakʼteko idi ocokʼkana menteko ńelketʼ khan onko do botorte roroṛko ehopʼena, “Laha dhao aboakʼ bostare oka ṭaka senlen ona lạgitʼge nonḍe bon ạgu ocoakana. Niạ dhao do aboakʼ doskoe udukʼ abonteye sapʼ idibona, ar aboren gadhakoe recʼ bona ar golame khaṭao bona.”

Genesis 43:18 Iomraidhean Croise

Genesis 42:21

Ona tayom onko do ako akoreko mepenena, “Sạrige aboren uni boeha cetanre oka bon cekaletʼ onate abo dobon dusigea. Uni do abo ṭhene nehõrlena ar uniyakʼ mon reakʼ kosṭo ńeltehõ unre babo dayalena. Onatege noa kosṭo do abore hecʼpaṛao akana.”

Genesis 42:27

Ado jirạukʼ reakʼ jaegareko seṭeren khan onko modren mitʼhoṛ do gadhako jomakʼ emako lạgitʼ acʼakʼ bostae raṛaketʼ khan uni do ṭakae ńel ńamkeda. Ente ṭaka do bosta mocarege tahẽkana.

Genesis 42:28

Unre uni do acʼren boehakoe metatʼkoa, “Ma ńelpe, ińakʼ ṭaka do em ruạṛ akana. Ińakʼ ṭaka do bostarege menakʼa.” Noa ńelte onko do botorteko keklesetʼena. Onko do thar tharaokʼ tulucʼ apan ạpinko beṅgetʼ baṛawana arko menkeda, “Isor abo cetanre noa do cetʼe cekakeda?”

Genesis 42:35

Inạ tayom akoakʼ bostako khạliketʼtako khan hahaṛa tulucʼko ńelkeda onko jotokoakʼ ṭaka do bostarege menakʼa. Noa ńelte onko do botor caṛhaoatʼkoa ar onkoren apat hõ.

Genesis 43:17

Joseph okae menketʼ onkage uni todaroticʼ doe kạmikeda. Uni do Josephakʼ oṛakʼteye aderketʼkoa.

Genesis 43:19

Onate onko do Josephakʼ oṛakʼ reakʼ duạr samaṅreko hecʼen khan ńel todaroticʼko metadea,

Genesis 44:8

Ńelme, calaoen dhao aleakʼ bostare oka ṭakale ńamletʼ ona do arhõ Kanan khonle ạgu ruạṛakada. Inạ tayom amren kisạ̃ṛakʼ oṛakʼ khon rupạ se sona do cedakʼle kombṛo idiya?

Jobakʼ 15:21

Uniyakʼ luturre do torasge bajaokʼkana; ar jotowakʼge mońjge calakʼkana mente tireye hudisa unre luluṭko do uni cetanre jhãpko ema.

Jobakʼ 30:14

Onko do osar dhasaoakʼ bhit talate daraeko kanako; ar dhaṅ dhaserakʼ talate lad ladko hijukʼkana.

Sereńko 53:5

Amre jhãp emokʼkankoakʼ jaṅ do uniye gejertakoa; onko do lahate botor baṅ tahẽkantakore hõ, enhõ ńitokʼ do ạḍi bạṛicʼko botorena; Isor do onkoe bad giḍikatʼkoa, onate onko do lajaorem paṛao ocoakatʼkoa.

Sereńko 73:16

Iń do noako babotre bujhạu reakʼ tinreń kurumuṭukeda unre ińakʼ mon do ona kosṭo emokʼe ehopʼena;

Jesaea 7:2

Unre Dạud bõsren hoṛko men ocoyena, “Aramren lạṛhại phạdko do gate lekate Ephrayimreko ḍera akana.” Niạ katha ańjomkate Ahas ar uniren hoṛkoakʼ mon do botorte hoete bir reakʼ dareko leka dalmalaoentakoa.

Daniel 6:4

Onate onko raj-ạkʼyurko ar onko disạm cakʼlaoko do sorkari kạmi babotre Danielakʼ dos ńam baṛaeko ehopʼena, menkhan bako daṛeada. Unire onko do jãhãn dosge bako ńam daṛeada, ente uni do pạtiạrgeye tahẽkana, jãhãn dos se bhul do unire baṅ tahẽkana.

Mark 6:16

Noako katha ańjomkate Herode menkeda, “Uni doe Johan kana, one okoeyakʼ bohokʼ iń makʼ ńur ocoletʼtae. Uni do arhõe jiwetʼ ruạṛ akana.”

Romiko lạgitʼ Pạul Apostolakʼ ciṭhi 7:8

Menkhan kại do hukum reakʼ ạte ńamketʼte ińre joto lekan laloce omon ocokeda, ente ạnko baṅ tahẽlen khan kại do gocʼge tahẽkokʼa.

Dosar Biboron 22:17

ar ńitokʼ do bodname pasnaoetʼtaea, baṅma kũạritetʼ reakʼ proman unire bae ńamleda. Menkhan nõkʼõe ńelpe ińren hoponerańakʼ kũạri reakʼ porman.’ Ar noa menkate uni do murubbiko samaṅre uniye beoharletʼ reakʼ kicricʼe ḍhala.

Bikʼcạrko 13:22

Unre Manoho ar uniren bạhuttetʼkin menkeda, “Alaṅ do Isorlaṅ ńelkedea, ar khạṭige laṅ gujukʼa.”

Bikʼcạrko 14:4

Uniren eṅgat apat do Probhu Isor khonge hoyakan ona do bạkin bujhạu daṛeada, ente uni do Philisṭiko upạrte lạṛhại lạgitʼ mitʼṭecʼ ạte ńam baṛayetʼ tahẽkana. Onako dinre Philisṭiko do Israelko cetanre mạlikiko calaoetʼ tahẽkana.