Genesis 40:19 - সান্তালী বাইবেল

¹⁹ Niạ pe din bhitrire Pharao do amakʼ bohokʼ am khone ńurtama are pạsimea, ar cẽṛẽko hecʼkate amakʼ jelko ṭhokrao joma.”

Genesis 40:19 Iomraidhean Croise

Genesis 40:13

Pharao do pe din khange nonḍe khone oḍokmea ar lahateakʼ kạmireye bahal ruạṛmea. Ar am do darkha rasa dudulicʼ lekate arhõ Pharaoakʼ bạṭirem dula.

Genesis 40:17

Ar cetan reakʼ ḍạlicʼre do Pharao lạgitʼ aema lekan piṭhạko tahẽkana. Menkhan cẽṛẽko do hecʼkate ińakʼ bohokʼ reakʼ ona ḍạlicʼ khon jojomko ehopʼena.”

Genesis 40:18

Unre Joseph do roṛ ruạṛadeteye metadea, “Nõkʼõe amakʼ kukmũ reakʼ manetetʼ do. Pe ḍạlicʼ reakʼ mane do hoyokʼ kana pe din.

Genesis 40:20

Niạ pe din hilokʼre Pharao do acʼ tabereko kạmikan hoṛko lạgitʼ mitʼṭecʼe bhojkeda. Enhilokʼ uni do acʼakʼ janam din tahẽkantaea. Pharao do acʼren darkha rasa dudulicʼ ar piṭhạ bekʼnaokoren sordare oḍokketʼkinte onko samaṅreye ạguketʼkinạ.

Genesis 40:22

Menkhan piṭhạ bekʼnaokoren sordar doe pạsikedea. Joseph cetʼleka kukmũ reakʼ manetetʼe lạiyatʼkin tahẽkan onkage unkinre hoyena.

Genesis 41:13

Ar ạlińakʼ kukmũ reakʼ oka bhede lạiyatʼliń ṭhik onkage jotowakʼ do hoyena. Maharaj do arhõ ińakʼ kạmireye bahal dohṛakedińa menkhan piṭhạ benaoren sordar doe pạsikedea.”

2 Samuel 21:10

Unre Ayaren hoponerat Rispa do gõṛẽ kicricʼ idikate mitʼṭecʼ dhiri cetanreye aṭetʼana. Pạhil phosol gegetʼ khon ehopʼkate tinạkʼ din ona mạ̃ṛĩko cetanre serma khon jạ̃ṛĩ dakʼ ạuri ńurokʼ hạbicʼ siń do cẽṛẽko ar ńindạ do bir janwarko ona mạ̃ṛĩ ṭhen bae sor ocoatʼkoa.

2 Samuel 21:6

uniyakʼ bõs khon eae goṭen herel hoṛ aleakʼ tire soprotaleme. Ale do Probhu Isorren bachao hoṛko, metakʼme Sạulakʼ nagraha Gibeonre Probhu Isorakʼ burure Probhu Isor samaṅre onkole gocʼkoa ar sanamko samaṅre onkoakʼ mạ̃ṛĩkole giḍikakʼa.” Raj doe metatʼkoa, “Iń do apeakʼ tire onkoń soprotkoa.”

Kạhtukko 30:17

Okaṭakʼ mẽtʼ do apate ṭiṭkạriyede kan ar eṅgatakʼ katha bataore hirkhạ salakʼe baṅetʼ, ona mẽtʼ do gaḍa kạhuko ṭhoṭrao oḍoka, ar gidiren hopon do onako joma.

Jeheskel 39:4

Israel reakʼ buruko cetanre am ar amren sanam lạṛhại phạdko ar am sãote jạtrenko do giḍi akanko tahẽkan. Ar am do gidi ar janwarkoakʼ jomakʼgeń hoyocomea.

Aposkạmi 20:27

ente Isor okae khojkan ona baḍae ocope do tishõ bạń pạc akana.

Galathiko lạgitʼ Pạul Apostolakʼ ciṭhi 3:13

Ar ạn bon bebataoetʼte okako sarap abore tahẽkan, ona do Mạsi acʼgeye ladeyante aboe chaḍaoketʼ bona. Sonot sostorre noa olakana, “Darere aka ocoakanicʼ mitʼke mitʼ hoṛ doe sarapanicʼ kana.”

Josuạ 10:26

Ona tayom Josuạ do onko raje gocʼketʼkoa ar mõṛẽ goṭen darereye akakatʼkoa. Ar ạyupʼ dela deli hạbicʼ mạ̃ṛĩ do darere akage tahẽyena.

Josuạ 8:29

Uni do Ae nagraharen raje gocʼkedea ar ạyupʼ hạbicʼ darereye aka dohokadea. Ar ńindạ jokhecʼ uniyakʼ mạ̃ṛĩ pheḍkate nagraha reakʼ phaṭok duạr bolokʼ horre giḍikae reakʼe hukumkeda. Ar hoṛko do uni cetanre dhiriko giḍi puńjikeda. Ona do teheń hạbicʼ hõ menakʼgea.

1 Samuel 17:44

Uni do Dạud arhõe metadea, “Dela hijukʼme; amakʼ hoṛmo reakʼ jel do coṭren uḍạukʼ cẽṛẽko ar bir janwarkoń jom ocokoa.”

1 Samuel 17:46

Teheńge Probhu Isor do ińakʼ tireye soprotmea. Ar iń do amiń bhindạṛmea ar bohokʼ iń makʼ kuṭrạitama. Ar teheńge Philisṭiren lạṛhại phạdkoakʼ mạ̃ṛĩ do coṭren cẽṛẽko ar otren janwarkoń jom ocokoa. Ona ńelte dhạrtiren sanamgeko baḍae daṛeakʼa, Israelkoren do mitʼṭen Isor menaetakoa.