Genesis 42:13 - সান্তালী বাইবেল

¹³ Menkhan onkoko menkeda, “Amren golamko do jotote gelbar boehako kanale. Ale do Kanan disạmren mitʼhoṛ ren hopon kangeale. Aleren huḍiń utạricʼ boeha do ńitokʼ aleren baba ṭhen menaea, ar aleren armitʼ boeha do jiwetʼ bạnuitalea.”

Genesis 42:13 Iomraidhean Croise

Genesis 42:11

Ale do jotoge mitʼ babaren hopon kanale. Kharap hoṛ dole baṅkana. Ale amren golam do disạm cikʼyạ hoṛ dole baṅkana.”

Genesis 42:12

Unre Joseph do arhõe metatʼkoa, “Aleakʼ disạmre oka jaegakore rurukhiyạ reakʼ bebosta bạnukʼ, ona ńel lạgitʼgepe hecʼakana.”

Genesis 42:14

Joseph do onkoe metatʼkoa, “Ape reaṅ okań menetʼ onage ṭhika, ape do disạm cikʼyạ hoṛ kangeape.

Genesis 42:32

Ale dole gelbar boehawa, ar mitʼ babaren hoponko kanale. Ale modre mitʼṭen doe gocʼentalea, ar jotoko khon huḍińicʼ do ńitokʼ Kanan disạmre aleren baba ṭhen menaea.’

Genesis 42:36

Uni do onkoe metatʼkoa, “Ape dope nirbõskedińa. Joseph hõ bạnuiya, Simeon hõ bạnuiya, ar ńitokʼ ape do Benjạmin hõ idiyepe meneda. Noako kosṭo reakʼ bojha do ińge gogokʼ hoyokʼtińạ.”

Genesis 42:38

Menkhan Jakobe menkeda, “Baṅ, ińren nui hopon do ape sãote bae calakʼa. Uniren boehae gocʼ ocoakana, ar nui do ńitokʼ eskarge menaea. Apeakʼ calakʼ horre nuiyakʼ jãhãn muhin hoylen khan enḍekhan noa haṛam umerre ạḍi duk ńamkate patal puritepe ãṛgo calakʼ hoyokʼtińạ.”

Genesis 43:29

Joseph do beṛhaete beṅgetʼkate acʼren boeha Benjạmine ńelkedeteye menkeda, “Nui do cetʼ aperen huḍiń utạricʼ boeha kanae one okoe reakʼ kathape metadiń tahẽkan?” Ona tayom uni do Benjạmine metadea, “Isore dayawam ma!”

Genesis 43:7

Onkoko menkeda, “Menkhan uni hoṛ do abo ar aboakʼ gharońj reaṅ ạḍiye kuliketʼlea, ‘Aperen baba do cetʼ ńitʼhõ jiwetʼ menaegea? Aperen do cetʼ arhõ boeha menakʼkotapea?’ Onatege ale do unile roṛ ruạṛade tahẽkana. Unre ale do cekatele baḍaea, uniye metalea, ‘aperen boeha ạguyepe’?”

Genesis 44:20

Unre hujurle metade tahẽkana, ‘aleren baba doe jiwetʼgea ar haṛam umerre uniren do mitʼṭen hopon menaetaea. Uniren boeha doe gocʼena, ar mitʼ gogoren hopon lekate ńitokʼ do uni eskarge menaea. Onate uniren baba do ạḍiye dulạṛedea.’

Genesis 44:28

Mitʼ dhao unkin modre mitʼ hoṛ do iń samaṅ khone oḍok calaoena, ar mucạtʼreń baḍaekeda, uni do kaṭaha janwarko khanḍa khunḍikedea. Ona tayom khon uni do ar bạń ńel ńamledea.

Jirimiạ 31:15

Probhu Isore meneda, “Ramare ãṭ aṛaṅte rakʼjoṅ ar hae haeyokʼge ańjomokʼkana; Rahel do acʼren gidrạko lạgitʼe rakʼeda, cetʼte hõ jiwi do baṅ raṛejokʼ kantaea, ente onko do ar bạnukʼkotaea.

Rak̕joṅ 5:7

Aleren hapṛamko doko kạileda; onko do ńitokʼ ar bạnukʼkoa, menkhan ale do onkoakʼ ghạṭkole gokʼbaṛayeda.

Mathae 2:16

Herod do gonok ponḍetkoko eṛekedea menteye baḍaeketʼ khan ạḍi ãṭe raṅgaoena. Ar onko ṭhen khone baḍaeletʼ tahẽkan okte reakʼ hisạb lekate bar bochor ar ona khon latar umerren tinạkʼ koṛa gidrạ Betlehem ar ona aḍepase jaegakoreko tahẽkan onko joto gocʼko lạgitʼe hukumkeda.

Mathae 2:18

“Ramare ãṭ aṛaṅte rakʼjoṅ ar hae hae ańjomokʼkana; Rahel do acʼren gidrạko lạgitʼe rakʼeda, ar cetʼte hõ jiwi do baṅ raṛejokʼ kantaea, ente onko do ar bạnukʼkotaea.”