Genesis 41:8 - সান্তালী বাইবেল

⁸ Menkhan setakʼ secʼ uniyakʼ mon do khad badaoentaea. Uni do hoṛ kolkate Misor disạmren sanam gonokko ar muhnidarko ar gunidarkoe hoho ạgu ocoketʼkoa. Ar okaṭakʼ kukmũe ńelakatʼ onae lạiyatʼkoa, menkhan celege ona reakʼ bhed do bako lại daṛeada.

Genesis 41:8 Iomraidhean Croise

Genesis 40:6

Setakʼ jokhecʼ Joseph do unkin ṭhene calaoen khan uni do mirluṅgeye ńelketʼkinạ.

Genesis 40:8

Unkin dokin roṛ ruạṛadea, “Ạliń bana hoṛge mimitʼ goṭecʼ liń kukmũ akada, menkhan ona reakʼ bhede lạiyạliń nonkan celege nonḍe do bạnukʼkoa.” Joseph doe metatʼkinạ, “Ona kukmũ reakʼ bhed lại daṛeaben reakʼ ektiạri do cetʼ Isorakʼ tire bạnukʼa? Oka kukmũ ben ńelakatʼ ona baṛe lạiyạń ben.”

Genesis 41:15

Unre Pharao do Josephe metadea, “Iń do mitʼṭecʼ kukmũń ńel akada, menkhan okoe hõ ona reakʼ mane do bako lại daṛe ạdińa. Ińiń ańjom akada, kukmũ reakʼ katha lạiyam khan am do ona reakʼ manetetʼem lại daṛeakʼa.”

Genesis 41:24

Ar eae goṭecʼ copa copa gele do ona danawanakʼ gelekoe utʼkeda. Iń do noako katha gonokkoń lạiyatʼkoa, menkhan celege noa reakʼ mane do bako lại daṛeạdińa.”

Genesis 41:7

Ona copa copa geleko do ona eae goṭecʼ danawanakʼ gelekoe utʼgotʼkada. Ar ona tayom Pharao doe ebhenena. Uni doe bujhạukeda, okaṭakʼe ńelketʼ ona do eken kukmũ kana mente.

Sereńko 25:14

Probhu Isor okoeko botorae kan onko ṭhenge uni do acʼakʼ monsubại sodortaea, ar acʼe dohoakatʼ bondobose baḍae ocokoa.

Exodus 7:11

Pharao do ạkilan gunidarkoe hoho ạgu ocoketʼkoa. Ar onko hõ akoakʼ jạdu reakʼ jorte onkageko kạmikeda.

Exodus 7:22

Unre Misorren gonokko hõ akoakʼ jạdukote ona lekageko udukʼkeda. Onate Pharaoakʼ mon do arhõ keṭecʼentaea. Ar Probhu Isor okae menletʼ onkage hoyena; Mose ar Aronakʼ katha Pharao do bae ańjomleda,

Exodus 8:7

Ar gonokko hõ akoakʼ jạdu reakʼ jorte onkageko udukʼkeda. Onko hõ Misor disạmre roṭeko ạguketʼkoa.

Exodus 9:11

Gonokko do Mose samaṅre ar bako teṅgo daṛeada, ente onko hõ eṭakʼ Misri hoṛko leka ojo rakapʼatʼkoa.

Jesaea 19:3

Misorrenko doko hae nisạsokʼa, ar iń do onkoakʼ goṭawakʼko bạń jo baha ocoytakoa. Ente onko do boṅga murhutʼko ar gocʼ hoṛ ḍakʼkaoko, ar jan guruko ṭhen khon solhako hataoeda.

Jesaea 29:14

Onate iń do arhõ hahaṛawakʼ kạmikote noko hoṛ doń ṭhak utạrkoa; onate ạkilankoakʼ ạkil do maraokʼtakoa ar budankoakʼ bud hõ danaṅokʼa.”

Jesaea 8:19

Hoṛko do tinre onko ṭhen calakʼko metapea one okoe do gocʼ hoṛko ar bạṛicʼ jiuko sãote helmelko dohoyetʼ arko biṛ biṛetʼkan, unre ape do cetʼ Isor ṭhen calakʼ lek baṅkantapea? Okoe jiwetʼ menakʼko onkoren hoykate cedakʼ gocʼko sãote sopolha lạgitʼ dope calakʼa?

Daniel 1:20

Ạkil ar bud ar jotowakʼ kathakore raj do onko kuliketʼkoteye bujhạu daṛeada, onko do acʼakʼ goṭa rajosṭiren sanam gukʼniko ar ojhako khon hõ gel doboṛko sorosgea.

Daniel 4:18

“Noa kukmũge iń Nebukadnesar raj doń kukmũkeda. Ńitokʼ do E Beltesasar, ma lạiyạńme noa reakʼ mane do cetʼkana? Ińakʼ rajren okoe ạkilanko hõ noa reakʼ mane do bako lại daṛeadińa; menkhan am dom daṛeakʼa, ente amre sonot nonkanakʼ menakʼa one ona do niạ dhạrti reakʼ baṅkan.”

Daniel 4:19

Unre Daniel, metakʼme Beltesasar do kukmũ reakʼ katha hudiskateye botorena ar thoṛa okte lạgitʼe asbasoena. Onate raj doe menkeda, “E Beltesasar, kukmũ se ona reakʼ bhed do alo baṛeye cintạ ocomema.” Beltesasar doe roṛ ruạṛkeda, “E maharaj, niạ kukmũ ar niạ reakʼ bhed do amren bạiriko cetanre baṛe paṛaokʼma.”

Daniel 4:5

Ar tinre ińakʼ aṭetʼreń giticʼ akan tahẽkana unre mitʼṭecʼ kukmũ ńelteń botorena; kukmũte okakoń ńelketʼ ona do ińakʼ monre botore caṛhaoạdińa.

Daniel 4:6

Ona iạte ińakʼ kukmũ reakʼ bhed bhaṅgao lạgitʼ iń do Babelren sanam ạkilanko iń samaṅre ạguko lạgitʼ iń hukumkeda.

Daniel 4:7

Khan gunidarko, muhnidarko, kạldiko ar gonokko iń ṭhenko hecʼen khan onko ṭhen kukmũ reakʼ iń lạikeda, menkhan onko do ona reakʼ bhed bako bhaṅgao daṛeadeńa.

Daniel 5:11

Amakʼ rajosṭi talare nonkan mitʼ hoṛ menaea ar unire nonkan sonotakʼ menakʼa oka do noa dhạrti reakʼ baṅkan. Am baba bidạlre marsal ar bud ar ạkil, debotako reakʼ ạkil lekanakʼge unire ńamokʼkan tahẽkana. Ar am baba Nebukadnesar maharaj do gonokko, muhnidarko, Kạldiko ar sạkʼgunkoren mukhiyạ menkateye bahalledea.

Daniel 7:28

“Nonḍege ona kukmũ reakʼ mucạtʼtetʼ do. Iń Daniel do ińakʼ noako hudis iạte nunạkʼ botoriń ạikạukeda je, ińakʼ mẽtʼãhã do keklesetʼentińa, menkhan kukmũ reakʼ bisoe do monreń rebetʼ dohokada, okoe hõ bạń lạiyatʼkoa.”

Daniel 8:27

Iń Daniel doń laṅgayena ariń ruạyente thoṛa din giticʼ iń tahẽyena. Ona tayomiń beretʼena ar rajakʼ kạmi lạgitʼ iń senena. Iń do ona dorson ńelkate ạḍiń cintạyena, ente ona dorson reakʼ mane do bạń bujhạuleda.

Levitikus 19:31

“Okoe gocʼ hoṛkoe ḍakaoko uni ṭhen do alope calakʼa, ente uni do apeye bhõnḍpea. Iń kangeạń aperen Probhu Isor do.

Levitikus 20:6

“Okoe hoṛ ińre pạtiạu doho baṅkate bhutko tulucʼ se bạṛicʼ jiuko tulucʼ jopoṛao menakʼtae nonkan hoṛko ṭhene ạkhrińokʼ enḍekhan uni do mẽtʼ ar mẽtʼteń ńeleya ar uniyakʼ jạtrenko khoniń meṭao giḍikaea.

Habakkuk 3:16

Ona ańjomkate iń do botorokʼ iń ehopʼena, ińakʼ luṭikin hõ thar tharaoentinạ; iń doń nijor idiyena ar ińakʼ jaṅgakin do lakaṛ lukuṛokʼ ehopʼena. Enhõ iń do ona din lạgitʼ jiwi hataṛkate koyokʼ hor akaegeń tahena one oka hilokʼ ale khekhedko do muhinreko paṛaokʼ.

Mathae 2:1

Jihudạ disạm reakʼ Betlehem atore Jisuakʼ janam do hoylena. Unre Herod do raje tahẽkana. Ar purub disạmren gonok ponḍetko do Jerusalemte hecʼkateko menkeda,

Aposkạmi 17:18

Unre Epikuri ar Stoik ponḍitko modren adomko do Pạul tulucʼ reṭepeṭekʼko ehopʼena. Onko modren adomkoko menkeda, “Nui galbạjạriạ do cetʼe menetʼkana?” Arhõ eṭakʼko doko menkeda, “Uni do pasecʼ ạnạ̃ṛi boṅgako reakʼ kathae porcareda.” Onko do noa iạtegeko menkeda, ente Pạul do Jisu reaṅ ar gocʼko khon jewetʼ beredokʼ reaṅe porcarako kan tahẽkana.

Aposkạmi 7:22

Mose do Misorrenkoakʼ sanamakʼ akelte akelanicʼe hoyena, ar acʼakʼ katha ar kạmikote uni do daṛeanicʼe tahẽkana.

1 Korinthiko 1:19

Ente sostorre olakana, “Iń do ạkilankoakʼ ạkiliń maraotakoa, ar budankoakʼ bujiń ạuṛiyakʼ ocoytakoa.”

1 Samuel 6:2

Tayomte Philisṭiren disạm cakʼlaoko do naekeko ar gonokko hohoatʼkote onko ṭhenko kuliyana, “Probhu Isorakʼ sinduk do bon cekaea? Ado ma lạiyalepe, ona do oka lekate acʼakʼ jaegarele kol ruạṛkakʼa?”