Genesis 4:2 - সান্তালী বাইবেল

² Tayomte uniyakʼ kukhire Kainren boeha Habele janamena. Habel do bhiḍi gupikoe ehopʼena ar Kain do jumi cacasicʼe hoyena.

Genesis 4:2 Iomraidhean Croise

Genesis 3:23

Noa menkate Probhu Isor do hasate bekʼnaoicʼ manwa do ot cas lạgitʼ Eden bagwan khone oḍokgotʼkedea.

Genesis 37:13

Unre mitʼ din Israel do Josephe metadea, “Dadamtako do Sikemre merom ar bhiḍi palko gukʼpikana. Ar ińakʼ monejoṅakʼ do noage am do onko ṭhenem calakʼa.”

Genesis 4:1

Adam do acʼren bạhu Hawa tulucʼe giticʼmitʼen khan Hawa doe bhạrti hoṛmoyena, ar Kain ńutuman mitʼṭen koṛa hopone janamkedea. Unre Hawae menkeda, “Probhu Isor do mitʼṭen koṛa hopone emakawạdińa.”

Genesis 4:3

Mitʼdin Kain do Probhu Isor ṭhen acʼakʼ jumi reakʼ phosol ạgukateye samaṅkeda.

Genesis 47:3

Khan Pharao do onkoe kuliketʼkoa, “Ape do cetʼpe kạmiya?” Onkoko menkeda, “Amren golamko do bhiḍi-meromkole gupi baṛakoa. Ente aleren hapṛamko hõ inạgeko onkayetʼ tahẽkana.”

Genesis 9:20

Noha do casokʼe ehopʼena ar mitʼṭecʼ darkha bagwane benaokeda.

Sereńko 127:3

Gidrạ do Probhu Isor emakʼ ạidạri kanako, ar kukhiren gidrạ hõ uni emakʼ kuṛạige.

Exodus 3:1

Mitʼ din Mose do acʼren hońhartetʼ Jethro, metakʼme Ruelren bhiḍi-meromkoe gupiyetʼko tahẽkana. Jethro do Midiankoren mitʼṭen naekeye tahẽkana. Mose do hahaṅkar hanasate bhiḍi-meromko gupi gupite Isorakʼ Horeb buruteye seṭerketʼkoa.

Amos 7:15

Menkhan Probhu Isor do bhiḍi merom gukʼpi khone hoho ạgukedińteye metadińạ, ‘am do senkate ińren Israelko ṭhen nạbi lekate katha roṛme.’

Luk 11:50

Ar nonkate, dhạrti sirjạu reakʼ ehopʼ khon tinạkʼgan nạbikoko gocʼ ocoakan, onkoakʼ mãyãm reakʼ dạyi do niạ piṛhiren hoṛko cetanrege paṛaokʼa.

Luk 11:51

Hẽ, sạrigeń metapekana, Habel reakʼ mãyãm khon ehopʼkate Sakariạ hạbicʼ, one okoe do pinḍ ar sonot jaegareye gocʼ ocolen uni Sakariạ khũn hạbicʼ sanamkoakʼ mãyãm reakʼ dạyi do niạ piṛhiren hoṛgeko hoyokʼa.

Johan 8:44

Soetange aperen baba do, ar ape do uniren hoponko kanape; onate uniyakʼ sana purạupe menjoṅ kana. Soetan do pạhil khongeye khũniạhi kana. Uni do tisge sạriyakʼre bae teṅgo akana, ente unire do sạriyakʼtetʼge bạnukʼa. Uni do eṛe kathae roṛre acʼ khongeye roṛa, ente uni doe eṛeyicʼ kana ar sanam lekan eṛeakʼ do uni khonge janam akana.

1 Johan 3:10

Okoe bhage kạmire apnar bako lạgiyạ paṛao akan tahen ar boeha bako dulạṛetʼko, onko do Isorren doko baṅkana. Ar noatege sodorokʼ kana okoe doko Isorren Hopon kana ar okoe doko Soetanren hopon kana mente.

1 Johan 3:12

Onateń meneda, Kạin leka jemon alo bon hoyokʼma. Kạin do Soetanren hoṛe tahẽkana uni do acʼren boehae khũnledea. Menkhan cedakʼe khũn ledea? Ente uni do bạṛicʼakʼkoe kạmiyetʼkan tahẽkana, ar uniren boeha do dhorome kạmikan tahẽkana.

1 Johan 3:15

Okoe boehae kurudaekan uni doe khũniạhi kana. Ar cele khũniạhi hõ jaejug jion do bae ńama ona dope baḍaegea.