Genesis 4:7 - সান্তালী বাইবেল

⁷ Bhageakʼem kạmi akatʼ khan enḍekhan amakʼ mẽtʼãhã do cedakʼ kharsala baṅ ńelokʼkantama? Am do bhageakʼ bam kạmi akatʼte kại doe khudạu baṛamea ar ona do amakʼ duạrre hecʼkate duṛupʼkokʼa; menkhan uni bhagaoe hoyokʼtama.”

Genesis 4:7 Iomraidhean Croise

Genesis 19:21

Serma goḍet do uniye metadea, “Iń do amakʼ noa nehõr iń dohoketʼtama. Ar okaṭakʼ ato reakʼ katham lạiketʼ ona do bạń maraoa.

Genesis 3:16

Ona tayom uni maejiue metadea, “Bhạrti hoṛmom tahenre amakʼ kosṭo do arhõń ḍher ocoytama. Am do bedonte gidrạm janamea. Ar jãwãe lạgitʼem jaljalaokʼa, ar uni do am cetanre mạlike hoyokʼa.”

2 Samuel 24:23

E maharaj, Arowna do noako raje emaekana.” Arowna do arhõe meneda, “Amren Probhu Isor do amakʼ samaṅokʼakʼe ataṅtam ma.”

2 Rapajko 8:28

Aramren raj Hosael upạrte lạṛhại lạgitʼ Ahasiạ do Ahabren hopon Jehoram sãote Ramot-Gileadteye senena. Unre Aramren hoṛ do Jehoramko ghạlkedea. Ar ona ghạl khon bogekʼ lạgitʼ Jehoram do Jisriyelteye ruạṛ calaoena. Ahabren hopon Jehoram doe ghạl akan tahẽkante Jihudạren raj Jehoramren hopon Ahasiạ do uni ńele lạgitʼ Jisriyelteye calaoena.

Jobakʼ 11:14

amre oka kại menakʼ onam sạṅgiń lekhan, ar bedhorom amakʼ oṛakʼre bam tahẽ ocowakʼ khan,

Jobakʼ 11:15

enḍekhan am do bin dusạnte bohokʼem rakabtama ar begor botorte kajaktem teṅgokʼa.

Jobakʼ 29:4

Ińakʼ ona jo bahakʼ dinkore Isorakʼ sotasoṅ do ińakʼ tạmbui bhorakʼkan tahẽkana.

Jobakʼ 42:8

Onate ńitokʼ eae goṭen ḍaṅgra ar eae goṭen bheḍa ạgukate ińren guti Job ṭhen senokʼpe ar apnar lạgitʼ jeredokʼ samaṅokʼakʼ samaṅpe. Ińren guti Job do ape lạgitʼe koejoṅa ar iń do onań ataṅtaea, apeakʼ lelhatetʼ leka jo do bạń emapea.”

Kạhtukko 18:5

Bedhoromicʼakʼ mẽtʼãhã beṅgetʼakʼ do baṅ bhagea, onate dhoromicʼe behokʼ ocokʼa.

Kạhtukko 21:27

Bedhoromkoakʼ dãṛẽ Probhu Isor doe hirkhạwakʼkana, ar ona bạṛicʼ monsubạte ạgulen khan enḍekhan ona do artetʼge hirkhạwakʼ hoyokʼa.

Jirimiạ 3:12

Am do senkate utạr secʼ samaṅkate noako sombat lại jạhirme: ‘iń Probhu Isorgeń meneda, E bạṛicʼ horte ghańjeṛ akan Israel, dela ruạṛ hijukʼme. Kurkunḍucʼkate am secʼ beṅgetʼ akae do bạń tahena; ente iń doń dayawạnicʼ kana, onate jaejug hạbicʼ edre akan do bạń tahena.

Jirimiạ 6:20

E ińren hoṛko, Seba disạm khon oka kunduru hijukʼkan se sạṅgiń disạm khon oka soros boc hijukʼkan onate ińakʼ do cetʼ jạruṛ? Apeakʼ jeredokʼ samaṅokʼakʼko bạsutokʼakʼko do baṅkana; ar apeakʼ janwar dãṛẽteakʼko hõ bae kusi ocoyediń kana.”

Mikạ 7:18

Am lekan Isor do ar celehõ bạnuiya okoe do jiwetʼ tahen hoṛkoakʼ kại ar behokakʼe ikạyetʼtako. Am do jaejug edre bam sapʼ dohoya bickom amakʼ asambheṛ dulạṛem udugte rạskạm bujhạueda.

Malaki 1:10

“Hae! Ape modre mitʼ hoṛ hõ mundil oṛakʼ reakʼ duạre sińlere ar ińakʼ pinḍ cetanre ạuṛiyakʼ reakʼ seṅgel bape jeretʼ lekhan iń do ạḍiń kusikokʼa. Ape cetanre iń doń khĩs akana ar samaṅokʼakʼ reakʼ jinisko hõ apeakʼ tite bạń ataṅa.

Malaki 1:13

Ape do noa hõpe meneda, ‘Noako do samani haronokʼakʼ kana!’ Ape do luṭ ocoakan, leḍha se ruạkʼkan janwarpe ạguiyetʼkoa ar samaṅokʼren porob ńutumtepe samaṅetʼkoa, menkhan cetʼ iń do apeakʼ ti khon onań ataṅ daṛekea? Iń Probhu Isorge noa katha doń meneda.

Malaki 1:8

Janwar samaṅokʼakʼ porob lạgitʼ ape do kãṛã janwarante tinrepe hijukʼkana unre ona do cetʼ apeakʼ behokakʼ do baṅkana? Ape do tinre leḍha ar ruạkʼkan janwarkote samaṅokʼakʼ porobpe porobokʼ kana, unre cetʼ ona do behokakʼ do baṅkana? Aperen disạm cakʼlaoko ṭhen onakope samaṅle khan uni do cetʼ apereye kusikokʼgea? Uni do cetʼ bae nihạ̃t giḍikepea? Iń phạdkoren Probhu Isorge apeń kuliyetʼpea.”

Numeri 32:23

Menkhan bape onkae enḍekhan ape do Probhu Isor upạrtepe kạiya. Ar noa baḍaekakʼpe, ona iạte apeakʼ kại khon rehae do bape ńama.

Aposkạmi 10:35

Ar mimitʼ jạtrenko mod khon okoe do uniko botoraekan ar uniyakʼ mẽtʼãhã samaṅre dhoromko kạmikan uni do onkoe ataṅkoa.

Romiko lạgitʼ Pạul Apostolakʼ ciṭhi 12:1

Enḍekhan E boehako, Isorakʼ noako daya iạtege iń do asokaeteń nehõrape kana, apeakʼ hoṛmo do jiwetʼ, sonot ar Isore kusiyakʼ dãṛẽ menkate uni ṭhen samaṅtape. Ar onage apeakʼ lek reakʼ sewa do hoyokʼa.

Romiko lạgitʼ Pạul Apostolakʼ ciṭhi 14:18

Okoe nonkate Mạsi ṭhen golame khaṭaokʼkan, Isor do unireye kusikʼkana ar hoṛko hõ uni do bhageko metaekana.

Romiko lạgitʼ Pạul Apostolakʼ ciṭhi 15:16

Sonot Jiu hotete okoe Jihudikoko bachao doho ocoakan, onko do Isor ṭhen jemon samaṅokʼakʼko hoydaṛeakʼ ona iạte uniyakʼ bhage sombat lại pasnaore naeke kạmiyiń kạmikana.

Romiko lạgitʼ Pạul Apostolakʼ ciṭhi 6:12

Onate apeakʼ gujukʼakʼ hoṛmore kại do raj alope calao ocoyaea. Arpe calao ocoyae khan apeakʼ hoṛmo reakʼ bạṛicʼ sana gobolrepe calao idikʼa.

Romiko lạgitʼ Pạul Apostolakʼ ciṭhi 6:16

Ape do cetʼ bape baḍaea, golam leka jãhãeakʼ gobolrepe tahen ar uniyakʼ hukumkope bataotae enḍekhan uniren golamkope hoyokʼ kana mente? Onkage ape do kạiren golam hoyokʼtepe gujukʼa, ar baṅkhan Isorren golam leka dhoromakʼkope kạmiya.

Ephesiko lạgitʼ Pạul Apostolakʼ ciṭhi 1:6

Uni doe nonkaleda jemon acʼren dulạṛiạ Hopon hotete begor damte oka mạhimate perecʼ dayae dan akatʼbon uniyakʼ sarhao hoyokʼtae.

1Timothi 5:4

Menkhan jãhãe rạnḍi maejiuren gidrạ se goṛom gidrạko tahen khan onko gidrạko se goṛom gidrạkoge pạhilte jemon apan apin gharońjre Isor bhoktiko udugma. Nonkate onko do eṅgat-apat se baba haṛamkoakʼ dulạṛ reakʼ rinko hala ruạṛ daṛeakʼa, ar noate Isor doe kusikʼa.

Ibriko 11:4

Biswạs iạtege Kạin khon Abelakʼ dãṛẽ do Isor samaṅre arhõ bhageakʼ tahẽkana. Biswạs iạtege Isor do uniyakʼ dãṛẽ aṅgockate uni reaṅ noa gohae emleda je, uni doe dhoromgea mente. Habele gocʼ akanre hõ enhõ uniyakʼ biswạs hotetege uni do ńit hõ kathae roṛeda.

Jakob 1:15

Ona tayom bạṛicʼ sana purạulen khan kạiye janama, ar kại perecʼlen khan gujukʼe janam ocoya.

1 Patras 2:5

ar uni ṭhenpe hecʼakante jiwetʼ dhiri leka ape hotete Isorakʼ tahen oṛakʼ do benaokʼ kana. Onate naeke lekate Isor lạgitʼpe begar ocoakana, jemon nonkan sanam jiuanakʼ dãṛẽpe samaṅ one okaṭakʼ do Jisu Mạsi hotete Isorre kusiyakʼ leka hoyokʼ.