Genesis 42:9 - সান্তালী বাইবেল

⁹ Unre uni do onko reaṅe kukmũletʼ reakʼ katha disạ hecʼadea. Uni do onkoe metatʼkoa, “Ape dope disạm cikʼyạ hoṛ kanape. Aleakʼ disạm reakʼ okako jaegare rurukhiyạ reakʼ bebosta bạnukʼ onako ńel lạgitʼgepe hecʼakana.”

Genesis 42:9 Iomraidhean Croise

Genesis 37:11

Niạ tayom Joseph iạte acʼren boehako do hiskạte mon perecʼentakoa, menkhan uniren apat do noako katha monreye rebetʼ dohokada, ar okoehõ bae lạiyatʼkoa.

Genesis 42:16

Aperen huḍiń utạricʼ boeha ạguye lạgitʼ ape modren mitʼhoṛ kolkaepe, ar sarecʼko do jotoge bondi akanpe tahẽ hataṛokʼa. Ar apeakʼ katha sạri kana se baṅa ona sạbudokʼa. Menkhan uni nonḍe bape ạguye enḍekhan Pharao ńutumteń kiriạkʼkana ape do disạm cikʼyạ hoṛ kangeape.”

Genesis 42:34

ar aperen huḍiń utạricʼ boeha iń ṭhen ạguiyepe. Enḍekhan iń bujhạu daṛeakʼa, disạm cikʼyạko dope baṅkana menkhan bhage hoṛ kanape. Unre aperen boeha do ape ṭheniń ruạṛkaea, ar noa disạmrepe bạnij bepar daṛeakʼa.’ ”

2 Samuel 10:3

Menkhan Amonren mukhiyạko do akoren kisạ̃ṛ Hanunko metadea, “Am do cetʼ noam hudiseda, Dạud do ạpume manotede tahẽkante jiwi raṛejtam lạgitʼ hoṛe kolakatʼkoa? Uni disạm ciyại lạgitʼe kolakatʼkoa jemon nagraha reakʼ khoj khoborko hatao daṛeakʼte tayomte onako marao daṛeakʼ.”

Exodus 32:35

Arone benao akade mĩhũ iạte hoṛko okako cekaketʼ onate Probhu Isor do onko cetanre maraṅ okocʼ muhine kolkeda.

Numeri 13:2

“Israelko okaṭakʼ disạm emakoń menetʼkan ona Kanan disạm cikʼyạ ạgui lạgitʼ am do gelbar gusṭirenko khon mitʼ hoṛkate mukhiyạko kolkom.”

Luk 20:20

Sostor baḍaeko ar maraṅ naekeko do Jisu akoakʼ nojorreko dohokedea ar guptocorko kolketʼkoa. Onko guptocor do Jisu acʼakʼ kathate jhạliye lạgitʼ dhorom hoṛ leka udugokʼko ehopʼena, jemon onko do disạm cakʼlaoyicʼ gobolreko soprot daṛeae.

Ibriko 11:31

Biswạs iạtege Rahab kusmbi do Jerikho nagrahareko tahẽkan bebatao hoṛko sãote bae nosṭolena, ente uni do unkin disạm ciyạkin peṛa lekae ataṅ aderletʼkinạ.

Josuạ 2:1

Nunren hopon Josuạ do Siṭim khon barea disạm cikʼyạkin niạ katha menkate oko okoteye kolkatʼkinạ, “Aben do ona disạmte senkate Jerikho nagraha mońjteben ciyạ ạguiya.” Ar unkin do inạ katha ańjomkate Jerikho nagrahatekin calaoena. Ar onḍe do Rahab ńutuman mitʼṭen kusumbiyakʼ oṛakʼre senkate kin tahẽyena.

Josuạ 6:23

Niạ katha ańjomkate unkin disạm cikʼyạkin juạn hoṛ do Rahabakʼ oṛakʼte bolokate uni ar uniren go-baba, boehako ar oṛakʼren hoṛkokin oḍok ạguketʼkoa. Onko do Rahabakʼ gharońjren sanamkoko oḍok ạguketʼkote Israelkoakʼ ḍera bahrereko tahẽ ocoatʼkoa.

Bikʼcạrko 1:24

Onko hoṛ do nagraha khon mitʼ hoṛ oḍok hijukʼkanko ńelkede khan uniko kulikedea, “Nagraha bolokʼ hor udukʼaleme, ale do amakʼ jãhãnakʼ bale lokshan tama.”

1 Samuel 26:4

Onate uni do hoṛe kolketʼkoa ar sạrigeye baḍaekeda, Sạul do acʼ sendra lạgitʼe hecʼakana.