Genesis 41:51 - সান্তালী বাইবেল

⁵¹ Joseph do maraṅicʼ hoponakʼ ńutum Manaseye dohoketʼtaea (metakʼme “Hiṛińkakʼ”). Uniye menkeda, “Isor do ińakʼ sanam duk ar iń babawakʼ oṛakʼ reakʼ katha ińakʼ mon khone ocokʼakada.”

Genesis 41:51 Iomraidhean Croise

Genesis 41:30

ar ona tayomge eae akal bochor hijukʼ kana. Unre ḍher arjao akan phosol reakʼ katha hoṛkoakʼ mon khon ocogokʼa, ente noa akal iạte disạm do jarkhar cabakʼa.

Genesis 41:50

Akal lahare On nagraharen naeke Poṭipheraren hoponera Asnatakʼ kukhire Josephren barea gidrạkin janamena.

Genesis 41:52

Ona tayom dosaricʼ hoponakʼ ńutum do Ephrayeme dohokeda (metakʼme “Joanakʼ ”) Uniye menkeda, “Oka disạmre iń do dukiń ńamketʼ ona disạmrege Isor doe jo baha ocoakadińạ.”

Genesis 48:1

Niạ thoṛa din tayom Joseph do khobore ńamkeda, acʼ baba doe ruạkʼkana. Unre uni do acʼren banar hopon Manase ar Ephrayem soṅgekate onḍeye calaoena.

Genesis 48:5

Am ṭheniń hijukʼ lahare amren okoekin hoponkin janamlen unkin hõ ińren hoponko talarekin lekhakʼa. Ruben ar Simeon cetʼleka ińren kanakin onkage Ephrayem ar Manase hõ ińren kanakin.

Jobakʼ 11:16

Unre amakʼ kosṭo khạṭigem hiṛińa, ona do ạtukʼkan dakʼ lekagem hudisa.

Sereńko 30:11

Ińakʼ homorokʼ bodolte am do enecʼjoṅem pherao ạdińa; ar gõṛẽ kicricʼem raṛaketʼtińte rạskạ dom oyo ạdińa,

Sereńko 30:5

Ente uniyakʼ edre do ḍher ghạṛicʼ baṅ tahenkana; uniyakʼ dayatege jion do ńamokʼ kana. Ar ńindạge eken rakʼ rakʼte paromokʼ kana, menkhan rạskạ do setakʼrege seṭerokʼ kana.

Sereńko 45:10

Ańjomme, E biṭi, moneyakʼme ar luturakʼme; ar amren hoṛ do hiṛińkakome; ar am babawakʼ oṛakʼ reakʼ katha hõ hiṛińkakʼme.

Kạhtukko 31:7

Onko do ona ńũkate okulạn reakʼ kathako hiṛińma, ar onate duk ar kosṭo monre aloko disại ma.

Jesaea 57:16

Iń do jaejug hạbicʼ manwa do bạń dusiyea se ińakʼ edre unre bạń dohoya. Ente iń khonge jiu do oḍokokʼ kana ar ińge jiu reakʼ sahẽtʼ doń benao akada.

Jesaea 65:16

Disạm talare jãhãe hoṛ ạsirbade khoj uni do sạriạkʼren Isor ṭhengeye khoja; ar disạm talare jãhãegeye kiriyạkʼ uni do Isor ńutumtegeye kiriạkʼa; ente hoṛ do lahateakʼ kosṭoko hiṛińa ar ińakʼ mẽtʼ samaṅ khon ona do danaṅokʼa.

Numeri 26:28

Manase ar Ephrayem khon Josephren bõsko:

Dosar Biboron 33:17

Uniren pạhil janam adar doe ṭhonokana, uniyakʼ bohokʼre kạpil gại reakʼ dereńge menakʼa. Onate uni do prithimiren sanam jạtrenkoe hoṭakʼ pạsirkoa, ar ses simạnare menakʼko jạtrenko hõ. Ephrayimren do lakh lakh ar Manaseren do hajar hajar hoṛko hoyokʼa.”

Josuạ 14:4

Manase ar Ephrayim ńutuman Josephren hoponkin hotete barea gusṭi benaolena. Liwiko do jumi reakʼ bhag bako ńamleda, menkhan girobasokʼ lạgitʼ ar jinisko dohoy lạgitʼ adom adom atoko, nagrahako ar gại-ḍaṅgra ar bhiḍi merom ạtińko lạgitʼ beṛhaeteakʼ ạtiń ṭạnḍiko ńamkeda.

Josuạ 17:1

Manase do Josephren maraṅicʼ hopone tahẽkante gulibãṭ hotete uniren gusṭiko hõ mitʼṭecʼ jaegako emocolena. Manaseren maraṅicʼ hoponakʼ ńutum do tahẽkana Makir. Makir do Gileadren apate tahẽkana. Makir do mitʼṭen maraṅ birbanṭa hoṛe tahẽkante Gilead ar Bason reakʼ ạidạri do laharegeye ńamakatʼ tahẽkana.

1 Samuel 1:20

Onate Hanna doe bhạrti hoṛmoyena ar okte purạuen khan mitʼṭen koṛa gidrại janamkedea. Ar Hanna doe menkeda, “Iń do Probhu Isor ṭhen khoniń koe hatao akawana,” Ar gidrạwakʼ ńutum do Samuele dohoketʼtaea.