Genesis 41:41 - সান্তালী বাইবেল

⁴¹ Pharao do Joseph arhõe metadea, “Disạime, iń do goṭa Misor disạm cetanre amgeń dohoketʼmea.”

Genesis 41:41 Iomraidhean Croise

Genesis 39:22

Hajotren sordar do sanam kạidiko cetanre Joseph bhare emadea jemon onḍenakʼ sanam kạmiko Josephakʼ sanaleka hoyokʼ.

Genesis 39:5

Joseph noako bhare em ocoyen tayom Joseph iạte Probhu Isor do uni Misri kisạ̃ṛakʼ jotowakʼe bhoratʼtaea. Probhu Isor do Poṭiphorakʼ oṛakʼ-duạr, ot-baṛge ar ona reakʼ jotowakʼgeye bhorada.

Genesis 41:44

Tayomte uni do Josephe metadea, “Ńitʼ hạbicʼ raj minạńrehõ enhõ goṭa Misor disạmren hoṛ do amakʼ hukum lekage duṛupʼ arko teṅgona.”

Genesis 42:6

Joseph do Misor disạmren disạm cakʼlaoicʼe tahẽkana. Uni cetanrege disạmren sanam hoṛko ṭhen anaj ạkhriń reakʼ bhar do tahẽkana. Onate Josephren dadattetʼtako hõ uni ṭhen senkate otre ombakʼkateko ḍobokʼadea.

Genesis 45:8

Ape do bape kolakadińạ, menkhan Isorgeye kol akadińạ. Uni do pharaoren apatakʼ ṭhạ̃ireye dohoakadińạ ar acʼakʼ gharońj cetanre mạlike dohoakadińạ. Ona chaḍa uni do goṭa Misor disạm cetanre cakʼlaoicʼ menteye dohoakadińạ.

Ester 10:3

Ahasberos raj tayom do Mordekaige dosaricʼe tahẽkana. Uniren sanam jạt-boehako do uniko manotkedea arko bạsutae kan tahẽkana, ente uni do acʼren hoṛko lạgitʼ bhạlạiyakʼgeye kạmiyetʼ tahẽkana ar sanam Jihudiko rukhiyạko reakʼgeye kurumuṭuyetʼ tahẽkana.

Sereńko 105:21

Uni do acʼakʼ raj dolan ar ona reakʼ sanam sompotti cetanreye dohokedea,

Kạhtukko 17:2

Ạkilteye kạmikan guti do hopon cetanre hukume calaoa, ar boehako talaren leka ạidạrireye bakhra joṅa.

Kạhtukko 22:29

Am do cetʼ nonkan jãhãe hoṛem ńel akatʼkoa oko do gạkhuṛ titeye kạmikan? Uni do rajko lạgitʼe kạmiya, ar hoṛko tabere do baṅa.

Sosolhayic̕ 4:14

Uni juạn do ona rajosṭi reakʼ mitʼṭecʼ reṅgecʼ gharońjreye janamlenre hõ enhõ hajot khon oḍok tayom do raje hoylena.

Daniel 2:48

Unre raj do maraṅ hudạ ar aema sandesko Daniele emadea, ar Babel reakʼ sanam disạmkoren cakʼlaoicʼ ar Babelren sanam ạkilanko cetanre mukhiyại dohokedea.

Daniel 6:3

Daniel do acʼakʼ gun iạte eṭakʼ raj-ạkʼyurko ar disạmren cakʼlaoko khon arhõ bhage utạricʼ menteye sạbudena. Ona iạte maharaj do goṭa rajosṭi cetanre bahale reakʼe monejoṅana.

Mathae 28:18

Unre Jisu do hecʼsorkateye metatʼkoa “Serma ar dhạrti reakʼ sanam ektiạri do iń ṭhen emakana.