Genesis 40:15 - সান্তালী বাইবেল

¹⁵ Ente, Ibrikoakʼ disạm khon jorkateń sapʼ ạgu ocoakana, ar noa disạmre hecʼkate hõ jãhãn nonkanakʼ do bạń kạmi akada one onate noa khạndṛuṅreko aṭkao dohokạń.”

Genesis 40:15 Iomraidhean Croise

Genesis 14:13

Mitʼṭen hoṛ doe dạṛ paskao hecʼente Ibri hoṛ Abram ona khobore lạiyadea. Abram do ona jokhecʼ Amori hoṛ Mamreyakʼ Elon bir ṭhere girobasokʼ kan tahẽkana. Mamre do Eskol ar Anerren boehae tahẽkana. Unkin do Abram sãote gatekʼ reakʼkin bondobos akatʼ tahẽkana.

Genesis 39:20

Unre Poṭiphor do hajotre Josephe bhoraokadea one oka ṭhạ̃ire raj bondiko dohoyetʼko tahẽkan. Menkhan Probhu Isor do hajotre hõ Joseph sãoteye tahẽkana. Uni do Probhu Isorre pạtiạugeye tahẽyena ar Probhu Isor do uniye dayawadete hajot khanaren sordarakʼ nońjorreye paṛao ocokedea.

Genesis 40:16

Piṭhạ bekʼnaokoren sordar do tinreye ńelkeda, darkha rasa dudulicʼakʼ kukmũ reakʼ mane do bhagegea unre acʼ hõ Josephe metadea, “Iń hõ mitʼṭecʼ kukmũń ńel akada. Iń doń ńelkeda pe ḍạlicʼ moeda reakʼ piṭhạ do bohokʼreń dipil akada.

Genesis 41:12

Unre rurukhiyạ dol sordarren mitʼṭen Ibri guti koṛa hõ onḍeye tahẽkana. Ar bana hoṛge ạlińakʼ kukmũ reakʼ katha uni liń lạiyadea. Unre uni do bana hoṛge kukmũ reakʼ bhede lạiyatʼlińạ.

Sereńko 105:18

Ḍanḍa biṛi reakʼ sikṛite uniyakʼ jaṅga do kosṭoye ńamkeda, uni do mẽṛhẽtʼ reakʼ sikṛiteye tol ocoyena.

Sereńko 109:2

Bedhorom ar phạsiạra hoṛko do iń upạrteko cahapʼ akada; onkoakʼ phạsiạra alaṅte iń upạrteko roṛeda.

Exodus 21:16

“Jãhãege mitʼṭen hoṛ kombṛokateye ạkhrińe se uni tireye ńamokʼ, enḍekhan uni hõ khạṭigeye gocʼ ocokʼa.

Daniel 6:22

Ińren Isor do acʼren dutkoe kolketʼkote dhạcri kulkoakʼ mocae bondketʼtakoa. Onko do bako ghạl akadińạ, ente Isorakʼ mẽtʼãhãre bin dusạniń tahẽkana. E maharaj, am ṭhen hõ jãhãnakʼ do bạń dosakada.”

Johan 10:32

Jisu do onkoe metatʼkoa, “Babawakʼ hukumleka ạḍi okocʼ bhage kạmikoń udukʼ akawatʼpea Onako modre okalekanakʼ kạmi iạte dhirite tińińpe menetʼkana?”

Johan 15:25

Noa do hoyakana onkoakʼ ạn-ạrire olakan katha jemon purạukʼ, ‘onko do ạuṛiyakʼte ińko kurudạń kana.’

Dosar Biboron 24:7

“Ar jãhãe hoṛ jãhãe Israel boeha kombṛo idikate guti menteye hataoe seye ạkhrińe, enḍekhan uni kombṛo hoṛ do gujukʼ hoyokʼtaea. Ape tala khon onkan bạṛicʼ hoṛ dope marao utạrkoa.

1Timothi 1:10

loṭghuṭiko, jojognako, hoṛ kiriń-ạkhrińko, eṛe katha roroṛko, eṛe goha emokʼko, sạri sikhnạt upạrte eṭakʼ jãhãnakʼko kạmikan onkanko lạgitʼge noa do emakana.

1 Samuel 24:11

E ạlińren ạpuń, nõkʼõe ńelben, ạlińakʼ tire abenakʼ aṅgrop reakʼ ańcar kuṭrạ. Ạlińge abenakʼ aṅgrop khon ańcar liń getʼ kuṭrạ akatʼa menkhan aben do bạliń gocʼletʼ bena. Enḍekhan aben do ńitokʼ ben bujhạu daṛeakʼ kana je, aben cetanre ạlińakʼ jãhãn behokakʼ se hulteakʼ do bạnukʼa. Ar aben upạrte kại hõ bạliń kại akada, menkhan enhõ aben do ạliń gocʼliń lạgitʼ ben sendra baṛayetʼlińạ.