Genesis 41:30 - সান্তালী বাইবেল

³⁰ ar ona tayomge eae akal bochor hijukʼ kana. Unre ḍher arjao akan phosol reakʼ katha hoṛkoakʼ mon khon ocogokʼa, ente noa akal iạte disạm do jarkhar cabakʼa.

Genesis 41:30 Iomraidhean Croise

Genesis 41:21

menkhan onko ńelte baṅ bujhạulena, onko moṭa soṭa gạiko utʼ ocoyena mente, ente onko do lahate lekageko ńelena. Ar ona tayom do jạpitʼ khoniń ebhenena.

Genesis 41:27

Tayomte oneko rakapʼ hecʼen eae goṭecʼ roga, ar ńelokʼte hirkhạ gạiko ar purub reakʼ hoete tolmocʼ akan eae goṭecʼ copa gele, noa banar reakʼ mane do hoyokʼkana akal reakʼ eae bochor.

Genesis 41:31

Noa akal iạte disạm reakʼ bhage din reakʼ kathako hoṛkoakʼ monre disạ baṅ tahena. Noa do maraṅ akalge hoyokʼa.

Genesis 41:51

Joseph do maraṅicʼ hoponakʼ ńutum Manaseye dohoketʼtaea (metakʼme “Hiṛińkakʼ”). Uniye menkeda, “Isor do ińakʼ sanam duk ar iń babawakʼ oṛakʼ reakʼ katha ińakʼ mon khone ocokʼakada.”

Genesis 41:54

Ar ona tayom do akal reakʼ eae bochor ehopʼena. Ar Josephakʼ katha lekage jotowakʼ hoyena. Aḍe pase disạmko hõ noa akal khon rukhiyạ bae ńamleda, menkhan Misorre do okare hõ jomakʼ reakʼ okulạn baṅ tahẽkana.

Genesis 41:56

Noa akal do goṭa disạmrege pasnao idiyena. Ar tinre maraṅ akal hoyena unre Joseph do sanam murại oṛakʼkoe jhicʼkeda ar Misorrenko ṭhen jomakʼe ạkhrińkeda.

Genesis 47:13

Tayomte akal do nonka maraṅ hoyena, goṭa disạmre okarege jomakʼ do ar baṅ tahẽlena. Akal khạtirte Misor ar Kanan disạm do loraoena.

2 Samuel 24:13

Unre Gad do Dạud ṭhen senkateye menkeda, “Amakʼ disạmre cetʼ eae bochor akal hoyokʼem khojkana? Se bạiriko khudạu baṛamete pe cando hạbicʼ ńir oko baṛayem khojkana? Se pe mãhã hạbicʼ amakʼ disạmre mahamạrim khojkana? Okoeye kol akadiń uni do cetʼ iń roṛ ruạṛaea ona reakʼ ńitokʼ hudiskate lạiyạńme.”

1 Rapajko 17:1

Gilead reakʼ Tisbe atoren Eliạ do Ahabe metadea, “Iń okoeyiń sewawaekan Israelren uni jiwetʼ Probhu Isorre kiriạkateń meneda, iń ạuriń men hạbicʼ darakan bochorkore sisir hõ baṅ ńurokʼa, ar dakʼ hõ bae daga.”

2 Rapajko 8:1

Elisae do okoeṭakʼ maejiuren hopone jiwetʼlede uni maejiue metadea, “Am do amakʼ gharońjrenko tulucʼ jãhãregem daṛeakʼ onḍege thoṛa din lạgitʼ tahẽ hataṛokʼme, ente Probhu Isor do niạ disạmre akale kola, ar eae bochor hạbicʼ ona akal do tahena.”

Sereńko 105:16

Ona tayom uni do onkoakʼ disạmre akale hoyocokeda ar jomakʼteye ṭonṭaketʼkoa;

Kạhtukko 31:7

Onko do ona ńũkate okulạn reakʼ kathako hiṛińma, ar onate duk ar kosṭo monre aloko disại ma.

Jesaea 65:16

Disạm talare jãhãe hoṛ ạsirbade khoj uni do sạriạkʼren Isor ṭhengeye khoja; ar disạm talare jãhãegeye kiriyạkʼ uni do Isor ńutumtegeye kiriạkʼa; ente hoṛ do lahateakʼ kosṭoko hiṛińa ar ińakʼ mẽtʼ samaṅ khon ona do danaṅokʼa.

Luk 4:25

Eliại tahẽkan oktere pe bochor turui cando bae dakʼleda ar goṭa disạmre maraṅ akal hoylena, unre Israel disạmre ạḍi utạr rạnḍi maejiuko tahẽkana.

Jakob 5:17

Eliạ do abo lekage mitʼṭen manwae tahẽkana. Ar nehõr salakʼe koekeda jemon dakʼ hõ aloe dag, ar pe bochor tala disạmre bae dakʼleda.