Genesis 41:43 - সান্তালী বাইবেল

⁴³ Noa tayom Joseph do acʼakʼ rajosṭi reakʼ dosarakʼ rãt gạḍireye duṛupʼkedea. Ar gạḍi calakʼ oktere Joseph laha lahateko roṛ sodorkeda, “Ikhṛumokʼpe, ikhṛumokʼpe.” Ar nonkate Pharao do goṭa Misor disạm reakʼ bhar Joseph cetanreye dohokeda.

Genesis 41:43 Iomraidhean Croise

Genesis 41:42

Ona tayom Pharao do acʼakʼ ti khon mohor chapakatʼ mundạm bocʼkate Josephe horokʼadea. Ar mońj utạrakʼ kicricʼe emadea ar hoṭokʼre sona reakʼ mala hõe horokʼadea.

Genesis 41:44

Tayomte uni do Josephe metadea, “Ńitʼ hạbicʼ raj minạńrehõ enhõ goṭa Misor disạmren hoṛ do amakʼ hukum lekage duṛupʼ arko teṅgona.”

Genesis 42:30

“Ona disạmren cakʼlaoicʼ hoṛ do ạḍi keṭecʼkate ale sãote kathae roṛakada. Uni do disạm cikʼyạ hoṛ kanale menteye hudisketʼlea.

Genesis 42:33

“Unre uni hoṛ, okoe doe disạmren cakʼlaoicʼ kan, uniye metatʼlea, ‘iń do niạtegeń bujhạu daṛeakʼa bhage hoṛ kanape mente. Ape do aperen mitʼ boeha iń ṭhen doho oṭokaepe ar apeakʼ upạsakatʼ gharońj lạgitʼ tinạkʼ anaj jạruṛape unạkʼ idiype,

Genesis 42:6

Joseph do Misor disạmren disạm cakʼlaoicʼe tahẽkana. Uni cetanrege disạmren sanam hoṛko ṭhen anaj ạkhriń reakʼ bhar do tahẽkana. Onate Josephren dadattetʼtako hõ uni ṭhen senkate otre ombakʼkateko ḍobokʼadea.

Genesis 45:8

Ape do bape kolakadińạ, menkhan Isorgeye kol akadińạ. Uni do pharaoren apatakʼ ṭhạ̃ireye dohoakadińạ ar acʼakʼ gharońj cetanre mạlike dohoakadińạ. Ona chaḍa uni do goṭa Misor disạm cetanre cakʼlaoicʼ menteye dohoakadińạ.

Genesis 50:18

Inạ tayom uniren dadattetʼtako do uni samaṅre hecʼkate unire giḍiyenteko menkeda, “Ale do amren golam kanale.”

Genesis 50:9

Ạḍi utạr rãt gạḍiko ar aswarikoante onko do mitʼṭecʼ maraṅ phạdge Joseph sãoteko calaoena.

Ester 10:3

Ahasberos raj tayom do Mordekaige dosaricʼe tahẽkana. Uniren sanam jạt-boehako do uniko manotkedea arko bạsutae kan tahẽkana, ente uni do acʼren hoṛko lạgitʼ bhạlạiyakʼgeye kạmiyetʼ tahẽkana ar sanam Jihudiko rukhiyạko reakʼgeye kurumuṭuyetʼ tahẽkana.

Ester 3:2

Unre raj dolan reakʼ phaṭok duạrre tahen kạmiyạko do ikhṛumate Hamanko ḍobokʼaekan tahẽkana, ente raj do uni reaṅ onkageye hukumakatʼ tahẽkana. Menkhan Mordekae do ikhṛum hõ bae ikṛumokʼkan tahẽkana ar ḍobokʼ hõ bae ḍobokʼae kan tahẽkana.

Sosolhayic̕ 4:14

Uni juạn do ona rajosṭi reakʼ mitʼṭecʼ reṅgecʼ gharońjreye janamlenre hõ enhõ hajot khon oḍok tayom do raje hoylena.

Daniel 2:48

Unre raj do maraṅ hudạ ar aema sandesko Daniele emadea, ar Babel reakʼ sanam disạmkoren cakʼlaoicʼ ar Babelren sanam ạkilanko cetanre mukhiyại dohokedea.

Philipiko lạgitʼ Pạul apostolakʼ ciṭhi 2:10

jemon sermarenko, dhạrtirenko ar ot latarrenko tahenkan onko mitʼke mitʼkoakʼ gunṭhi do Jisu samaṅre ikhṛumokʼtako,