Genesis 42:21 - সান্তালী বাইবেল

²¹ Ona tayom onko do ako akoreko mepenena, “Sạrige aboren uni boeha cetanre oka bon cekaletʼ onate abo dobon dusigea. Uni do abo ṭhene nehõrlena ar uniyakʼ mon reakʼ kosṭo ńeltehõ unre babo dayalena. Onatege noa kosṭo do abore hecʼpaṛao akana.”

Genesis 42:21 Iomraidhean Croise

Genesis 41:9

Unre Pharaoren darkha rasa dudulicʼe menkeda, “Maharaj, teheń ińakʼ mitʼṭecʼ dusi reakʼ katha disạ hecʼạdińa.

Genesis 44:16

Jihudại menkeda, “Hujur cetʼle mena? Ar cetʼ baṅle roṛ ruạṛam? Ar cekate baṅ bin dusi mentele sạbudokʼ? Amren golamkoakʼ dos ma Isorge coṅe udukʼ akatʼ. Okoe ṭhen ona bạṭi ńamakan uni ar ale sanamkoge Hujurren golamle hoyena.”

Genesis 45:3

Joseph do acʼren boehakoe metatʼkoa, “Iń doń Joseph kana! Iń baba do cetʼ ńitʼhõ jiwetʼ menaegea?” Noa katha ańjomkate boehataeko do botorte thar tharaokʼko ehopʼena; onko do cetʼge bako roṛ ruạṛadea.

Genesis 50:15

Babae gocʼen khan Josephren boehako do ako akoreko mepenena, “Josephre oka bon cekaletʼ ar ona reakʼe hala ruạṛ abon khan unre cetʼ bon cekaea?”

2 Samuel 12:13

Unre Dạud do Nathane metadea, “Iń do Probhu Isor upạrteń kại akada.” Nathane roṛ ruạṛadea, “Probhu Isor do amakʼ kạiye ikạ akatʼtama; am do bam gujukʼa.

1 Rapajko 17:18

Maejiu do unre Eliại metadea, “E Isorren hoṛ, iń do cetʼ iń khuti akatʼtama? Am do cetʼ ińakʼ kại reakʼ katham disạ ocoyińte ińren hopon goje lạgitʼem hecʼakana?”

Kạhtukko 21:13

Okoe hoṛ reṅgecʼkoakʼ rakʼjoṅre luture tubetʼetʼtae, Uni do tinre acʼe rakʼ homora unre okoe hõ bako luturataea.

Kạhtukko 28:17

Okoe hoṛ khũnkate bạṛicʼ cintạreye paṛao akan uni do ạuriye gujukʼ hạbicʼe ńir baṛaea; ar okoehõ aloko goṛowaema.

Jirimiạ 2:17

Amren Probhu Isor do ṭhik horteye idiyetʼme tahẽkanre unim bạgiyadete amtege cetʼ noako do bam ạgu akawana?

Jirimiạ 2:19

Am do amakʼ bạṛicʼakʼgeye sạjạimea; ar bạṛicʼ hortem calao akante uni do ame dusimea. Enḍekhan baḍaekakʼme ar hudiskate ńelme, amren Probhu Isorem bạgi giḍiyae ar uni bam botorae ona do am lạgitʼ tinạkʼ bạṛicʼakʼ ar haṛhatʼakʼge hoyokʼa. Noa katha do iń phạdkoren Probhu Isorgeń meneda.

Jirimiạ 34:17

“Ona iạtegeń meneda, ape do bape bataoletʼtińạ, ente aperen jạt bhạiko lạgitʼ ape do chaḍao reakʼ bape lại jạhirleda. Ona iạte ńitokʼ iń do ape lạgitʼ chaḍaokʼ reakʼ iń lại sodoreda; ona chaḍaokʼ do hoyokʼ kana lạṛhại, akal ar mahamạrige. Iń do nonka dosań hoyocoe tapea ona ńelte dhạrtiren sanam rajosṭiren hoṛ do botorteko thar tharaokʼa.

Jirimiạ 4:18

Amakʼ colon ar amakʼ sanam kạmiko iạtege noako do am upạrteko hecʼakana. Noa do amakʼ dusṭami reakʼ sạjạikana. Noa do ạḍitetʼ haṛhatʼgea; noa do amakʼ ontorre bitʼ akana.”

Hosea 5:15

Ar tin hạbicʼ onko do akoakʼ dos bako aṅgoc ar iń secʼ bako moneyakʼ unhạbicʼ iń do ińakʼ jaegate ruạṛ senkate onḍeń tahena. Onkoakʼ duk kosṭore onko do gagoj salakʼ iń ṭhenko ruạṛ hijukʼa.”

Numeri 32:23

Menkhan bape onkae enḍekhan ape do Probhu Isor upạrtepe kạiya. Ar noa baḍaekakʼpe, ona iạte apeakʼ kại khon rehae do bape ńama.

Mathae 7:2

ente cetʼleka eṭakʼkoakʼ doskope saba onkage apeakʼ dosko hõ sabokʼtapea, ar cetʼlekape soṅakoa onkage ape lạgitʼ hõ soṅokʼa.

Mark 9:48

Ona norokre gocʼ hoṛkoakʼ jel jojom tejo do tishõ bako gujukʼa, ar onḍenakʼ seṅgel hõ baṅge ĩṛĩjokʼa.

Luk 16:28

jemon ińren mõṛẽ goṭen boehakoe sontor daṛeako; ar baṅ khan onko hõ noa sasetokʼ jaegareko hijukʼa.’

Aposkạmi 19:18

Ar okoe do Probhu Jisureko pạtiạu akan tahẽkan nonka ḍher hoṛge hecʼkate akoakʼ bạṛicʼ kạmi reaṅ sodorteko aṅgockeda.

Jakob 2:13

ente okoe bae daya akan, bicạrre uni hõ daya do bae ńama. Bicạr cetanre daya doe jitạukʼa.

1 Johan 1:9

Abo do aboakʼ kạiko bon aṅgocle khan, enḍekhan uni do unrege aboakʼ kạikoe ikại tabona ar sanam bedhorom khone sapha bona, ente uni doe pạtiạrgea ar tis hõ bae bedhoroma.

Bikʼcạrko 1:7

Onate Adoni-Beseke menkeda, “Iń do eaegel rapajkoakʼ ti ar jaṅga reakʼ buḍhạ kạṭupʼ iń samakʼ kuṭrạletʼtakoa. Onko do ińakʼ ṭebil latar reakʼ ạiṭhạwakʼko halaṅ jometʼ tahẽkana. Onko cetanre okań cekaletʼ Isor hõ iń cetanre onkageye kạmi akada.” Ar Adoni-Besek do Jerusalemteko idikede khan onḍeye gocʼena.