Genesis 41:15 - সান্তালী বাইবেল

¹⁵ Unre Pharao do Josephe metadea, “Iń do mitʼṭecʼ kukmũń ńel akada, menkhan okoe hõ ona reakʼ mane do bako lại daṛe ạdińa. Ińiń ańjom akada, kukmũ reakʼ katha lạiyam khan am do ona reakʼ manetetʼem lại daṛeakʼa.”

Genesis 41:15 Iomraidhean Croise

Genesis 40:8

Unkin dokin roṛ ruạṛadea, “Ạliń bana hoṛge mimitʼ goṭecʼ liń kukmũ akada, menkhan ona reakʼ bhede lạiyạliń nonkan celege nonḍe do bạnukʼkoa.” Joseph doe metatʼkinạ, “Ona kukmũ reakʼ bhed lại daṛeaben reakʼ ektiạri do cetʼ Isorakʼ tire bạnukʼa? Oka kukmũ ben ńelakatʼ ona baṛe lạiyạń ben.”

Genesis 41:8

Menkhan setakʼ secʼ uniyakʼ mon do khad badaoentaea. Uni do hoṛ kolkate Misor disạmren sanam gonokko ar muhnidarko ar gunidarkoe hoho ạgu ocoketʼkoa. Ar okaṭakʼ kukmũe ńelakatʼ onae lạiyatʼkoa, menkhan celege ona reakʼ bhed do bako lại daṛeada.

2 Bõsbudạ 26:5

Sakariạwakʼ oktere uni do Isorakʼ sana lekageye calakʼkan tahẽkana. Sakariạ do Isor botorae reakʼ sopolhae emaekan tahẽkana. Tinạkʼ din Probhu Isorakʼ sana lekae calaoen unạkʼ din Isor hõ uniye jo baha ocoyede tahẽkana.

Sereńko 25:14

Probhu Isor okoeko botorae kan onko ṭhenge uni do acʼakʼ monsubại sodortaea, ar acʼe dohoakatʼ bondobose baḍae ocokoa.

Daniel 2:3

Raj do onkoe metatʼkoa, “Mitʼṭecʼ kukmũń ńel akada; ar ona reakʼ mane baḍae lạgitʼ ińakʼ mon do khadbadaokʼ kantińạ.”

Daniel 4:18

“Noa kukmũge iń Nebukadnesar raj doń kukmũkeda. Ńitokʼ do E Beltesasar, ma lạiyạńme noa reakʼ mane do cetʼkana? Ińakʼ rajren okoe ạkilanko hõ noa reakʼ mane do bako lại daṛeadińa; menkhan am dom daṛeakʼa, ente amre sonot nonkanakʼ menakʼa one ona do niạ dhạrti reakʼ baṅkan.”

Daniel 4:9

Ińiń menkeda, “E gunidarkoren mukhiyạ Beltesasar, ińiń baḍaea amre nonkan sonotakʼ menakʼa one ona do noa dhạrti reakʼ baṅkan ar jãhãn danaṅakʼko hõ am ṭhen muskilakʼ do baṅkana. Ińakʼ noa kukmũ reakʼ bhed baṛe bhaṅgaoạńme.

Daniel 5:12

Daniel ńutuman nui hoṛ do Beltesasar mente hõe bahnaledea. Unire do mitʼṭen soros utạr jiue menaea, uni do bidiạ ar buj ar kukmũ reakʼ bhede bhaṅgao daṛeakʼkan tahẽkan ar kudumko ar muskilakʼko reakʼ hõe bhoṅ daṛeakʼkan tahẽkan. Am do uni Daniel hoho ạguiyem; unige noa olakʼ reakʼ bhede lạiyama.”

Daniel 5:14

Ińiń ańjomakada amre nonkanakʼko menakʼa oka do noa dhạrti reakʼ baṅkan, ar amre bujhạu reakʼ daṛe, bud ar bises ạkil hõ menakʼa.

Daniel 5:16

Ińiń ańjomkeda, am do okoakʼko reaṅ manekom lại daṛeakʼa ar muskilakʼko hõm alga daṛeakʼa. Am do ńitokʼ noa ol akanakʼem paṛhao daṛeakʼ ar ona reakʼ bhedem bhaṅgao daṛeạń enḍekhan am do beguni kicricʼem horokʼ ocokʼa ar hoṭokʼre sona reakʼ mala hõm ńama ar rajosṭiren pea rapajko modre am hõ mitʼṭecʼ hudạm ńama.”